Бабын таппай салғанмен,
Қыран бүркіт ұша алмас.
Жігіттікті қор қылған,
Сұлу қызды құша алмас.
***
Базарға бақал жарасады.
***
Бақ қонатын адамның ұлы епті, қызы көрікті болады.
***
Балаларға өнер білім берілсін,
Сұлу мінез әр өнермен өрілсін.
***
Барымен базарлап,
Сөзімен ажарлап.
***
Батыр – елдің сәулеті,
Бал құрақ – жердің сәулеті.
***
Батыр жігіт – жау көркі,
Шешен жігіт – дау көркі.
***
Батырдың көркі – ту.
***
Батырлардың мықтысы қарушы болады,
Жігіттердің сұлуы бауыршы болады.
***
Бәйбішенің көркі – саба,
Келіншектің көркі – бала.
***
Беделің – сәулетің,
Еңбегің – дәулетің.
***
Билеуші көркі – саясат.
***
Ботаның көркі – көз,
Адамның көркі – сөз.
***
Бөрік – адамға көрік.
***
Бұтағы көп ағашқа құс қонады,
Көрікті әйелге сөз ереді.
***
Бүркіт алсаң, сұрын ал,
Талпынса керегең сиырылсын.
Қатын алсаң, сұлу ал,
Өлгенде ағайының талассын.
***
Біліксіз биік болса дәулетімен,
Білікті биігірек сәулетімен
maqal-matel.kz