Ағайынға кәдірім жоқ,
Бетімді көреді.
Әйеліме кәдірім жоқ,
Етімді көреді.
***
Ағайынға қадірім жоқ – бетімді көреді,
Қатынға қадірім жоқ – етімді көреді.
***
Ағайынға қадірің болмас,
Күнде бетіңді көреді.
Әйелге қадірің болмас,
Етіңді көреді.
***
Ағайынның жақын болуы қатыннан,
Алыстың жақын болуы атыңнан.
***
Адал дос – сәулетің
Асыл жар – дәулетің.
***
Адал жар – асыл қазына.
***
Адам болар жігіттің,
Жары өзіне лайық.
Керуен бастар жігіттің,
Нары өзіне лайық.
***
Адамға әйел деген өмір жолдас,
Әйелсіз жалғыз жүріп өмір болмас.
Әйелдің дос өмірін бағаламай,
Жолдасын жат санаған адам оңбас.
***
Адамның досы да, дұшпаны да –
Қатын-бала мен мал.
***
Ажарына ақылы сай болса әйел жолы жіңішке.
***
Азамат қазанатымен сұлу,
Әйел азаматымен сұлу
***
Азансыз молла болса да,
Қазансыз қатын болмайды.
***
Азар болса, жақын жаман,
Шабан болса, атың жаман,
Шайпау болса, қатын жаман.
***
Азымтал болса, атың – жау,
Тіл алмаса, қатын – жау,
Ұрысқақ болса, ұлың – жау,
Керіскек болса, келін – жау,
Қылықсыз болса, қызың – жау.
***
Ай жүзді әйелден
Әдемі ән әлдеқайда артық.
***
Ай мінбей, атыңды мақтама,
Жыл тұрмай, қатыныңды мақтама.
***
Айлас қатын – мұңдас.
***
Айрыларда әйел жаман,
Көшерде жұрт жаман.
***
Ақ сәлделі қожадан
Ақ жаулықты қатын артық.
***
Ақылды әйел – ерінің өлең жазған хатирасы.
Ақылсыз әйел – ерінің басын ауыртар сақинасы.
***
Ақылды әйел – тірек,
сұлу әйел – жүрек.
Кербез әйел – есер,
Шәйпау әйел – кесел.
***
Ақылды әйелді ханым де,
сөз ұғатын жігітті жаным де.
***
Ақылды ердің ішінде
Алтын ерлі ат жатар.
Ақылды әйел ішінде
Алтын бесікті ұл жатар.
***
Ақылсыз жігіт аптығар,
Арыс жауды жеңгендей.
Айласыз келін шаптығар,
Айғыр бол деп бергендей.
***
Ақымақ жігіт атанын тілдеп,
Атын мақтайды.
Атасын тілдеп,
Қатынын мақтайды.
***
Ала алмаған атынан көрер,
Қайтып келіп қатыннан көрер.
***
Ала ат мінгеннің көзі тыныш,
Шұбар қатын алғанның көңілі тыныш.
***
Алған жарың жақсы болса, ат үстінен дүбір ет,
алған жарың жаман болса, шиге кіріп сыбыр ет.
***
Алған қатын ақылды, ізгі болса,
Ол, әрине, жан болар;
Ақымақ, жауыз болса,
Көр жұмысқа жар болар.
***
Алған қатын ақылды, ізгі болса,
Ол еріне жан болар.
Ақымақ, жауыз болса,
Құр жұмысқа жар болар.
***
Алғаны жақсы жолықса,
Жігіт тағы жасарар.
***
Алғаны жақсы жігіттің
Әрқашан ісі оңдайды.
Алғаны жаман жігіттің
Ісінің сәті болмайды.
***
Алғаның жақсы болса,
Ат үстінен дүбір ет.
Алғаның жаман болса,
Үйге кіріп сыбыр ет.
***
Алғаның жақсы болса,
Бұл дүниенің шырағы.
Мінгенің жақсы болса
Бұл жалғанның пырағы.
***
Алғаның жаман болса, көңілің жарым,
атың шабан болса, талар қарың.
***
Алғаның жаман болса, шара жоқ,
Атың жаман болса, баға жоқ.
***
Алғаның жаман жолықса,
Тез ағартар шашыңды.
***
Алғашқы байдың азасын
Соңғы бай берер сазасын.
***
Алма ағаш жемісімен тәтті,
Сүйгенің ақыл, жұмысымен тәтті.
***
Алмауыттан ат мінсең,
Жақын болар алысың.
Әдепті, арлы жар сүйсең,
Оңғарылар бар ісің.
***
Алқызыл гүл – жердің сәулеті,
Асыл жар – ердің сәулеті.
***
Алпыс атың болғанша,
Ақылды қатының болсын.
***
Алпыс нарың болғанша,
Ақылды жарың болсын.
***
Алты қатын аққа барса,
Әрқайсысы мұңын айтар.
***
Алты қатын асқа барса,
Әрқайсысы өзінің мұңын айтады.
***
Алты қатын асқа барса,
Әрқайсысы өз жырын жырлайды.
***
Алты күндігін ойламаған ерден без.
***
Алты ұл тапқан әйелді «ханым» десең болмас па,
Ата деген жігітті «жаным» десең болмас па.
***
Алты ұл тапқан әйелді
«Ханым» десең болмас па,
Аға деген жігітті
«Жаным» десең болмас па!
***
Алтын басты әйелден
Бақыр басты еркек артық.
***
Алтын басты қатыннан
Бақыр басты ер артық.
***
Алтын да зордікі,
Қатын да зордікі.
***
Алтын тапқан әйелді
«Ханым» демей не дейміз.
Өзі болған жігітті
«Жаным» демей не дейміз.
***
Алыс жолды жақын ететін атың,
Туысты туыс, алысты қиыс ететін қатын.
***
Алысты жақын қылған ат,
Алысты дос еткен әйел.
***
Анамда болғанша,
Алғанымда болсын.
***
Анаңды қадірлесең, әйеліңді қадірле.
***
Арақ ішіп мас болдым,
Қатын алып жас болдым.
***
Арғымақ атқа алтын тасты ер керек.
Ажарлы әйелге алтын басты ер керек.
***
Арғымақ болса мінгенің,
Алыс жер жақын емес пе?
Ақылды болса сүйгенің
Аласың жақын емес пе?
***
Арлы әйелден арсыз дәметеді.
***
Арық атқа алтын жүген жараспас,
Салдақы қатынға сылқымдық жараспас.
***
Ас сіңгенде жақсы,
Қатын өлгенде жақсы.
***
Астыңда атың болса,
Арғымақ не керек?
Жақсы қатының болса
Ұжмақ не керек!
***
Астыңдағы атыңа сенбе,
Қойныңдағы қатыныңа сенбе.
***
Астыңдағы атыңа сенбе,
Бос қойсаң қашады.
Қойныңдағы қатыныңа сенбе,
Біреуге сырыңды шашады.
***
Асығып тиген әйел алты байдан шығады.
***
Асыққан қыз байға жарымайды.
***
Асыл әйел әрі еркек, әрі қатын.
***
Ат алсаң, ай кеңес,
Қатын алсаң, жыл кеңес.
***
Ат алсаң, ауылыңменен ақылдас,
Қатын алсаң, қауымыңменен ақылдас.
***
Ат алсаң бойы менен басын ал,
Қатын алсаң, көзі менен қасын ал.
***
Ат алсаң, жақыннан ал,
Әйел алсаң, алыстан ал.
***
Ат жаманы таймен ойнар,
Қатын жаманы байымен ойнар.
***
Ата алмаған атынан көреді,
Қайтып келіп қатынынан көреді.
***
Ата-анадан жар жақын,
Туысқаннан мал жақын.
***
Ата деген баланы «жаным» десе жарасар,
Алты ұл тапқан қатынды «ханым» десе жарасар.
***
Атаның бергені көрімдік,
Еріңнің бергені өмірлік.
***
Атасы жаман алғанын жамандайды,
Туысы жаман туғанын жамандайды.
***
Аты шабан болса,
Қатыны жаман болса,
Жігіттің көрген күні құрысын.
***
Атың жақсы болса, бір бақыт,
Алғаның жақсы болса, мың бақыт.
***
Атың жақсы болса, дүниенің пырағы,
Әйелің жақсы болса, дүниенің шырағы.
***
Атың жақсы болса, жолдың пырағы,
Қатының жақсы болса, жанның шырағы.
***
Атың жақсы болса – жалғанның пырағы,
Балаң жақсы болса – дүниенің шырағы,
Алғаның жақсы болса – мейманыңның тұрағы.
***
Атың жақсы болса, жолдың пырағы,
Балаң жақсы болса, көңіліңнің шырағы.
Атың жаман болса, арманың кетеді,
Балаң жаман болса, дарманың кетеді.
Қатының жаман болса, үйіңнен мейманың кетеді,
Үйге мейман келгенде бұға-бұға кетерсің.
***
Атың жаман болса, дәрменің кетеді.
Әйелің жаман болса, мейманың кетеді.
***
Атың жаман болса, сатып құтыласың,
Қатының жаман болса, қайтып құтыласың.
***
Атың жаман болса, сатарсың да,
Қатының жаман болса, кайтесің?
***
Атың жаман болса, арманың кетеді,
алғаның жаман болса, мейманың кетеді.
***
Атың жаман болса, арманың кетер.
Балаң жаман болса, дәрменің кетер.
Алғаның жаман болса, келгенің кетер.
***
Атың жаман болса,
Арманың кетер.
Балаң жаман болса,
Пәрменің кетер.
Қатының жаман болса,
Жылай-жылай өмірің өтер.
***
Атың жаман болса, бойыңнан дәрменің кетер,
Перзентің жаман болса, кеуіліңде арманың кетер,
Әйелің жаман болса, үйіңнен мейманың кетер.
***
Атың жемқор болса, берді Құдай,
Қатының мешкей болса, ұрды Құдай.
***
Атың жемқор болса, берді Құдай,
Қатының жемқор болса, ұрды Құдай.
***
Атың шабан болса – шыбын жанның азабы,
Әйелің жаман болса – бұл жалғанның азабы.
***
Атың шабан болса,
Дәрменің кетер.
Әйелің жаман болса,
Мейманың кетер.
***
Атыңа сенбе,
Қатыныңа сенбе,
Ініңе сен.
***
Атыңды мақтама,
Жүрісінен жаңылады.
Қатыныңды мақтама,
Жүрегінен қабынады.
***
Атыңнан айрылсаң да,
Ер-тоқымыңнан айрылма.
Қатыныңнан айрылсаң да,
Қазан-ошағыңнан айрылма.
Қазан-ошағыңнан айрылсаң да,
Халқыңнан айрылма!
***
Аударыспақ ойнаса,
Таздың көті қолпылдар.
Қапта астық таусылса,
Қатын көті қолпылдар.
***
Аулыққан – асыққан қыз ерге жалшымас.
***
Аузы берен жігіттің бір ажалы көптен,
Штаны жоқ әйелдің бір ажалы шөптен.
***
Ауру қатын, бұзық самауар ерді байытпайды.
***
Ауылдасың жақсы болса,
Ағайының не керек.
Алған жарың жақсы болса,
Айтың, тойың не керек.
***
Ауылды келіншек бұзар,
Елді келімсек бұзар.
***
Ауылыма қадірім жоқ бетімді көреді,
Әйеліме қадірім жоқ етімді көреді.
***
Ауылыңда қарияң (қартың) болса, жазып қойған хаттайын,
Алған жарың жақсы болса, ерттеп қойған аттайын.
***
Ауырды нар көтереді,
Әзілді жар көтереді.
***
Ауырды нар көтерер күшті болса,
Әзілді жар көтерер ішті болса.
***
Ащылаған түйеге сортаң тұздай,
Қатыны жоқ жігітке кемпір қыздай.
***
Ашық әйелден ақымақ жігіт дәметеді.
maqal-matel.kz