Ағадан – ақыл,
Ініден – ізет.
Адам әдет етеді,
Әдет түпке жетеді.
Адам баласы әдемі киімімен жақсы болмайды,
Әдепті, біліммен жақсы болады.
Адам тағдыры – тәрбиеден.
Адамнан адам тәлім алады.
Айнаға қарап емес,
Адамға қарап түзел.
Айтпас жерде аузыңды тый,
Қышынбас жерде қолыңды тый.
Ақыл кіріп, қырықта әдеп білмесе,
«Адам емес» болар еді, кім десе!
Ақылды кеңнен толғап ұғындырады,
Шадыр мінез шап етіп суындырады.
Ақырлас аттың мінезі жұғады.
Ақылды ердің әдебі жұғады.
Алдыңғы арба қайдан жүрсе,
Соңғы арба соңынан жүрер.
Алдыңғы тегершін қайда жүрсе,
Артқы тегершін сонда жүрер.
Алмауыттан ат мінсең,
Жақын болар алысың.
Әдепті, арлы жар сүйсең,
Оңғарылар бар ісің.
Алты күн аш болсаң да,
Атаның әдетін қойма.
Ана алдында – құрмет,
Ата алдында – қызмет.
Анадан өнеге көрмеген қыз жаман.
Анасын сыйламаған адам
Басқаны сыйлап жарытпас.
Аруаққа құрмет – ұрпаққа міндет.
Ата-ананың балаға парызы – әдеп-иба.
Ата көрген оқ жонар,
Ана көрген тон пішер.
Атадан бата алмай үй болмас,
Ордадан үлгі алмай би болмас.
Ауру жазылып қалады,
Әдет қалмайды.
Ауру кетсе де, әдет кетпейді.
Ауру қалса да, әдет қалмайды.
Аурудан әдет жаман.
Аузын шеше тыймаған,
Аяғын етік қыспаған.
Ашыққаннан құныққан жаман.
Аяулы ғой кісіде тек кісілік,
Инабаты, қасиеті кішілік.
maqal-matel.kz