Бай баласы мақтанса,
«Жылқыдан жорға міндім» дейді.
Би баласы мақтанса,
«Парадан шапан кидім» дейді.
***
Бай болдым деп шашпа,
Патша болдым деп аспа.
***
Бай дегенге мерейіп,
Мұрт-сақалы серейіп.
***
Бай кедей болса да, мақтанғанын қоймайды.
***
Бай кісіде ақша көп болғанмен,
Ізгі ниет жоқ болады.
***
Бай мақтанса, бір жұттық,
Батыр мақтанса, бір оқтық.
***
Бай мақтанса, мақтансын,
Сабасының қоры бар.
Жарлы неге мақтансын,
Маңдайының соры бар.
***
Бай мақтанса, май табылар,
Жоқ мақтанса, не табылар.
***
Бай мақтанса, табылар,
Әрнәрсенің, қоры бар.
Жоқ мақтанса, шабылар,
Маңдайының соры бар.
***
Бай мақтанса табылар,
Жоқ мақтанса шабылар.
***
Байлық үшін отқа түспе, таспағын,
Құмарлықтың мойнын жұлып тастағын.
***
Байлық іздеп, мақтан тілеп жортқан да,
Жарасады кісілігі артқанға.
***
Баймен құда болсаң, шіренер,
Жарлымен құда болсаң, тіленер.
***
Баймын деп мақтанба, жарлылық бар.
Көппін деп сұқтанба, жалғыздық бар.
***
Байығанда бас имес, ол – адамның әлсізі.
***
Бақ-дәулетке мақтанба.
***
Бақ келді деп таспа,
Жау келді деп саспа.
***
Баласын мақтар бас жаман,
Қатынын мақтар қас жаман.
***
Бар болсаң, бармын деме,
Жоқ болсаң, жоқпын деме.
***
Бар болсаң, таспа,
Жоқ болсаң, саспа.
***
Бар мақтанса, табылар,
Жоқ мақтанса, шабылар.
***
Барынша бөсіп мақтанғанша,
Тілді тістеп ұстаған жөн.
***
Бас тентек баласын мақтар,
Қас тентек қатынын мақтар.
***
Басым бар деп топтанба,
Малым бар деп мақтанба.
***
Батыр – аңғал, палуан – дүр.
***
Батыр аңқау келеді,
Балуан өктем келеді.
***
Батыр мақтанса, бір оқтық,
Бай мақтанса, бір жұрттық.
***
Батыр мақтанса, жауға шапқанын айтар.
Қу мақтанса, алдап соққанын айтар.
***
Батырды бәрекелді өлтіреді.
***
Бәлеқорды байытпа,
Тәкәппарды көтерме.
***
Бәсең болсаң, бәйгеге қосыларсың,
Аса берсең, аспаға асыларсың.
***
Бекзаттан би қойсаң, ойлар тамағын.
Бейзаттан би қойсаң, білмес бабағын,
Жақсыдан би қойсаң, ашпас қабағын.
***
Бойыңа мақтанба,
Ойыңа мақтан.
***
Болған кісі болдым демес,
Болдым десе болғаны емес.
***
Бос кеуделер көрсе дәулет шіркінді,
Тістей қатар бос жібермей бір күнді.
***
Бөспе атаққа қызығады,
Бөрі тамаққа қызығады.
***
Бүркітін мақтағанның ұясын сұра,
Жігітін мақтағанның нағашысын сұра.
***
Білемін деп мақтанба, сенен де білгіш табылар.
***
Білмегенді «білем» деген – күпірлік,
Тілді білген мәнін де ұғар, шүкірлік.
***
Біліксізге төр тисе, «төмен» дейді.
***
Білім таппай баптанба,
Өнер таппай мақтанба.
***
Білім таппай мақтанба,
Өнер таппай баптанба.
***
Білімдіні білімі үшін мақтайды,
Бейшараны «қам көңіл» деп жақтайды.
***
Бір асқанға, бір тасқанға кез келеді.
***
Бір ердің дәулетіне қырық адам мас болады.
***
Біреуге етсең зорлық,
Өзіңе келер қорлық.
***
Бірін жасырып алған,
Бірін басынып алған.
***
Біткен соң мақта кеспейді,
Қоя тұр бітпей бөскенді.
maqal-matel.kz