Бай бастас, кедей мұңдас.
***
Бай күйігі етекте,
Бала күйігі жүректе.
***
Байдың барлығы кетпейді,
Жоқтың зарлығы кетпейді.
***
Байдың күйігі етекте,
Бала күйігі өзекте.
***
Байлық – басқа машақат,
Ашкөздік – жаман әдет, серті қатты,
Өкініш артында оның қайғы жатты.
Бай болу, кедей болу – тағдыр ісі,
Мал іздеу – ерге әшейін машақат-ты.
***
Байтал түгіл бас қайғы.
***
Баққан ұлдан сәл тайса егер назарың,
Түбі соның тарттым дей бер азарын.
***
Бақсаң, қайғы-қуаныштың арты сол,
Мәз боп өссең, мұң басады, шарты сол.
Семіртеді, шат қып көңіл өсірер,
Аздырады сосын қайғы-қасірет.
***
Балалы марал маңырайды,
Баласыз марал зарлайды.
***
Баланы зардан,
Әкені бардан.
***
Баланың жақсысы – қызық,
Жаманы – күйік.
***
Балшыға барма,
Басыңды қайғыға салма.
***
Бар барын айтады,
Жоқ зарын айтады.
***
Басы қараның көңілі жаралы.
***
Басынан айрылған шашына қайғырмайды.
***
Бәйгеге қосар атыңның
Ерін алма, терін ал.
Күреске түсер батырдың
Көңілін жайла, шерін ал.
***
Биіктеп кетсең, құлау бар,
Қуанып кетсең, жылау бар,
У ішсең, тәтті ұнау бар.
***
Ботасыз інген боздаса,
Баласы өлген ананың
Қайғы шерін қозғайды.
***
Бұ дүниенің қайғысы көп.
***
Бұқа буға семіреді,
Қайғысыз суға семіреді.
***
Бұқа буға семіреді,
Тентек дауға семіреді,
Қайғысыз қара суға семіреді.
***
Бұл дүниенің құсасы
Ол дүниеге кетпейді.
***
Бір күн күлер, сорасы ағып жылаған,
Қасіреттің құрдымына құлаған.
***
Бір күнде болса серік боп,
Өзімен бірге қайғы жеп,
Тоқал ашар түндікті.
***
Бір тәуекел болады,
Мың қайғыңнан қаласың.
Бір жақсы сөз бітірер
Мың көңілдің жарасын.
***
Біреуге бас қайғы, біреуге мал қайғы.
***
Біртіндеп келсе қуаныш,
Ондап келер реніш.
maqal-matel.kz