А

Аға адасса, іні із кеседі.
***
Ағын су жолын табады,
Ақ адам оңын табады.
***
Адал мінез адамдар,
Арттағыларға жол салып
Із тастап өтеді.
Арам мінез адамдар
Арттағыларға тікен төгіп,
Біз тастап өтеді.
***
Адам болар жігіттің,
Жары өзіне лайық.
Керуен бастар жігіттің,
Нары өзіне лайық.
***
Адамгершілікке арналған
Үш сауап бар,
Шөлге құдық қазған,
Өзенге көпір салған,
Жолға ағаш еккен.
***
Адамзаттың баласы кім болса да,
Жолда жатыр деп басып өтпе.
***
Адасқан ақылдан азар.
***
Адасқан жігіт жол таппас.
***
Адасқан қаңғи береді,
Ұйқышыл қалғи береді,
Ақылсыз кәрі алжи береді.
***
Адасқанда алға ұмтыл.
***
Адасқанда жұлдыз айдай,
Қарын ашқанда көже майдай.
***
Адасқанның айыбы жоқ,
Қайтып үйін тапқан соң.
Ашылғанның айыбы жоқ,
Өзі біліп жапқан соң.
***
Адасқанның айыбы жоқ,
Қайтып үйірін тапқан соң.
***
Адасқанның алды – жар, арты – соқпақ.
***
Адасқанның алды – жөн, арты – соқпақ.
***
Адасқанның алды жоқ.
***
Адасқанның алды – оң.
***
Адасқанның ақылы артынан түседі.
***
Адасқанның артындағысы біледі,
Жаңылғанның жанындағысы біледі.
***
Адасқанның міні жоқ,
Қайтып үйірін тапқан соң.
Ашылғанның шамы жоқ,
Өзін-өзі жапқан соң.
***
Адаспайым деген адам
Тал түсте адасады.
***
Адаспаймын деген ерді
Қараңғы тұман аластырады.
***
Адассаң, аймағыңмен.
***
Ажыраған бірін-бірі іздейді.
***
Ай жүрсең де, аман жүр.
***
Айдың ізін ай басар,
Аттың ізін тай басар.
***
Айналыш та болса жол жақсы,
Ақсақ та болса қыз жақсы.
***
Айтсаң, сөзіңе жет,
Мінгес те, үйіңе жет.
***
Ақиқат жолында азап шеккен абырой.
***
Ақсақ кісі сапарға шығып жарытпайды.
***
Ақсақпенен жол жүрсең,
Жолға алаң боларсың.
***
Ақшаны жолда тапсаң да,
Санап ал.
***
Ақыл махаббат тұзағына тап келсе,
Қашарға жол іздейді.
***
Ақылды адамға екі дүниеде де жол ашық.
***
Ақылды досың болса, адаспайсың.
***
Ақылың болса, ұзақ жерге сапар шек.
***
Ақымақ болса да, серік жақсы,
Қисық болса да, жол жақсы.
***
Ақымаққа Тойтөбе жол ма!
***
Ақырын жүрсең, алысқа кетерсің.
***
Ақырын жүрсең – малаяқ,
Қатты жүрсең – қу аяқ.
***
Ал тегершін қайда жүрсе,
Арт тегершін сонда жүрер.
***
Алға жүгірме, арттан қалма.
***
Алдыңа жүрсең, артыңа қара.
***
Алдыңғы арба қалай жүрсе,
Соңғы арба солай жүреді.
***
Алдыңғы тегершік қайда жүрсе,
артқы тегершік сонда жүрер.
***
Алжыған ат сүрлеуін ұмытады,
Алжыған шал белбеуін ұмытады.
***
Алты айлық жолға арымас
Атан деген көлік бар.
Асып-тасса ағайынын танымас
Адам деген «ұлық» бар.
***
Алтын көріп періште жолдан шығыпты.
***
Алтын тапқан періште жолдан тайған.
***
Алты жасар бала атқа мінсе,
алпыстағы шал сәлем берер.
Алты жасар бала жолдан келсе,
алпыстағы шал алдынан шығар.
***
Алты жасар жолдан қайтса,
Алпыс жасар көрісе келер.
***
Алтын көрсе, періште жолдан таяр.
***
Алыс-беріс адал істе епшіл бол,
Жол ашылар, әр кезде де көпшіл бол.
***
Алыс-беріс қолынан,
Шығарып қояр жолынан.
***
Алыс болса да, білген жолыңмен жүр.
***
«Алыс» деме, жүріп кетсең, жетер ерсің,
«Ауыр» деме, иыққа алсаң, көтерерсің.
***
Алыс жол атқа сын,
Ауыр жол ерге сын.
***
Алыс жол атты сынайды,
Ауыр жүк ерді сынайды.
***
Алыс жол атты сынайды,
Ауыр жүк атанды сынайды.
***
Алыс жол атты сынайды,
Ауыр жол ерді сынайды.
***
Алыс жолға шығар болсаң,
Алдымен жолдасыңды сайла.
Жаудың алдын алар болсаң,
Алдымен қолбасыңды сайла.
***
Алыс жолды жақын ететін атың,
Туысты туыс, алысты қиыс ететін қатын.
***
Алыс жолдың іздерін түйе білер.
***
Алыс жорық атты сынайды,
Ауыр жүк нарды сынайды.
***
Алыс та болса, жол жақсы,
ақсақ та болса, қыз жақсы.
***
Алыс жол атқа сын,
Ауыр жол ерге сын.
***
Алыс жүрсең де, жолмен жүр.
***
Алыс пенен жақынды жортқан білер,
Ащы менен тұщыны татқан білер.
***
Алыс сапар,
Алғашқы адымнан басталады.
***
Алысқа жүрсең, ат сайла.
Қой өсірсең, қора сайла.
***
Ана жақсылығын ауырсаң білесің,
Қайын жақсылығын қыдырсаң білесің.
***
Аңшы қанша айла білсе,
Аю сонша жол білер.
***
Аңшының кешіккенінен сүйін.
Жолаушының кешіккенінен күйін.
***
Ар, намысы бар жігіттің
Жолдасы бар жолында.
Ар, намысы жоқ жігіттің
Ұяты бар қолында.
***
Арбаға тоқпақ көргенді жекпе,
Соқпақ көргенді жек.
***
Арбалыға жолдас болма,
Жорғалыға жолдас бол.
***
Арғымақ арыды деп жолға тастама,
Құлыны жоқ деп ерді жерге тастама.
***
Арғымақтан жал кетсе,
Қарға адым жер мұң болар.
Қара көзден нұр тайса,
Жарық күнің түн болар.
***
Арғымақты жаманның қолына бергенше,
Ақылды ердің жолына бер.
***
Арғымақтың қадірі жүргенде білінер,
Азаматтың қадірі өлгенде білінер.
***
Арқаға батса, аяңшыл.
***
Арқан бойы жердің – тұсау бойы төтелігі бар.
***
Арқан бойы жолдың тұсау бойы төтелігі бар.
***
Арпасыз ат жол алмас.
***
Арыстан жүріп өткен жолдан,
Ақсақ бөрі азығын айырар.
***
Асқақтаған амалшыдан
Аяңдаған адал озар.
***
Аспанның жолын бұлт бөгейді,
Асқанның жолын жұрт бөгейді.
***
Асыққан жолаушы
Атына теріс мінеді.
***
Асыққан тез ариды,
Жүгіріп жол алмас болар.
***
Асыққанның жолы
Алыстан кетеді.
***
Асықпай жүрсең, алға басарсың,
Тынбай жүрсең, белден асарсың.
***
Асықпаған артта қалады.
***
Асың барда ел таны беріп жүріп,
Атың барда жер таны желіп жүріп.
***
Ат арқасына ер батса, аяңшыл болады.
***
Ат арқасына ер батса,
Аяңшыл болады.
Ерге жаттың тізесі батса,
Ағайыншыл болады.
***
Ат арытпай жол бітпейді.
***
Ат барда, есекке жол болсын,
Дос барда, есепке жол болсын.
***
Ат жақсысы керуеннен түседі,
Зат жақсысы жарлыдан түседі.
***
Ат жақсысы ұзақ жолда сыналады,
Адам жақсысы ұзақ істе сыналады.
***
Ат жаманы жолда қалдырады,
Жолдас жаманы қолда қалдырады.
***
Ат қадірін білмесең,
Жаяушылық берсін жазаңды.
Ас қадірін білмесең,
Ашаршылық берсін жазаңды.
***
Ат пысқырса – жолға,
Байтал пысқырса – сорға.
***
Ата-ананың ақылы
Сайрап жатқан жолмен тең.
Ақылдының ақылы
Сарқылмайтын көлмен тең.
***
Ата-ананың сөзі –
Айдын жолдың өзі.
Ақылдының сөзі –
Ақ дарияның өзі.
***
Ата жолы – бала жолы.
***
Ата көрген жол біледі,
Ана көрген тон пішеді.
***
Ата көрсеткен жолымыз бір,
Ана тіккен тонымыз бір.
***
Атадан бала тумас па,
Ата жолын қумас па.
***
Атадан жақсы ұл туған-ды,
Ата жолын қуған-ды.
***
Атадан ұл туса игі,
Ата жолын қуса игі.
Ата жолын қумаса,
Барынан да жоғы игі.
***
Атамның салған жолы бар,
Анамның тіккен тоны бар.
***
Атан түйе де жолдан табады.
***
Атар таңға жүрсең де,
Батар күнге жүрме.
***
Атасыздың аты шықса,
Асу сайын із салар.
***
Атқа аз арт та, қатты жүр,
Түйеге көп арт та, жай жүр.
***
Аттан аттың несі артық,
Адымдап басқан ізі артық.
Ерден ердің несі артық,
Ерінбей еткен ісі артық.
***
Аттан аттың несі артық,
Адымдап басқан ізі артық.
Ерден ердің несі артық,
Ептеп айтқан сөзі артық.
***
Аттап кетсең де, таптап кетпе.
***
Атты жол,
Адамды жолдастық сынайды.
***
Атты қамшыменен жүргізбе, баппен жүргіз.
***
Аттыға ерген жаяудың бұты жыртылыпты.
***
Аттыға еремін деп, тайлының таңы
(бұты) айрылар.
***
Аттыға еріп,
Жаяудың таңы айырылыпты.
***
Аттыға жол бермейтін,
Жаяуға сөз бермейтін.
***
Аттылы, жаяу келеміз баяу.
***
Аттының несібесі алтау,
Жаяудың несібесі жалқы.
***
Аттың апта жүргенін өгіз ай жүреді.
***
Аттың жалы, атанның қомында.
***
Аты жақсымен жолдас болсаң,
Мұратқа жетерсің.
Жаманмен жолдас болсаң,
Ұятқа кетерсің.
Өзің көріп, ойланғын,
Көрсеттім жолдың төтесін.
***
Аты семіздің – жолы тегіс.
***
Атың барда жер таны желіп жүріп,
Асың барда ел таны беріп жүріп.
***
Атың жақсы болса, жолдың пырағы,
Қатының жақсы болса, жанның шырағы.
***
Атың жақсы болса, жолдың пырағы,
Балаң жақсы болса, көңіліңнің шырағы.
Атың жаман болса, арманың кетеді,
Балаң жаман болса, дарманың кетеді.
Қатының жаман болса, үйіңнен мейманың кетеді,
Үйге мейман келгенде бұға-бұға кетерсің.
***
Ауру мен жолаушы қамын
Жол қиындығын көрген біледі.
***
Ауыз толым ас,
Айшылық жолға жүгіртеді.
***
Ауыздың қайда екенін қол біледі,
Ауылдың қайда екенін жол біледі.
***
Ауылдан шыққан күнде,
Байға қонба, сайға қон.
***
Ауылдың жақсылығы жолынан білінер.
***
Аш жатқан қонақ аттанғанша дәмелі.
***
Аш отырып, ас таңдама,
Жаяу жүріп, ат таңдама.
***
Аштың ақылы тамағында,
Жаяудың ақылы табанында.
***
Ащы иә тұщыны татқан білер,
Алыс пенен жақынды жортқан білер.
***
Ащы менен тәттіні татқан біледі,
Алыс пенен жуықты жортқан біледі.
***
Аяғыңа қарама,
Жолыңа қара.
***
Аяз әліңді біл,
Құмырсқа жолыңды біл.
***
Аяқтыға жол
Ауыздыға сөз бермейді.
***
Аяңшыл ат арымас,
Білімді жігіт тарылмас.

maqal-matel.kz