Батырды жауда,
Данышпанды ашуланғанда,
Досты жоқтықта сына.
***
Батырлық майданда,
Ақылдылық ашу үстінде сыналар.
***
Бетке айтқанның зәрі жоқ.
***
Бит ашуын сіркеден алады.
***
Бол ұстамды, қатты келсе қаһарың,
Сабыр етсең, келер шаттық баһарың.
***
Буып ашу, кім қаһарын жаяды,
Содан бектік қасиет те таяды.
***
Білімдіде ашу жоқ,
Пілдің жүгін көтереді.
Білімсізде ашу көп,
Жынның жүгін көтереді.
***
Бір қолыңның ашуы келсе,
Бір қолыңмен арашала.
***
Бірі ашулы болса,
Екіншісі басулы болады.
maqal-matel.kz