Әдемі киім өзіңе, тәтті асыңды елге бер,
Қонақ күтіп сыйласаң, атың шығып ел кезер.
***
Әдепсіз әйел тұзсыз аспен тең.
***
Әкемнің өлерін білсем,
Кебекке сатып жер едім.
***
Әкесі ет жасағыштың
Баласы ет асағыш келеді.
***
Әккінің ажалы амалынан,
Ашкөздің ажалы тамағынан.
***
Әлдіден бас жесең,
Тура бара тас жерсің.
***
Әр жіліктің өз майы бар.
***
Әр таудың шөбін көксеген бұғы аштан өледі.
***
Әрі-сәрінің қонағы аштан өлер.
***
Әттең, жарлылық жақсы екен,
Жатып ішер ас болса.
***
Әулекі қатын асына қарамас,
әулекі таз басына қарамас.
maqal-matel.kz