Ағаштан құман болмас,
Алаштан туған болмас.
∗∗∗
Айылың құйысқандай болса,
Алашың туысқандай болсын.
∗∗∗
Ақымақ болса туысың,
Ақы беріп, бауыр қыл.
Ақылын тауып, Алашты
Араз қылма, ауыл қыл.
∗∗∗
Алаштың аты озғанша,
Ауылдастың тайы озсын.
∗∗∗
Алысты жақын қылған ат әулие,
Алашты жақын қылған қыз әулие.
∗∗∗
Арғымақ деп кім айтар,
Жабыны басып озбаса.
Азамат деп кім айтар,
Алашқа олжа салмаса.
∗∗∗
Атамыз – Алаш,
Керегеміз – ағаш.
maqal-matel.kz