Ағадағы мал – аспандағы мал,
Інідегі мал – ін түбіндегі мал,
Баладағы мал – даладағы мал.
***
Ағайын бір қарда, бір тарда.
***
Ағаңның үйі – ақ жайлау.
***
Ағаш бесікке түскен
Жер бесікке де түседі.
***
Ағаш бесіктен жер бесікке дейін үйрен.
***
Ағаш бір жерде көгереді.
***
Ағаш – жапырағымен,
Жер – топырағымен.
***
Ағаш мықтысы дауылда сыналады,
Адам мықтысы ауырда сыналады.
***
Ағашты жердің ырысы мол,
Бауырмашылдың туысы мол.
***
Адам адаммен, жер сумен.
***
Адам ақылымен бай,
Жер дақылымен бай.
***
Адам билән адамның арасы –
Аспан билән жер арасы.
***
Адам биік болса да, заң астында,
Тау биік болса да, тау астында.
***
Адам жақсысы елін іздейді,
Ат жақсысы жерін іздейді.
***
Адам жақсысы елінен кетпейді,
Ат жақсысы жерінен кетпейді.
***
Адам жүрген жерде әруақ жүреді.
***
Адам жүрген жермен адам жүреді,
Біреу білмегенді біреу біледі.
***
Адам кейде көл, кейде шөл.
***
Адам мен адам арасы –
Аспан мен жер арасы.
***
Адам мен адам арасы, аспан мен жердей.
***
Адам мен адамның арасы –
Жер мен көктей.
***
Адамгершілікке арналған
Үш сауап бар,
Шөлге құдық қазған,
Өзенге көпір салған,
Жолға ағаш еккен.
***
Адамның аяғы жерді шарласа,
Қиялы көкті шарлайды.
***
Адамның жүрген жері – абат.
***
Адамның жүрген жері – Гүлстан.
***
Адаспаймын деген ерді
Қараңғы тұман адастырады.
***
Адым жерде олжа бар,
Адам бар жерде пәле бар.
***
Адырында арқар көп,
Адамында дарқан көп.
***
Ажалды шошқа орда оттайды.
***
Ажалсыз балық құрғақ жерде де өлмейді.
***
Азығымен жер мүсінді,
Еңбегімен ер мүсінді.
***
Азынаған аязда,
Шапаныңнан тон артық.
Шала оқыған сабаздан
Көпті түйген көне артық.
***
Ай-айдың аты басқа,
Аяқты малдың өрісі басқа.
***
Ай артынан ай туады,
Атқа мінсе, жеткізбес.
Жыл артынан жыл туады,
Желге мінсе, жеткізбес.
***
Ай қораланса, арысыңды сайла,
Көктемде қонысыңды сайла.
***
Ай шалқасынан туса, ай бойы аяз.
***
Айғырың жақсы болса, бір сай,
Биең жақсы болса, бір тай.
***
Айдағаның екі ешкі,
Ысқырығың жер жарады.
***
Айдағаның бес ешкі,
Ысқырығың жер жарар.
***
Айдалаға атқан оқ
Ажалдыға тиеді.
***
Айдалада атқан оқ,
Ажалдыға тиеді.
***
Айдалада қалғанға да қайырым етеді.
***
Айдың шалқалап туғаны,
Боран-шашынның болғаны.
***
Айтқан жерге ерінбе,
Айтпаған жерге көрінбе.
***
Айтқан жерде пәле жоқ.
***
Ақ қоян алдырмайды өрде болса,
Ақсақал бас мүжиді төрде болса.
***
Аққу көлге, дуадақ шөлге.
***
Аққу ұшса, көлге қонады,
Сұмырай ұшса, шөлге қонады.
***
Ақша қарда көп жүрсең,
Көзің бір күн қарығар.
Ағайыннан шет жүрсең,
Көңілің бір күн тарығар.
***
Ақша қарда көп жүрсең,
Көзің бір күн қарығар.
Алыс жерде көп жүрсең,
Көңілің бір күн тарығар.
***
Ақшалы адам болыс болды,
Бидайықты жер қоныс болды.
***
Ақшасы жоқ базардан,
Ат шалдырған жер артық.
***
Ақыл – дария,
Алсаң да, таусылмайды.
Жер – қазына,
Саусаң да, таусылмайды.
***
Ақыл – дария, жер – қазына.
***
Ақылды елден сұра,
Дақылды жерден сұра.
***
Ақылдының алды – ағып жатқан дәрия,
Ақылсыз адамның алды – қу тақыр,
шөл жазира.
***
Ақымақ жауынды күні суға түсер.
***
Ала қанат сауысқан
Жер әлемді тауысқан.
***
Аламанға ақырма,
Қаларсың қу тақырда.
***
Алған жерді жамандап,
Артықты қайдан табарсың.
Ақ тоныңды жамандап,
Асылды қайдан табарсың.
***
Алқызыл гүл – жердің сәулеті,
Асыл жар – ердің сәулеті.
***
Алты тұтам ат қамшы, жеті тұтам жер қамшы
***
Алтын алма, алғыс ал,
Алтын деген – жер сыйы,
Алғыс деген – ел сыйы.
***
Алтын болмаса, зергер қор болар,
Жер болмаса, диқан қор болар.
***
Алтын жер астында емес, тер астында.
***
Алтын жерде жатпайды,
Жаман ұста суын таппайды.
***
Алтын шыққан жерді терең қаз.
***
Алтын тонды шенің болғанша,
Алақандай жерің болсын.
***
Алтын тыққан жерді белден қаз.
***
Алтын – шөлде.
***
Алыстағы ағайыннан,
Алдыңдағы көрші артық.
Өрістегі арғымақтан,
Белдеудегі бесті артық.
***
Алыстағы дариядан
Алдында жатқан қақ артық.
Төскейдегі тұлпардан
Жаныңда тұрған жабы артық.
***
Ана – дала, бала – гүл,
ананың анасы қара жер.
***
Ананың алды – ақ жайлау.
***
Ананың көңілі балада,
Баланың көңілі далада.
***
Андызды жерде ат өлмейді,
Үйірлі жерде ер өлмейді.
***
Аңызды жерде ат өлмейді.
***
Аңызды жерде ат өлмейді,
Үйірлі жерде ер өлмейді.
***
Апат айтып келмейді.
***
Арғымақ арыса қарға адым жер мұң болар.
***
Арғымақ аттың тұяғы,
Тасты басса, кетілер,
Сазды басса, жетілер.
***
Арғымақ, жүйрікпін деп мақтанба,
Алдыңда талай өрлер бар.
***
Арғымақ, жүйрікпін деп мақтанба,
Алдыңда талай өрлер бар.
Ақсұңқар, алғырмын деп мақтанба,
Алдыңда құрулы торлар бар.
***
Арғымақтан жал кетсе,
Қарға адым жер мұң болар.
Қара көзден нұр тайса,
Жарық күнің түн болар.
***
Арғымақтың тұяғы,
Тасты басса, кетілер,
Сазды басса, жетілер.
***
Арзан менен қымбаттың
Базарда шыққан нарқы бар.
Жақсы менен жаманның
Жер мен көктей парқы бар.
***
Арқан бойы жердің – тұсау бойы төтелігі бар.
***
Арқардың ойға көшкені,
Қыстың тауға түскені.
***
Арқа сүйер елің болсын,
Аунап жатар жерің болсын.
Алысып ойнар теңің болсын,
Сүңгіп бойлар көлің болсын.
***
Арна бұзылса – аралдың соры.
***
Арманымен – ер сұлу,
Орманымен – жер сұлу.
***
Аруақты жерден ат үркеді.
***
Арық малға суық өш,
Даулы кісіге әкім өш.
***
Ас тұрған жерде ауру тұрмайды.
***
Асқар таусыз жер жетім,
Асыл ойсыз ел жетім.
***
Аспан биік, жер қатты.
***
Аспанға ай мен күн екеуі де сияды,
Жердегі бір елге екі әкім сыймайды.
***
Аспандағы құсты жердегі жем ұятқа қалдырар.
***
Аспандай берме,
Жерден ұзап кетерсің,
Жерден ұзап кетсең –
Елден ұзап кетерсің.
Елден ұзап кетсең,
Барса келмеске жетерсің.
***
Аспаннан не түспейді,
Жер нені көтермейді.
***
Аспаннан тас жауса да, жерге пайда.
***
Асыл туған адамның
Алтын жетпес нарқы бар.
Жақсы менен жаманның
Аспан мен жердей парқы бар.
***
Асылсаң, биік дарға асыл,
Аяғың жерге тимесін.
***
Асың барда ел таны,
Атың барда жер таны.
***
Асың барда ел таны, беріп жүріп,
Атың барда жер таны, желіп жүріп.
***
Ат айланып қазығын табады,
Су айланып жазығын табады.
***
Ат арыса, айшылық жер мұң болар.
***
Ат арығы міністен,
Қой арығы өрістен.
***
Ат аунаған жерде түк қалар.
***
Ат аунаған жерде түк қалады,
Нар аунаған жерде жүк қалады.
***
Ат аяған жерге қарар,
Құс аяған көкке қарар.
***
Ат баспаймын деген жерін үш басады,
Ер көрмеймін деген жерін үш көрді.
***
Ат баспан деген жерін басар,
Ер көрмен деген жерін көрер.
***
Ат баспаспын деген жерін үш басар.
***
Ат сүрінбей, жер танымас.
***
Ат сүрінбей, жер танымас,
Ер сүрінбей, ел танымас.
***
Ата – асқар тау,
Ана – бауырындағы бұлақ,
Бала – жағасындағы құрақ.
***
Атағың шықпаса, жер өрте.
***
Атадан жақсы ұл туса,
Есіктегі басын төрге сүйрер.
Атадан жаман ұл туса,
Төрдегі басын жерге сүйрер.
***
Атадан жақсы ұл туса,
Қар үстінде от жанар.
***
Атадан жақсы ұл туса, қар үстінде от жанар,
Атадан жаман ұл туса, ат үстінен ит қабар.
***
Атан түйе ойнаса жұт болады.
***
Атан өлсе, тайлақ бар,
Жүгі жерде қалмасқа.
Атаң өлсе, бала бар,
Орны қараң қалмасқа.
***
Атаның көңілі балада,
Баланың көңілі далада.
***
Атасы жер жырта білмеген,
Баласы тұқым себе білмес.
***
Атқан жерде оқ қалады,
Тышқан жерде боқ қалады.
***
Атын бергісі келмеген
Елге қарайды,
Құсын бергісі келмеген
Жерге қарайды.
***
Атың арық болса, жерден көрме,
Атың жауыр болса, ерден көрме.
***
Атың барда жер таны.
***
Атың барда жер таны желіп жүріп,
Асың барда ел таны беріп жүріп.
***
Атың шықпаса, жер өрте.
***
Аузы жаман елді былғар,
Аяғы жаман жерді былғар.
***
Ауру аздырады,
Суық тоңдырады.
***
Ауруың тұмау болсын,
Жылың тұман болсын.
***
Ауылда лақ туылса,
Адырдың шөбі көгереді.
***
Ауылдан шыққан күнде,
Байға қонба, сайға қон.
***
Ауылдан шыққан күні,
байға қонба, сайға қон,
бай пәле болады, сай пана болады.
***
Ауылың ынтымақты болса,
Суалмас көлдейсің.
Ауылың ынтымақсыз болса,
Су бармас шөлдейсің.
***
Ауылыңда қария болса,
Жазулы хатпен тең.
Айналаңда төбе болса,
Ерттеулі атпен тең.
***
Ауырлықты жер көтерер,
Ауыр қазаны ер көтерер.
***
Ауырлықты жер көтереді,
Ауыр жүкті нар көтереді.
Ауыр қайғыны ер көтереді.
***
Ашу жұты – тау жұты.
***
Ашылатын күн айқұлақтанып батады.
***
Аяз арыққа жау.
***
Аяз әліңді біл,
Құмырсқа жолыңды біл.
***
Аяз болады, бұлт болады,
Өткен күндер ұмыт болады.
***
Аязды күні қойға су бергенше у бер.
maqal-matel.kz