Әдемілік – ақылдыны сынды қылады,
Ақылсызды жынды қылады.
***
Әдепсіз бала
Ауыздықсыз атпен тең
Ақылды қария
Жазып қойған хатпен тең.
***
Әдепті бала өсірсең,
Ауылдың абыройы.
Ақылды жігіт өсірсең,
Атырабыңның абыройы.
***
Әдептілік, ар-ұят –
Адамдықтың белгісі.
Тұрпайы мінез, тағы, жат –
Надандықтың белгісі.
***
Әйел ақылсыз, бақа көріксіз.
***
Әйел көркі – ақылда.
***
Әйел сұлу, еркек ақылды болу керек.
***
Әйелден батыр шықпас,
Ақымақтан ақыл шықпас.
***
Әйелдің ақылдылығы сұлулықта,
Еркектің сұлулығы ақылдылықта.
***
Әйелдің ақылы қысқа, шашы ұзын.
***
Әйелдің көркі ақылында.
***
Әйелдің шашы ұзын, ақылы қысқа.
***
Әйеліңе балаң жоқ жерде ақыл айт,
Балаңа адам жоқ жерде ақыл айт.
***
Әке – ақылшы да, айбар, қормал да қорған.
Әкең болса, тозбайды айыл-тұрман.
***
Әкеден – ақыл,
Анадан – мейір.
***
Әкім ақылды, дана болса, төңірекке бас болар.
Ақымақ жауыз болса, төңірекке қас болар.
***
Әлем билеу үшін зерде тірек қой,
Ел билеуге керек ақыл, жүрек, ой.
***
Әлсіз адам – сүріншек,
Ақылсыз адам – еріншек.
***
Әпербақан ұр кеуде,
Ақылы жоқ құр кеуде.
***
Әрбір адам ақылды бола бермейді,
Жат пен жақын бірдей бола бермейді.
***
Әркімнің өз ақылы кемел көрінеді.
maqal-matel.kz