Бай байға құяды,
Сай сайға құяды,
Көл көлге құяды.
***
Бай байға құят, су суға құят.
***
Бай – теңіз,
Оны жей алмаған – доңыз.
***
Байдың малы теңіз,
Ептеп жемеген доңыз.
***
Байлық қолда ұстауға мұз:
Қатты ұстасаң, сынып кетеді,
Бос ұстасаң, еріп кетеді.
***
Байлық – мұзға жазылған сөз,
Білім – тасқа жазылған сөз.
***
Бақ-бақ еткен текені қар жауғанда көрерсің,
Батырсынған жігітті жау келгенде көрерсің.
***
Бақ-бақ еткен текені
Жаңбыр жауғанда көр.
Шақ-шақ еткен келінді
Сиыр сауғанда көр.
***
Бақа батпағында,
Балық көлінде.
***
Бақа жарығы суменен,
Қатын жарығы ерменен.
***
Бақа көлін сүйеді,
Бұлдырық шөлін сүйеді,
Ер жігіт елін сүйеді.
***
Бақа көлінде патша,
Балық суында патша,
Жігіт елінде патша.
***
Бақа сисе, көлге сеп.
***
Бақа сисе, көлге сеп,
Жақсы қатын малға сеп.
***
Бақсыз балықшы телегей-теңізден де балық ұстай алмайды.
***
Бақыт қолға қонған құс,
Байлық қолға ұстаған мұз.
***
Бақытты адамның маңайы
Мұз үстінен қар жанар.
Жақсы туған баланың
Атасы төрде сөз табар.
Жаман туса баласы,
Түйе үстінен ит қабар.
***
Балалар ойнап жүріп су төгеді,
Қарттар тайып жамбасын сындырады.
***
Балалы үйрек көлден кетпес,
Баласы жас елден кетпес.
***
Балығы бар өзеннің балдырынан шошыма.
***
Балығы болмаған көлі құрысын,
Киігі болмаған шөлі құрысын.
***
Балығы жоқ көл қысыр,
Басы жоқ гүл қысыр.
***
Балық ала алмаған суды былғайды.
***
Балық ала алмаған суды ылайлайды.
***
Балық аулай алмаған суды лайлайды.
***
Балық жеген «су, су» дер,
Қос айдаған «шу, шу» дер.
***
Балық суында,
Бақа сазында.
***
Балықта сүт болмайды,
Шабағын теңіз асырайды.
***
Балықта сүт жоқ,
Баласын су асырайды.
***
Балықты көлде балдыр көп,
Балдырды құртсаң, балық жоқ.
***
Балықты судан ізде,
Алтынды құмнан ізде.
***
Балықтың жаны суда.
***
Балықтың өзі суда, көзі сыртта.
***
Балықтың тірлігі суменен.
***
Балықшы суда жүрсе де, сусап жүреді.
***
Балықшының аты суға жарымайды.
***
Бармақтай бақыт қара суды теріс айналдырған ақылдан артық.
***
Барымтадан қорыққан мал жимас,
Судан қорыққан дән жимас.
***
Бассыз – ел жетім.
Балықсыз – көл жетім.
***
Бассыз жерге жалшы айғыр,
Балықсыз көлге бақа айғыр.
***
Бастау солса да, бәйтерек солмайды.
***
Батамен ер көгереді,
Жаңбырмен жер көгереді.
***
Батыр даңқы – ел даңқы,
Балық даңқы – көл даңқы.
***
Батыр – өктем, балуан – алып,
Әйел – дария, ер – балық.
***
Батыр туса, ел ырысы,
Жаңбыр жауса, жер ырысы.
***
Бауыр болмай, тәуір болмас,
Ұру болмай, бұру болмас,
Сәуір болмай, жауын болмас,
Екі даугер ауыл болмас,
Ит баласы сауын болмас.
***
Баянсыз өмір өтті боран, желдей,
Фәнилік басып алды аққан селдей.
***
Бедеу деген биеңнің төл салмасын білдің бе,
Бетегесіз тақырға көл толмасын білдің бе.
***
Бектің бұлағынан су ішпе.
***
Берекелі болса ел – жағасы жайлау ол бір көл,
Берекесі кеткен ел – суы ашыған бетпақ көл.
***
Берекелі бұлақтың –
Басы иілген талы болады.
Берекелі халықтың –
Белі иілген шалы болады.
***
Бермес келіге су құяды.
***
Бетінен су ішпейсің.
***
Бетің былғанса, су тазалайды,
Арың былғанса, кім тазалайды?
***
Бидай арқасында бидайық су ішеді.
***
Бидайдың арқасында қарамық су ішеді.
***
Бидің жолы – ақ, судың жолы – сара.
***
Болат жүзінен су ішеді,
Жігіт көзінен су ішеді.
***
Борай-борай қар жауса,
Боз қоянды өлтірер.
***
Борай-борай қар жауса,
Бұл боран атты өлтірер.
***
Бос құдық тамшымен толмас.
***
Буынсыз жерге пышақ ұрып,
Суатсыз жерден суға түспе.
***
Буыршын мұзға таймас.
***
Бұқа буға семіреді,
Қайғысыз суға семіреді.
***
Бұқа буға семіреді,
Тентек дауға семіреді,
Қайғысыз қара суға семіреді.
***
Бұлағы болмаса, өзен де сарқылар.
***
Бұлақ көрсең, көзін аш.
***
Бұлт бірігіп жерге жаңбыр құяды,
Көп бірігіп көлді шөлге құяды.
***
Бұлт өзеннен су алса ғана жауады.
***
Бұлт шығып, жаңбыр жаумай елді алдайды,
Әйелдің ғайлакері ерді алдайды.
***
Бұршақта қалған жаңбырдан қорықпас.
***
Бүрге тұту үшін де бармағыңды сулайсың.
***
Былай барсам – Қорқыттың көрі,
Былай барсам – шүршіттің көлі.
***
Білім – бұлақ.
***
Білім – бұлақ,
Ақыл – жағалай өскен құрақ.
***
Білім – дария,
Ақыл – тоған.
***
Білім – теңіз, түбі де, шегі де жоқ.
***
Білім – терең түпсіз көл,
Надандық – нәрсіз шөл.
***
Бір-бірлеп мың болады,
Тама-тама көл болады.
***
Бір жаманның кесапатынан аққан дария құриды.
***
Бір жұтқан сусын таза да дәмді көрінеді.
***
Бір жұтым суды да бөлісіп іш,
Жалғыз отырып жеген жалғыз өледі.
***
Бір кеменің басын ұстаған мұратына жетеді,
Екі кеменің басын ұстаған суға кетеді.
***
Бір көлдің тынышын бір бақа бұзады.
***
Бір кісі арық қазады,
Мың кісі су ішеді.
***
Бір түйір дәнде бір тамшы тер бар.
***
Біреу шөл болса,
Біреу көл болсын.
***
Біреудің ажалы оттан,
Біреудің ажалы судан.
***
Бітуі жаман қамысты
Су ішінде өрт алар.
Жаман туған жігітті
Түйе үстінен ит қабар.
***
Бітуі жаман қамысты
Су ішінде өрт алар.
Жүрісі жаман адамды
Ел ішінде жау алар.
***
Бітуі жаман қамысты су ішінде өрт шалар.
***
Бітісі жаман қамысты су ішінде өрт алады,
Жетесі жаман жігітті ажалдан бұрын дерт алады.
***
Бітісі жаман қамысты
Су ішінде өрт алады.
Туысы жаман жігітті
Түйе үстінен ит қабады.
maqal-matel.kz