Бай байға құда болса,
Арасында жорға жүреді,
Кедей кедейге құда болса,
Арасында дорба жүреді,
Бір бай бір кедейге құда болса,
«Қайдан болдым» деп зорға жүреді.
***
Бай мен бай құда болса,
Арасына жорға жүреді.
Кедей мен кедей құда болса,
Арасында дорба жүреді.
***
Бай мен бай құда болса, жорға жүрер,
Жарлы мен жарлы құда болса, дорба жүрер,
Бай мен кедей құда болса, зорға жүрер.
***
Баймен құда болсаң, шіренер,
Жарлымен құда болсаң, тіленер.
***
Бақыт кетсе қолыңнан,
Әуелі досың менен құдаң кетер,
Бидай еккен жеріңе тікен бітер.
Бақыт, дәулет басыңа қайта қонса,
Әр жерден дұшпандарың жылт-жылт етер.
***
Біреу болса – құда,
Екеу болса – ұя.
maqal-matel.kz