Адал биде ата жоқ,
Тура биде туған жоқ,
Туғанына бұрған биде иман жоқ.
***
Адам ақымағы – молда,
Жылқы ақымағы – жорға.
***
Адам жүрген жерде әруақ жүреді.
***
Адам қызығып өлетін мола жоқ.
***
Адамның бала – жаны, мал – иманы.
***
Аз ассаң, аз пысады,
Көп ассаң, көп пысады,
Бисмилла кө..н қысады.
***
Азан айтпақ молдаға сый.
***
Азан айтпақ – молданың ісі.
***
Азансыз молла болса да,
Қазансыз қатын болмайды.
***
Азаншыдан
Қазаншы игі.
***
Азаныңа келмеймін,
Қазаныңа келемін.
***
Аздың азаншысы болғанша,
Көптің қазаншысы бол.
***
Азығың, наның көп болса,
Ағаштың түбі бейістей.
Бір тістем наның жоқ болса,
Шаттықтың өзі кейістей.
***
Азын-шоғын ағалық,
Аз оқыған молдалық,
Ата ұлына керек-ті.
***
Айт аттынікі,
Той тондынікі.
***
Айт-арапада өтірік сөйлегеннің
Намаз күні жүзі қара.
***
Айтқанмен жарамазан тоямыз ба,
Бұрынғының кәдесін қоямыз ба?
***
Айтсам тілім күйеді,
Айтпасам дінім күйеді.
***
Ақ сәлделі қожадан
Ақ жаулықты қатын артық.
***
Ақжалау барда «малым бар» деме,
Әзірейіл барда «жаным бар» деме.
***
Ақшасыз базарға барғанша,
Кебінсіз көрге кір.
***
Ақшасыз базарға барғанша,
Кепен алып мазарға бар.
***
Ақырепте ұрмаса,
Ақыретте ұрмайды.
***
Ақыретке жағымды боламын десең, азанды бол,
Дүнияға жағымды боламын десең, қазанды бол.
***
Ақыреттің мың күнінен,
Жалғанның бір күні артық.
***
Ақырзаман келгенде пір мүриттерін іздейді.
***
Ала қарға – азаншы,
Қара қарға – қазаншы.
***
Алдыға қарап, пікір ет,
Артқа қарап, шүкір ет.
***
Алғанда биссмилла,
Қайтарғанда астағпұралла.
***
Алла бермегенді
Молла бермейді.
***
«Алла» деген – ойын сөз,
Қияметте қиын сөз.
***
Аллаға жағайын десең,
Азаның болсын.
Қазыға жағайын десең,
Қазаның болсын.
***
Аллаға жағамын десең, азаның болсын,
Пендеге жағамын десең, қазаның болсын.
***
Аллаға жағамын десең, азаның болсын,
Халыққа жағамын десең, қазаның болсын.
***
Алтын көріп періште жолдан шығыпты.
***
Алтын көрсе, періште жолдан таяр.
***
Алшаңдап басар ат аз ба,
Аяңы жорғаға бергісіз.
Көкірегі сара қарт аз ба,
Білімі молдаға бергісіз.
Құт-берекелі үй аз ба,
Хан ордасына бергісіз.
***
Анаңды Меккеге үш арқалап барсаң да,
Қарызынан құтыла алмайсың.
***
Ант-уәде жоқ кәпірден.
***
Аңқау елге арамза молда.
***
Аңқау елге арамза молда деген.
***
Аңқау елге арамза молда кезігер.
***
Арам молда аңқау елді алдап жер.
***
Арзан менен қымбатты
Базардағы біледі.
Қожа менен молданы
Мазардағы біледі.
***
Арсыздың айты алты күн.
***
Аруаққа Құран оқи берсең,
Түсіңнен шықпайды,
Қайыршыға садақа бере берсең,
Үйіңнен шықпайды.
***
Аруақты жерден ат үркеді.
***
Аруақтың арты жын болар.
***
Астыңда атың болса,
Арғымақ не керек?
Жақсы қатының болса
Ұжмақ не керек!
***
Атадан жалғап болған би
Шариғатпен жұртын жер.
Кенеттен болған би
Сақалы менен мұртын жер.
***
Атаның жаман ұлы малға ортақ,
Әзірейіл жанға ортақ.
***
Ауылдағы молданың аузы сасық.
***
Аштан өлген кісінің моласы жоқ.
***
Ашу – ақылдының дұшпаны,
Нәпсі – иманның дұшпаны.
***
Аюға намаз үйреткен таяқ.
***
Аюға намаз үйреткен – таяқ,
Молдаға намаз үйреткен – тамақ.
***
Аяғыңдағы етігің кең болғаннан не пайда,
Ақыреттегі көрің тар болса.
Ә
Әлекпеден қорыққан сиыр жимас,
Ақыреттен қорыққан күнә қылмас.
maqal-matel.kz