Ағайынның ұрысы – торқаның жыртысы.
***
Ағаш атқа жіп құйысқан.
***
Адам көркі – шүберек,
Ағаш көркі – жапырақ.
***
Адамзат бөз бермейді, сөз береді.
***
Айт сөзді ұққанға,
Айтып-айтпа құлағына мақта тыққанға.
***
Айтса болар ұққанға,
Айтып-айтпай немене
Құлағына мақта тыққанға.
***
Айтса болар, ақылды алып ұққанға,
Айтып-айтпай немене,
Екі құлағын мақтамен тыққанға.
***
Айтып-айтпай немене,
Құлағына мақта тыққанға.
***
Ақыл айт ұққанға, айтып-айтпай не керек,
құлағына мақта тыққанға.
***
Ақылдыға сөз ерер,
Ақылсызға бөз ерер.
***
Ақымақ шаппамен бауыздар,
Ақылды мақтамен бауыздар.
***
Алтынды еріте білмеген күл етеді,
Жібекті түте білмеген жүн етеді.
***
Алтынды еріткенмен,
Жез болмайды
Жібекті жуғанмен,
Бөз болмайды.
***
Анасын көріп қызын ал,
қарысын көріп бөзін ал.
***
Арғымақ аттың құйрығы –
Әрі жібек, әрі қыл.
Ер жігіттің белгісі –
Әрі мырза, әрі құл.
***
Арғымақ аттың құйрығы –
Әрі жібек, әрі қыл.
Қас жақсының белгісі –
Әрі мырза, әрі құл.
***
Арғымақтың құйрығы,
Әрі жібек, әрі қыл.
***
Арғымақтың құйрығы,
Әрі жібек, әрі қыл.
Ер азамат белгісі,
Түзде мырза, үйде құл.
***
Арғымақтың құйрығы,
Сатсаң жібек, кессең қыл.
Жақсы адамның белгісі,
Үйде мырза, түзде құл.
***
Арзан нәрсе жерде жатар,
Парша, жібек төрде жатар.
***
Арқауын көріп бөзін ал,
Анасын көріп қызын ал.
***
Арыстан тісін «мамықтай жұмсақ» деме.
***
Аспаннан шұға жауса,
Жалқауға түк те тимес.
***
Аспаннан шұға жауса,
Кедейге шұлғаулық та тимепті.
***
Аспаннан шұға жауса да,
Сорлыға ұлтарақ тимес.
***
Астарлы шапан тоңдырмас,
Үш өрім жіп үзілмес.
***
Ата даңқымен қыз өтер,
Мата даңқымен бөз өтер.
***
Ата даңқымен қыз өтеді,
Саудагер даңқымен бөз өтеді.
***
Атаңнан қалған сөз жоқ па,
Анаңнан қалған бөз жоқ па?
***
Атлас кисең, бөзіңді ұмытпа.
***
Атлас – қымбат, бөз – арзан,
Көп сөйлеген сөз – арзан.
***
Аузынан сөзі түскен,
Қойнынан бөзі түскен.
***
Аузынан сөзі түскеннің
Қолынан бөзі түседі.
***
Ауызға келген сөз арзан,
Ауылға келген бөз арзан.
maqal-matel.kz