Аз ғана игі іске көп рахмет айт.
***
Ақ дегені – алғыс,
Қара дегені – қарғыс.
***
Аққа зауал жоқ,
Ақ иіліп сынбайды.
***
Ақсақалдан бата алған,
Құдайдың рахметіне жолығар.
***
Алғыс алған ағарады,
Қарғыс алған қараяды.
***
Алғыс алған арымас,
Қарғыс алған жарымас.
***
Алғыс алған аман,
Қарғыс алған жаман.
***
Алғыс алған жігіттің
Аты бәйгеден келеді.
***
Алғыс алған мың жасайды,
Қарғыс алған оңбайды.
***
Алғыс алған тектемес,
Қарғыс алған көктемес.
***
Алғыс түбі – ақ май,
Қарғыс түбі – қара қан.
***
Алпыс құлан ат болмады, атасына нағлет аңшылық.
***
Алтын алма, алғыс ал,
Алғыс алтын емес пе!
***
Алтын алма, алғыс ал,
Алтын деген – жер сыйы,
Алғыс деген – ел сыйы.
***
Амалсыз істелген жақсылық
Алғысқа татымайды.
***
Ананың тілін алмаған азапқа қалады.
***
Ана қарғысы – боқ,
Ата қарғысы – оқ.
***
Ат мінбегеннің атасына нәлет,
Тон кимегеннің анасына нәлет.
***
Атаның ақ батасы балалардың ойларын біркітеді,
Шешенің қарғысы балалардың зейінін жоқ етеді.
***
Атаның алғысы – алтын.
***
Атаңа нәлет ешнәрсе емес,
Әшейін, көңіл қалдырады.
***
Атаңа нәлеттен кісі өлмейді.
***
Ауызынан ақ ит кіріп,
Қара ит шығады.
maqal-matel.kz