Әділ заң – аспан тірегі.
***
Әділ хан аспандағы Күнің.
***
Әзірейіл барда, жаным бар деме,
Һауада бұлт барда, малым бар деме.
***
Әйел де ай сәулесі сияқты,
Есікті жапсаң, түндіктен түседі.
***
Әйел жерден шыққан жоқ,
о да еркектің баласы,
ерлер көктен түскен жоқ,
әйел оның анасы.
***
Әйел жерден шыққан жоқ,
Ол да еркектің баласы.
Ерлер көктен түскен жоқ,
Әйел – оның анасы.
***
Әйел жыласа – шық,
Күн шықса, кетеді.
***
Әйелдің жасы – шық,
Күн шықса, кетеді,
Ердің жасы – от,
Жүрегін өртеп кетеді.
***
Әркімдікі өзіне,
Ай көрінер көзіне.
***
Әуедегі тырнадан қолыңдағы шымшық игі.
***
Әуеден шұға жауса,
Құлға ұлтарақ тимейді.
maqal-matel.kz