Әдепті әдепсізден үйрен.
***
Әділ бидің өлгені –
Сөзінің болса жалғаны,
Құламаның өлгені –
Болмаса тәлім алғаны.
***
Әке мейірімінен ұстаз жәбірі жақсы.
***
Әліппенің ар жағы – білім бағы.
***
Әр адам білігімен белгілі болады.
***
Әр нәрсенің парығын айыру – жоғарғы білім.
***
Әр сөзіңнің білім болсын сағасы,
Білімменен үлкейер ел ағасы.
***
Әрбір ғылымның амалы бар.
***
Әуелі бойыңда талант болсын,
Талантыңа талабың қанат болсын.
maqal-matel.kz