Б

Баға берме жүзіне қарап адамның,
Дана деме сөзіне қарап адамның,
Жолдас айырар оның жақсы-жаманын.
***
Бағайын десе, малы,
Ыңыранайын десе, аузы жоқ.
***
Бағынбаған патшаның басы кетеді.
***
Бадырақ көз сен тимесең, мен тимен.
***
Бажаны бажа көрсе, басы қышиды.
***
Бажаны көрсе, бас қышиды.
***
Бай аузында семіз сөз.
***
Бай бастас, батыр қандас, би құлақтас.
***
Бай бастас,
Батыр құлақтас.
***
Бай бастас, кедей мұңдас.
***
Бай болсаң, баршаменен бетіңді сүрт,
Жарлы болсаң, жаныңменен көтіңді сүрт.
***
Бай болсаң, паршаменен бетіңді сүрт,
Жарлы болсаң, жаныңменен етіңді сүрт.
***
Бай болсаң, торғын орамалмен бетің сүрт,
Кедей болсаң, жаныңменен көтің сүрт.
***
Бай болсаң, торғынменен бетіңді сүрт,
Жарлы болсаң, жаныңменен көтіңді сүрт.
***
Бай күйігі етекте,
Бала күйігі жүректе.
***
Бай кісі жарлыны,
Тілді кісі тілсізді,
Жас кісі кәріні керексіз қылады.
***
Бай қасына барып көр,
Пақыр болмасаң, маған кел.
Хан қасына барып көр,
Басың кетпесе, маған кел.
***
Бай мақтанса, табылар,
Әрнәрсенің, қоры бар.
Жоқ мақтанса, шабылар,
Маңдайының соры бар.
***
Бай мақтанса – табылғаны,
Қыстық қоры болады.
Жоқ мақтанса – шабылғаны,
Маңдайының соры болады.
***
Байғұстың аузы асқа тисе,
Мұрны қанайды.
***
Байдан бұзылған қатынның қабағы ашылмайды,
Жақсының сыры шашылмайды.
***
Байдың әйелі өлсе, төсегі жаңғырар.
Кедейдің әйелі өлсе, басы қаңғырар.
***
Байдың қатыны өлсе, төсегі жаңғырады,
Кедейдің қатыны өлсе, басы қаңғырады.
***
Байдың малы төрт тісімен оттайды,
Жарлының малы екі тісімен оттайды.
***
Байқап сөйлегеннің ерні ауырмайды,
Аңдап кескеннің бармағы ауырмайды.
***
Байлық басыңнан кетсе,
Өзіңді сабанханада көр.
***
Байлық қолда ұстауға мұз:
Қатты ұстасаң, сынып кетеді,
Бос ұстасаң, еріп кетеді.
***
Байлық – қолдың кірі.
***
Байлық үшін отқа түспе, таспағын,
Құмарлықтың мойнын жұлып тастағын.
***
Байсыз әйел үйде тұрмас,
Баусыз оймақ қолда тұрмас.
***
Байтал түгіл бас қайғы.
***
Байығанда бас имес, ол – адамның әлсізі.
***
Бақ басында, сор қасында.
***
Бақ қайтса, басқа дәулет құралмас.
***
Бақ тіліңді, ойлағаның саз болар,
Көп сөйлеген сөздің мәні аз болар.
***
Бақа деген бәледен бастан құлақ садаға.
***
Бақайшықты тастама,
Бас бармақтай майы бар.
***
Бақан жаққан баста бар.
***
Бақыршының басы болғанша,
Алтыншының аяғы бол.
***
Бақыт басқа қонғанда,
Алысып жүрген дұспандар
Алдыңа келіп дос болар.
Бастан бақыт ұшарда,
Жан аяспас достарың
Қарап жүріп қас болар.
***
Бақыт берсе Құдайым, көргенде білерсің,
Дәулет берсе басыңа, ақ тұйғындай түлерсің,
Оныменен кетпессің, ақырында өлерсің.
***
Бақыт кетсе қолыңнан,
Әуелі досың менен құдаң кетер,
Бидай еккен жеріңе тікен бітер.
Бақыт, дәулет басыңа қайта қонса,
Әр жерден дұшпандарың жылт-жылт етер.
***
Бақыт қолға қонған құс,
Байлық қолға ұстаған мұз.
***
Бақыт қонса басыңа,
Білмесең де, данасың.
Бақыт ұшса басыңнан,
Ақ та болсаң, қарасың.
***
Бақыт құсы басыңа қонса,
көтеріп жүрер күшің бар ма?
қорқытып құсты ұшырмай,
еліктірер ісің бар ма?
***
Бақыт пен дәулетте көз жоқ.
***
Бақытта көз болмайды,
Шын жақсы сыйымсыз сөз болмайды.
Дүниеде бас-аяқ тегіс емес,
Екі жақсы бір жерде кез болмайды.
***
Бақыттың да басы айналар кез келер,
Мінезі айнып, құлқы сонда өзгерер.
***
Бақытыңа сенбе,
Бармағыңа сен.
***
«Бал», «Бал» дегенмен аузы дәмді болмас.
***
Бал татқан бармағын жалар.
***
Бал тәтті деп бармақ жұтпа.
***
Бал ұстаған бармағын жалайды.
***
Бала – адамның бауыр еті.
***
Бала – ананың бауыр еті.
***
Бала жасындағыны ұмытпайды,
Таз басындағысын ұмытпайды.
***
Бала жұмсағыштың жаны тынса да, жағы тынбайды.
***
Бала жүгірсе, қарттың қарап отырып аяғы ауырады.
***
Бала – жүрек, бала – бал.
***
Бала – жүрек ортасы,
Бала – ананың қолқасы.
***
Бала – көңілдің гүлі, көздің нұры.
***
Балаға жанның ашуы бірдей,
Қай қолыңды кессең де,
Жанға батуы бірдей.
***
Балаға мұрнының сіңбіргені де ас.
***
Балақтағы бит басқа шығады.
***
Балалар ойнап жүріп су төгеді,
Қарттар тайып жамбасын сындырады.
***
Баланың бір көзі жоқ,
Малайдың екі көзі жоқ.
***
Баланың сегізінде тісі түседі,
Сексенінде ердің елге ісі түседі.
***
Баланың істегені көзге көрінбейді.
***
Балапан басымен, тұрымтай тұсымен.
***
Баласы атқа шапса,
Шешесі үйде отырып, тақымын қысады.
***
Баласы бардың өзі ойнар,
Баласыздың көзі ойнар.
***
Баласы жыламай,
Шешесі емшек бермес.
***
Баласы тәуше жесе,
Анасының тісі қамасады.
***
Балтыры жуан батпақта.
***
Балшыға барма,
Басыңды қайғыға салма.
***
Балық басын алады,
Егін есесін алады.
***
Балық басынан, жаман аяғынан сасиды.
***
Балық басынан сасиды.
***
Балық басынан шіриді.
***
Балық берсең, байлап бер,
Басын-көзін шайнап бер.
***
Балық көті жылмағай.
***
Балық өңешінен өткенді жейді.
***
Балықтың басы бір,
Қабыршағы жік-жік.
***
Балықтың басы бір болғанымен,
Қабырғасы жік-жік.
***
Балықтың өзі суда, көзі сыртта.
***
Бар барын айтады,
Бақа бұтын тырбайтады.
Көрген адам көргенді айтады,
Көтерген әркім өтпегін сатады.
***
Бар болса, баршаменен көтіңді сүрт,
Жоқ болса, жаныңменен көтіңді сүрт.
***
Бар болсаң, жаныңды сыйла,
Жан кеудеңе қонақ.
Жоқ болсаң, жаныңды қина,
Жан кеудеңе азық.
***
Бар малына сенеді,
Жоқ қарнына сенеді.
***
Барақыш* та балтырдан алады.
(*Барақыш – иттің аты).
***
Барлығы да тілден:
Тіл – бал, тіл – ажал.
***
Барлығын көрген көз өзін көрмейді.
***
Бармақ басты, көз қысты.
***
Бармақтай бағы болса,
Бағы көкке ұшады.
***
Бармақтай бақ бер,
Таудай талап бергенше.
***
Бармақтай бақыт қара суды теріс айналдырған ақылдан артық.
***
Барынша бөсіп мақтанғанша,
Тілді тістеп ұстаған жөн.
***
Бас аман болса, бөрік табылады.
***
Бас аманда мал тәтті,
Бас ауырса, жан тәтті.
***
Бас арқалағанша, тас арқала.
***
Бас ауырса, жан қорығады.
***
Бас ауырса, жан қорқар.
***
Бас ауырып, балтыры сыздамағанның
Тәңірмен ісі жоқ.
***
Бас бергенге ас бер.
***
Бас екеу болмай,
Мал екеу болмас.
***
Бас жарылса, бөрік ішінде,
Қол сынса, жең ішінде.
***
Бас кетпесін, сөзіңді бақ күзетіп,
Тіс сынбасын, тіліңді бақ түзетіп.
***
Бас кеспек бар, тіл кеспек жоқ.
***
Бас кеспек болса да,
Тіл кеспек жоқ.
***
Бас пен дене аман болса, тілек кетпейді,
Ер аман болса, тілегіне жетеді.
***
Бас сау болса, басқа бөрік табылар.
***
Бас сиған жерге иық та сияды.
***
Бас – тұмақтың үлгісі.
***
Бас ұстаған бармағын жалайды.
***
Басқа бәле қайдан,
Басқа бәле тілден.
***
Басқа бәле қайдан? Тілден.
***
Басқа келген бақытты
Қырсықты келін, кесірлі бала қашырады.
***
Басқа келген пәледен
Бастан құлақ садаға.
***
Басқа пәле қайдан-ды?
Басқа пәле тілден-ді.
***
Басқа пәле тілден.
***
Басқа санасаң өзге,
Қасқа санасаң көзге.
***
Басқа түскен қиындық қатып қалмайды.
***
Басқа түскенді көз көрер (жан тартар).
***
Басқан шөбің – басыңа ем.
***
Басқаның тісі ащы жеп қамалады,
Қазының тісі тәтті жеп қамалады.
***
Баста ақыл болмаса,
Көз пөстектің жыртығы.
***
Баста ақыл жоқ болса, аяққа күш түседі.
***
Баста ми жоқ болса,
Екі аяққа зор түсер.
***
Баста ми жоқ болса,
Екі аяққа күш келер.
***
Бастан қан шыққан соң, аянатын не бар.
***
Бастан құлақ садаға.
***
Басты балта бұзады,
Жылқыны маңқа бұзады.
***
Басты балта бұзар,
Жылқыны маңқа бұзар.
***
Басты балта бұзар,
Істі сайтан бұзар.
***
Басты берген Құдай ас та береді.
***
Басты берген Құдай асты да береді.
***
Басты бұзған балта,
Істі бұзған маңқа.
***
Басты бұзған – балта,
Түсті бұзған – шайтан.
***
Басты бұзған маңқа.
***
Басты кеспек болса да, тілді кеспек жоқ.
***
Басты көрсе, сақалын айтар,
Тамаққа тойса, мақалын айтар.
***
Басты Құдай береді,
Малды қайрат береді.
***
Бастың таразысы – тіл.
***
Басы аманның Құдаймен ісі жоқ.
***
Басы аманның малы түгел.
***
Басы ауырған бақсы-балгерге тоймайды.
***
Басы ауырған бақсыға барады,
Даулы кісі жақсыға барады.
***
Басы ауырмағанның Құдайменен не ісі бар.
***
Басы ауырып, басы сыздамағанның – Тәңірмен ісі жоқ.
***
Басы бапан, аяғы сапан.
***
Басы бар да, миы жоқ,
Ми тұратын орны жоқ.
***
Басы бардың бөркі бар.
***
Басы қараның бәрі игі,
Барып келсе, тағы игі.
***
Басы қараның көңілі жаралы.
***
Басы сау балаға бөрік табылады.
***
Басы сауға бөрік табылар.
***
Басым аман болсын десең,
Тіліңді тоқтат.
***
Басым бар деп топтанба,
Малым бар деп мақтанба.
***
Басымды тауға да,
Тасқа да ұрдым.
***
Басына бәле тілеген адам
Сұлтанның сөзін қайырар.
***
Басына тартса, аяғына жетпейді,
Аяғына тартса, басына жетпейді.
***
Басынан айрылған шашына қайғырмайды.
***
Басынан байқамасаң,
Аяғынан адасасың.
***
Басында миы жоқтың аузына тыным жоқ.
***
Басында ми жоқ болса, екі аяққа күш келер.
***
Басың ауырса, бақсы ізде.
***
Басың ауырса, палшы ізде.
***
Басың бас,
Бақалшағың қара тас.
***
Басыңа бақ қонғанда,
елден асқан данасың,
басыңнан бақ тайғанда,
қалыбыңа барарсың.
***
Басыңа бақ қонғанда,
Елден асқан данасың.
Басыңнан бақ тайғанда,
Қалыбыңа барасың.
***
Басыңа бәле келсе,
Баққа сиынба, Хаққа сиын.
***
Басыңа дау келсе, билігің зая,
Үй артына жау келсе, ерлігің зая.
***
Басыңа дау келсе,
Билігің кетер.
***
Басыңа қылыш төнсе де,
Шын сөзіңнен аума.
***
Басыңа пәле келсе,
Жақсыға ісің түседі.
Басыңа кесел келсе,
Бақсыға ісің түседі.
***
Басыңа пәле келсе,
Таққа сиынба, Хаққа сиын.
***
Басыңа іс түскенде жақсы көмек етер,
Жаман күліп өтер.
***
Басыңа іс түссе, билігің зая,
Үстіңнен жау түссе, ерлігің зая.
***
Басыңда дауың жоқ болса,
Итке кепіл бол.
***
Басыңда дес тұрғанда,
Уысыңда тас сынады.
Басыңнан дес кеткенде,
Сарымайға тіс сынады.
***
Басыңды кессе, машайығыңды сал.
***
Басыңды күн шалса,
Қашып құтыла алмайсың,
Басыңды бұлт шалса,
Іздеп таба алмайсың.
***
Батыр ұлды жауыр етпе,
Жүйрік арқасын жара етпе.
***
Батырдың басы екеу болмайды.
***
Батырдың көзі өмірде,
Қорқақтың көзі өлімде.
***
Баусыз оймақ қолда тұрмайды,
Байсыз қатын үйде тұрмайды.
***
Бауыр шырын, бас тәтті,
Ағайынмен ішкен ас тәтті.
***
Бауыры бүтін сынауға,
Бауыры жыртық жылауға келеді.
***
Башқұрт басында бар бес құрт,
Арқасында бар алты құрт,
Желкесінде бар жеті құрт.
***
Бәйбіше – Құдай бұйрығы,
Тоқал иттің құйрығы.
***
Бәйбіше Құдайдың бұйрығы,
Тоқал – ешкінің құйрығы.
***
Бәлеқор жаныңда болса,
Бәледен бас алмассың.
***
Бәлелі көтке бармағыңды тықпа,
Бармағың, я тырнағың ішінде қалады.
***
Бегің соқыр болса,
Бір көзіңді қысып отыр.
***
Бедекшінің малы жең ішінде,
Алдамшының малы ерні үшінде.
***
Беделің артса, беліңде жүк ауырлар.
***
Бейшара «көндім» дейді,
Беті қара «жеңдім» дейді.
***
Бейшараның белгісі сөзінен,
Несебі көзінен шығады.
***
Бек алдында иіліп, көкірегін басқан қолдан,
Темір илеген білек мың есе артық.
***
Бек болмаған бек болса,
Таяқ кетпес басыңнан.
***
Бекзаттан би қойсаң, ойлар тамағын.
Бейзаттан би қойсаң, білмес бабағын,
Жақсыдан би қойсаң, ашпас қабағын.
***
Бекке жеткенше, белің сынар.
***
Бекіре балықтың тұмсығы тасқа тимей қатпайды.
***
Бекіре тұмсығы тасқа тимей қайтпас.
***
Бел мен білек біріксе, жұмыс бітер.
***
Белгілі малшың жоқ болса,
беліңді бу да малға бар.
***
Белдескеннің белін сындыр,
Тірескеннің тізесін бүктір.
***
Белдескеннің белін үз,
Тайласқанның тілін үз.
***
Белдіменен тіреспе,
Білегі жуанменен күреспе.
***
Беліңді бу да малға бар.
***
Бергеннің бетіне қарама.
***
Береген қолым алаған.
***
Берейін деген қолына,
Шығарып салар жолына.
Бермеймін деген қолына,
Табылмайды пұлына.
***
Берекелі бұлақтың –
Басы иілген талы болады.
Берекелі халықтың –
Белі иілген шалы болады.
***
Берекелі тоғайда
Басын иіп тал тұрар.
Берекелі ауылда
Ақылы дана шал тұрар.
***
Берместің қолы бермеске берік келер.
***
Берсе, қолынан,
Бермесе, жолынан.
***
Бес бармақ жиналса, жұдырық болар.
***
Бес бармақтың біреуін тістесең де,
Бәрі бірдей ауырады.
***
Бес бармақтың бірін шапсаң, бәрі аурады.
***
Бес саусақ білекке,
Білек жүрекке бағынышты.
***
Бес саусақ бірдей емес.
***
Бестің басы болғанша,
Алтының аяғы бол.
***
Бесіктінің белі тынар,
Бесіксіздің белі сынар.
***
Бет көрсе, жүз ұялады.
***
Бет көрінісің – өз шежірең.
***
Бетке айтқанның зәрі жоқ.
***
Беттің арын белбеуге түйіп.
***
Беті аппақ болса,
Денесі салтақ болады.
***
Беті аппақ болса,
Көті сатпақ болады.
***
Бетім жаман болса да, ниетім жақсы.
***
Бетіне келер ұятын өзі біліп жуса игі.
***
Бетінен су ішпейсің.
***
Бетің былғанса, су тазалайды,
Арың былғанса, кім тазалайды?
***
Бетің қисық болса, айнаға өкпелеме.
Ісің қисық болса, жазаға өкпелеме.
***
Бетіңді түземей, айнаны сөкпе.
***
Би айтқанды құл айтады,
Құл аузының дауасы жоқ.
***
Би болатын жігіттің
Етек-жеңі мол болар.
Қошқар болар қозының
Маңдайы жуан, дөң болар.
***
Би болмаған би болса,
Билемеген ел қоймас.
Тобыршықтан би қойсаң,
Бақайшықта май қоймас.
***
Би білгенді құл да біледі,
Сөйлейтін ауыз болса.
***
Бидайдың жамбасы жерге тисе,
Аузың нанға тиеді.
***
Бидайдың кеудесін көтергені –
Дәнінің жоқтығы.
Жігіттің кеудесін көтергені –
Ақылының жоқтығы.
***
Бие – кәрі,
Құлын – жас.
Келер жолы қолың бос.
***
Бие құлын тастаса,
Құйрығы шолақ ту келеді.
Қырсық шалған ауылға
Өзінен-өзі шу келеді.
***
Билей алмаған шоқпар басқа да, көтке де тиеді.
***
Биік тауға шыққанның
Алысқа көзі ашылар.
Жақсыменен сөйлескен
Көңіл көзі ашылар.
***
Биік төбеге шықсаң,
Көзің ашылады.
Жақсыменен сөйлессең,
Көңілің ашылады.
***
Биікпін деп созба мойын,
Биік атақ емес мойын.
Жұртыңнан асып жатса ойың,
Сен шығатын дөңес дайын.
***
Боз қырауда бойыңды көрсет,
Көктем шыға қойыңды көрсет.
***
Бой жетпегенге ой жетеді,
Қыран жетпегенге қиял жетеді.
***
Бойға біткен мінез сүйекпен кетеді.
***
Бойдақтың ақылы – екі көз.
***
Бойы жетсе, ойы жетпеген.
***
Бойы зор олаққа қарама,
Ойы зор шеберге қара.
***
Бойымдай бой табылса да,
Ойымдай ой табылмас.
***
Бойына қарай ойы.
***
Бойың қисық болса да,
Ақылың түзу болсын.
***
Бойың қисық болса да,
Ойың түзу болсын.
***
Бойың қысқа болса,
Түйеге мін,
Бойың ұзын болса,
Есекке мін.
***
Бойыңдай бой табылғанымен,
Ойыңдай ой табылмайды.
***
Боқ жағылған нетеді, жуса кетеді,
Ат таңылған нетеді, сүйегімен кетеді.
***
Болар-болмасқа иланба,
Қолыңа түскеннен айрылма.
***
Болат жүзінен су ішеді,
Жігіт көзінен су ішеді.
***
Болжалсыз таң атпайды,
Ажалсыз жан шықпайды.
Құдайдың бұйрығынан басқа
Құмырысқаның аяғы сынбайды.
***
Болмасқа жылаған есіл көзім,
Ұқпасқа айтқан есіл сөзім.
***
Бос кеуделер көрсе дәулет шіркінді,
Тістей қатар бос жібермей бір күнді.
***
Ботам-ботам дегенше,
Бота көзім десейші.
***
Ботаның көркі – көз,
Адамның көркі – сөз.
***
Бояушы-бояушы дегенге, сақалын бояпты.
***
Бояушыны «бояушы» дегенде сақалын бояйды.
***
Бөрі жеген бөксемді
Ит несін аяйды.
***
Бөрік орнына бас алар,
Ақша орнына жан алар.
***
Бөріктің құндызына қарама,
Маңдайының жұлдызына қара.
***
Бөрінің аузы жесе де қан,
Жемесе де қан.
***
Бураның басы пысқанша,
Ботаның басы арса-арса болады.
***
Буынсыз жерден пышақ салма.
***
Буынсыз жерге пышақ ұрып,
Суатсыз жерден суға түспе.
***
Бұйырған ас тіс сындырып кіреді.
***
Бұйырған асқа тіс тиер,
Жаз тимесе, қыс тиер.
***
Бұйырған малға тіс тиер.
***
Бұйырғанға тіс тиеді,
Бұйырмағанға іш күйеді.
***
Бұйырмаған ас ауыздан түседі.
***
Бұйырмаған ауыздан кетер.
***
Бұйырықта көз жоқ.
***
Бұқа қартайса да, мұрны қартаймайды.
***
Бұқа мойнына жияр,
Айғыр жалына жияр.
***
Бұқаның мойны жаман,
Жаманның ойыны жаман.
***
Бұқаның өзі қартайса да, мұрны қартаймайды.
Жақсының өзі қартайса да, көңілі қартаймайды.
***
Бұл не деген батпан құйрық,
Далада жатқан құйрық.
***
Бұл не деген батпан құйрық,
Тегіннен-тегін жатқан құйрық.
***
Бұратынына бұрады,
Бұрмайтынын қос қолдап ұрады.
***
Бұрын шыққан құлақтан,
Кейін шыққан мүйіз озады.
***
Бұрынғы жеңешем
Кейінгі келінге жөн айтады.
Бұрынғы пұшық
Кейінгі пұшыққа ем айтады.
***
Бұтты былғаған жұртты былғайды.
***
Бүйректен сирақ шығару.
***
Бүкір өлгенде түзеледі.
***
Бүрге тұту үшін де бармағыңды сулайсың.
***
Бізге келген шеке де қу,
Жамбас та қу.
***
Біздің алақанымызға да қарға тышар.
***
Білген білгенін істейді,
Білмеген бармағын тістейді.
***
Білген білгенін істер,
Білмеген бармағын тістер.
***
Білген ердің сөзін тыңда ізгілік,
Қасиетін үйреніп ап көзге ілік.
***
Білгіштің қолы барлық іске жетеді.
***
Білегі жуан бір кісіні,
Білімі көп мың кісіні жығады.
***
Білегі жуан бірді жығады,
Білігі жуан мыңды жығады.
***
Білегі жуан бірді жығады,
Білімі жуан мыңды жығады.
***
Білегі күшті бірді,
Білімі күшті мыңды жығады.
***
Білегі күшті бірді жығар,
Білімі күшті мыңды жығар.
***
Білегі толық бірді жығар,
Білімі толық мыңды жығар.
***
Білек бір, бармақ басқа.
***
Білек бір болғанмен, бармақ басқа.
***
Білек бір болса да, бармақ басқа.
***
Білек жуысады,
Ырыс ауысады.
***
Білек жұғысады,
Ырыс ауысады.
***
Білек сүріндіре алмағанды,
Білім сүріндіреді.
***
Білек түр де еңбек ет,
Етек түр де елге жет.
***
Білекке қарама, жүрекке қара.
***
Білектегі жаудан жүректегі жау қиын.
***
Білмеген (надан) көзі болса да – соқыр,
Тірі жүрсе де – өлік.
***
Білмегенді білдір,
Қолыңа алтын жүзік ілдір.
***
Білмегеннен түбінде бас ауырар.
***
Білмегеннің білегі ауырмас.
***
Білсең, халықтан озасың,
Білмеген жамандар, мойның неге созасың.
***
Біліксіз адам майы жоқ жілік сияқты бос қуыс болады.
***
Біліксіз бас майсыз жілік сияқты көдек келеді.
***
Білікті біліп айтар, сөзін ұтар,
Ол емес бос сөзіңді бедел тұтар.
Білімсіз не айтса да, білмей айтар
Өз тілі өзінің кеп басын жұтар.
***
Білікті кісі тәнінен ет сыдыртып,
Біліммен жанын семіртер.
***
Білімді әйел басыңа қарайды,
Білімсіз әйел жасыңа қарайды.
***
Білімді мыңды жығады,
Білегі жуан бірді жығады.
***
Білімдінің аузы – өнердің көзі,
Шешеннің тілі – шебердің бізі.
***
Білімдінің білім – киім, асы да,
Білімсіздің ісі – бәле басына.
***
Біліммен жақын болсаң, қолың жетер,
Залыммен жақын болсаң, басың кетер.
***
Білімсіз сөз басыңа кемшілік келтірер.
***
Білімсіздік басты қаңғыртады.
***
Білімсіздің сөзі білектей,
Білімдінің сөзі жібектей.
***
Бір адамда екі жүрек болмас,
Бір көңілде екі тілек болмас.
***
Бір ауыз киелі сөз
Мың кісінің көңілін жадыратады.
***
Бір ауыз өсек ел өртейді,
Бір шағым қу жер өртейді.
***
Бір ауыздан сөз шығар,
Бір жағадан бас шығар.
***
Бір ауыз сөзден қырғын соғыс басталады,
Бір сіріңкеден үлкен өрт те басталады.
***
Бір ауыздан сөз шықса, ағайынның бірлігі,
Бір төсектен бас шықса, адамның аз күн тірлігі.
***
Бір аяғым жерде,
Бір аяғым көкте.
***
Бір аяқ қымыздың
Екі аяқ желі бар.
***
Бір баласы бардың
Шығар-шықпас жаны бар.
Екі баласы бардың
Жүрегінде жалы бар.
***
Бір басқа – бір көз.
***
Бір басқа екі бас қосылды.
***
Бір бидай көз көрім жерге жеткізеді.
***
Бір биенің екі емшегі,
Бірі кетсе сүті жоқ.
Бір түйенің екі өркеші,
Бірі кетсе, күші жоқ.
***
Бір елі ауызға екі елі қақпақ.
***
Бір ені ішінде, бір ені сыртында.
***
Бір етікке екі аяқ симас.
***
Бір жақсыңды төреден аяма,
Арқаңды іргесіне таяма.
***
Бір жеңнен қол шығару,
Бір жағадан бас шығару.
***
Бір көзін аша қарап,
Бір көзін баса қарап.
***
Бір қарын майды бір құмалақ шірітер.
***
Бір қолың бір қолыңды жуады.
***
Бір қолыңның ашуы келсе,
Бір қолыңмен арашала.
***
Бір құмалақ бір қарын майды шірітер,
Бір жаман мың қолды ірітер.
***
Бір мінсең де, жорға мін,
Бүлкілдесін бүйрегің.
Бір ұрттасаң да, май ұртта,
Кілкілдесін жүрегің.
***
Бір осалдық болады екен әр ерде,
Бірер айып болады екен өнерде.
Басын алса соның үшін адамның,
Ешкім тірі қалмас еді о жерде.
***
Бір тойынның басы ауырды екен деп,
Барлық тойынның басы ауырмайды.
***
Бір түйенің екі өркеші,
Бірі кетсе, күші жоқ.
***
Бірге туған жаманды – өзім деме,
Жақсыдан жат жаманды – көзім деме.
***
Бірге туған жаманды өзім деме,
Жат жаманды көзім деме.
***
Бірдің айы – бір ішек,
Көкек айы – көк ішек,
Мамыр айы – майлы ішек.
***
Бірдің сүйегі – мыңның сүйегі.
***
Біреу аяғымен қызмет етсе,
Сен басыңмен қызмет ет.
***
Біреу бас десе, біреу құлақ дер.
***
Біреу бетінен жазады,
Біреу ниетінен жазады.
***
Біреу күле қараса, жылы жүзбен таста көз,
Сақта тілді жаманнан, жақсы тілеп баста сөз.
***
Біреу сөзіңді сөйлесе,
Ауызың қышып бара ма?
Жұмысыңды біреу қылса,
Қолың қышып бара ма?
***
Біреуге кепіл тұрғанша,
Уысыңмен шоқ ұста.
***
Біреудің басы кесілсе,
Біреуге құлақ кескендей де болмайды.
***
Біреудің бөркі басыңды бүркемес.
***
Біреудің көзі соқыр,
Біреудің өзі соқыр.
***
Біреудің қолымен от көсеме.
***
Біреудің өзі жақсы,
Біреудің көзі жақсы.
***
Біреудің төсін жесең,
Үйіңе келіп ұшаңды сайла.
***
Біреуің бас, біреуің аяқ бол,
Біреуің құйрық, біреуің қанат бол.

maqal-matel.kz