Абайламай сөйлеген ауырмай өледі.
***
Абырой табам десең, кемтар бол.
***
Ағайын астынан, ат тұрасынан ақсайды.
***
Ағашты балта бұзады,
Жылқыны маңқа бұзады.
***
Ажал жеткен ауруға ем қонбайды.
***
Ажалды өле ме, ауру өле ме?
***
Ажалы жеткен ауырмай өледі.
***
Азған денеге ауру үйір.
***
Азын-аулақ малың болсын,
Орта ғана халың болсын,
Кіршіксіз арың болсын,
Жүк көтергіш нарың болсын,
Басың аман, денің сау болсын –
Бақыт деген сол.
***
Айбынды батырдың еліне батып жау келмес,
Аңғырт батыр жауға шапса, сау келмес.
***
Айналдырған ауру алмай қоймайды.
***
Айналдырған ауру алмай қоймас,
Бұлттанған күн жаумай қоймас.
***
Айтпас жерде аузыңды тый,
Қышынбас жерде қолыңды тый.
***
Айтсаң ұғар кереңге,
Не айтайын береңге.
***
Ақ байпақтан сиыр өлер.
***
Ақ көңілді адамға біреудің сырқауы батар.
***
Аққу құсқа оқ тисе,
Қанатын суға тидірмес.
Ер жігітке оқ тисе,
Қиналғанын білдірмес.
***
Ақсағын қойып, сауын бақ.
***
Ақсақ алсаң, сау туар.
***
Ақсақ жатып семірер.
***
Ақсақ ит сау иттен сауға сұрапты.
***
Ақсақ ит сау иттен сауға тілейді.
***
Ақсақ иттің көңілі ар жаққа.
***
Ақсақ кісі сапарға шығып жарытпайды.
***
Ақсақ қой ауыл қасында,
Иә, құдық басында.
***
Ақсақ қой әлденгенше,
Сау қой сөлденеді.
***
Ақсақ қой жатып семіреді.
***
Ақсақ қой өршіл,
Жаман адам төршіл.
***
Ақсақ қой түстен кейін маңырайды.
***
Ақсақ малдың ақырына бақ.
***
Ақсақ түйенің аузына
Жел айдаған қаңбақ түсер.
***
Ақсақпенен жол жүрсең,
Жолға алаң боларсың.
***
Ақсақты алсаң, сау туар,
Соқырды алсаң, суы қуар.
***
Ақсақтың ақырына бақ.
***
Ақсақтың аяғы жетпесе де, таяғы жетеді.
***
Ақша қарда көп жүрсең,
Көзің бір күн қарығар.
Ағайыннан шет жүрсең,
Көңілің бір күн тарығар.
***
Ақша қарда көп жүрсең,
көзің бір күн қарығар.
Алыс жерде көп жүрсең,
көңілің бір күн тарығар.
***
Ақыл – гауһар бағасыз,
Ақымақ – ауру дауасыз.
***
Ақыл көптен шығады,
Дәрі-дәрмек шөптен шығады.
***
Ақылды әйел – ерінің өлең жазған хатирасы.
Ақылсыз әйел – ерінің басын ауыртар сақинасы.
***
Ақылды қасыңнан қорықпа,
Жарымес досыңнан қорық.
***
Алладан ойбайым тыныш.
***
Аллаңнан ойбайым жақсы.
***
Алма же де, су ішкін,
Ауырмасаң, маған кел.
Жиде же де, су ішкін,
Семірмесең, маған кел.
***
Алма жеп ауырғанша,
Өрік же де, өле қал.
***
Алпыс кісі аттан жығылса,
Әркім ауырған жерін ұстайды.
***
Алтын басың аман болса,
Алтын табақтан су ішерсің.
***
Алтын сырға құлақты ауыртады,
Алтындаған етік аяқты ауыртады.
***
Амандықтың қадірін алдырғанда,
Денсаулықтың қадірін ауырғанда білесің.
***
Аман ердің аты шығады.
***
Аман болса бұл басым,
Тағы шығар бұл шашым.
***
Ана жақсылығын ауырсаң білесің,
Қайын жақсылығын қыдырсаң білесің.
***
Ана көңілі ауырса, апат болады.
***
Аңғармай сөйлеген,
Ауырмай өледі.
***
Аңдамаған азап, аяғыңа тұзақ.
***
Аңдамай сөйлеген –
Аурусыз өлген.
***
Аңдамай сөйлеген ауырмай өледі.
***
Аңдамай сөйлеген аурусыз өледі.
***
Арам ас түскен іш жазылмайды.
***
Арзан аурусыз болмайды,
Қымбат қасиетсіз болмайды.
***
Артқан жүгің ауыр болса,
Атаның жауыр болады.
***
Артқан жүгің ауыр болса,
Ат-атаның жауыр болады.
***
Артық жесең, аузың күйеді,
Деңгел жесең, денең сүйеді.
***
Артық сөз ойға зиян,
Артық ас бойға зиян.
***
Арық семіреді, ауру жазылады.
***
Арыстан айға шабамын деп,
Артқы аяғы мерт болды.
***
Арыстан жүріп өткен жолдан,
Ақсақ бөрі азығын айырар.
***
Ас біреудікі болғанмен,
Асқазан өзіңдікі.
***
Ас жақпаған ауру өледі.
***
Ас тұрған жерде ауру тұрмайды.
***
Ас ішсең, атауыңдай іш,
Ауырсаң, мұрттай ұш.
***
Ас ішіп ауырғанша, аш сау жүр.
***
Асқынған ауруға пышақ ем.
***
Асты көрсе, ішер таз,
Істі көрсе, қышыр таз.
***
Асы құлақ, сау бас,
Басың сауда аулақ қаш.
***
Асығыс піскен асты жеген ауру болады.
***
Ат жүйрігін түлкі сүймес,
Ауру адам күлкі сүймес.
***
Ат құлағынан ақсамайды.
***
Ата баласы азарында,
Беті қотыр болар.
***
Атқа талау тисе, иттің мұраты береді,
Жақсы кісі аттан жығылса, жаман табаға келеді.
***
Аты жауырдың аяғына күш түсер.
***
Атың арық болса, жерден көрме,
Атың жауыр болса, ерден көрме.
***
Аузын баққан ауылға ие болады,
Аузы қағынған жауырға ие болады.
***
Ауру адам айт күні өледі.
***
Ауру адам әдетте ынжық болады.
***
Ауру адам – қаяушыл.
***
Ауру адам не болса соны айтады.
***
Ауру адам өле-өлгенше жаннан үміт күтеді.
***
Ауру адамның айтқан өсиеті
Жақсылық жайында болады.
***
Ауру – ажалдың поштабайы.
***
Ауру азайса, тәуіп ауырады.
***
Ауру аздырады,
Өлім аза қылады.
***
Ауру аздырады,
Суық тоңдырады.
***
Ауру – азығымен.
***
Ауру алмайды,
Ажал алады.
***
Ауру атанды да сүріндіреді.
***
Ауру атанды да шөктірер.
***
Ауру астан,
Дау қарындастан.
***
Ауру астан,
Дау қарындастан,
Таз таныстан,
Қотыр қамыстан.
***
Ауру астас, жамандық жымдас.
***
Ауру батпандап кіріп, мысқалдап шығады.
***
Ауру – далбас, жоқ – сандал.
***
Ауру елемеген – өлер,
Дау төлемеген – төлер.
***
Ауру емес, жын емес,
Мінезді қайтып жазамыз.
***
Ауру жазылып қалады,
Әдет қалмайды.
***
Ауру жайын сау білмес,
Аштың жайын тоқ білмес.
***
Ауру (жан) иесіне тәтті.
***
Ауру жаннан үміткер,
Жарлы малдан үміткер.
***
Ауру келсе, азығымен.
***
Ауру кетеді, мінез кетпейді.
***
Ауру кетсе де, әдет кетпейді.
***
Ауру – көрде,
Сау – төрде.
***
Ауру кірген үйге әлек кіргені.
***
Ауру кісі күлкі сүймес.
***
Ауру кісі күлкі сүймес,
Ауыр жүкті жылқы сүймес.
***
Ауру кісі күлкі сүймейді,
Ит жүйрігін түлкі сүймейді.
***
Ауру кісі тырысқақ,
Аш кісі ұрысқақ.
***
Ауру қадірін сау білмес.
***
Ауру қадірін сау білмес,
Аш қадірін тоқ білмес.
***
Ауру қалса да, әдет қалмайды.
***
Ауру қанша қатты болса да,
Өлімнің кепілі емес.
***
Ауру қатын, бұзық самауар ерді байытпайды.
***
Ауру қорғаншаққа қонады,
Елегенге түстенеді.
***
Ауру қорғаштанғанға қонады,
Елемегенге елестейді.
***
Ауру мен жолаушы қамын
Жол қиындығын көрген біледі.
***
Ауру өз атымен ауру,
Оны бағып, қараған да ауру.
***
Ауру өледі, кепіл күйеді.
***
Ауру өледі,
Кепіл теледі.
***
Ауру өле-өлгенше жаннан дәмелі.
***
Ауру өле-өлгенше жаннан дәмелі,
Жалқау жан қиналмай малдан дәмелі.
***
Ауру өле-өлгенше жаннан дәмелі,
Жарлы өле-өлгенше малдан дәмелі.
***
Ауру өлмес, ажалды өлер.
***
Ауру – өлім хабаршысы, белесі.
Өлім деген – тіршіліктің елесі.
***
Ауру – өлімнің алғашқы елшісі.
***
Ауру – өлімнің түрткісі.
***
Ауру шықпаған жаннан дәмелі.
***
Ауру шықпаған жаннан дәмелі,
Жалқау бітпеген малдан дәмелі.
***
Ауруға бала да мазасыз.
***
Ауруға емші көп.
***
Ауруға ең қиыны – түн.
***
Ауруға жеңілсең де,
Қаруға жеңілме.
***
Ауруда өлесің деген жаман,
Дауда бересің деген жаман.
***
Ауруда шаншу жаман,
Сөзде қаңқу жаман.
***
Аурудан әдет жаман.
***
Ауруды елемеген өледі,
Дауды елемеген төлейді.
***
Ауруды жан иесі біледі.
***
Ауруды жан иесінен сұра.
***
Ауруды жасырма, әшкере қылады,
Өлімді жасырма, масқара қылады.
***
Аурудың алдын ал.
***
Аурудың емі табылса,
Тәуіп өз аяғымен келер.
***
Аурудың жақсысы жоқ,
дәрінің тәттісі жоқ.
***
Аурудың жаманы да тамақтан өтеді,
Амалы да тамақтан өтеді.
***
Аурудың өсиеті – ізгі.
***
Аурудың сары уайымға берілгені –
Өлімнің қыр басынан көрінгені.
***
Аурулы өлмейді,
Ажалды өледі.
***
Ауруын емдетпеген тез өледі.
***
Ауруын жасырған азап шегеді.
***
Ауруын жасырған өледі.
***
Ауруын жасырған өлер.
***
Ауруын жасырғанға ем қонбас.
***
Ауруың тұмау болсын,
Жылың тұман болсын.
***
Ауруыңды өткізіп алсаң, тәуіпке өкпелеме.
***
Ауызбен орақ орғанның белі ауырмайды.
***
Ауыр бала дегенше, ауру бала десеңші,
Момын бала дегенше, боғым бала десеңші.
***
Ауыр жігіт дегенше, ауру жігіт десейші,
Шабан жігіт дегенше, жаман жігіт десейші.
***
Ауырған басқа темір тарақ.
***
Ауырған жерін ауру біледі.
***
Ауырғанның бәрі өле берсе,
Аспан асты бос қалар.
***
Ауырғаның кеше, ас ішкенің бүгін.
***
Ауырмаған жамбасыңмен жат.
***
Ауырмағанның Құдаймен ісі жоқ.
***
Ауырмас басқа темір тарақ.
***
Ауырсаң айран іш,
Сіңірің түйілсе сүт іш.
***
Ауырып ем іздегенше,
Ауырмайтын жол ізде.
***
Ауырып жазылған жан олжа,
Жоғалып табылған мал олжа.
***
Ауырып тұрдым, аунап тұрдым.
***
Ауырып тұрдың,
Аунап тұрдың.
***
Ауырса, кім азбайды,
Жарлы болса, кім тозбайды.
***
Ауырсынған (қорғанған) азап көреді.
***
Ауырып ажалымен өлмеді,
Аштан үзіліп өлді.
***
Ауырып ем іздегенше,
Ауырмайтын жол ізде.
***
Ауырып тұрдың, аунап тұрдың.
***
Аш кісі ұрысқақ,
Ауру кісі тырысқақ.
***
Аш қадірін тоқ білмес,
Ауру қадірін сау білмес.
***
Ашу ауруыңды қозғайды.
***
Ашу жүйкені бұзады,
Жүйке ұйқыны бұзады.
***
Аяғы сынған кісіге не серуен керек.
***
Аяғы шуаш, шылғауын жуғыш келеді,
Белі ауырған, белін буғыш келеді.
***
Аяғың сауда, билеп қал,
Аузың сауда, сөйлеп қал.
Ә
Әлекпеден қорыққан сиыр жимас,
Ақыреттен қорыққан күнә қылмас.
maqal-matel.kz