Б

Бағбан еңбектің қиыншылығын көрмесе,
Жұрт жемістің дәмін татпас еді.
***
Базардағы ас бағына қарай пысады.
***
Бай – жарлының азығы,
Жарлы – байдың қазығы.
Қиянатсыз бір-бірі,
Болыспас па жазығы.
***
Бай мақтанса, май табылар,
Жоқ мақтанса, не табылар.
***
Байғұстың асын «биссмилла» тауысар.
***
Байғұстың асын бісмілда құртады.
***
Байдың асын байғұс қызғанар.
***
Байдың байлығы, кедейдің шайлығы.
***
Байдың малы теңіз,
Ептеп жемеген доңыз.
***
Байлық не дегізбейді,
Аштық не жегізбейді.
***
Байтал мінсек, құлын жоқ,
Саумал ішсек, қымыз жоқ.
***
Байтал мінсең, құлын жоқ,
Саумал ішсең, қымыз жоқ.
***
Бақайшықты тастама,
Бас бармақтай майы бар.
***
Бал татыған балық сорпасын ішпеген басым,
Қоңырсыған қой сорпасын іштім.
***
Балаға мұрнының сіңбіргені де ас.
***
Баласы тәуше жесе,
Анасының тісі қамасады.
***
Балық жеген бағыспас,
Жан-жағына қағыспас.
***
Балық жеген «су, су» дер,
Қос айдаған «шу, шу» дер.
***
Балық жеген тоқ болар,
Дәрмені жоқ болар.
***
Балықта сүт болмайды,
Шабағын теңіз асырайды.
***
Балықта сүт жоқ,
Баласын су асырайды.
***
Балықшы айтпайды расын,
Сонда да алады бір асым.
***
Балықшының үйіне барсаң, қарма жерсің,
Егіншінің үйіне барсаң, жарма жерсің.
***
Бар болса, бағып іш,
Жоқ болса, сатып іш.
***
Бар болса, сойғанның жөні бар,
Бір қойдан он кісінің құны бар.
***
Бар болсаң, жаныңды сыйла,
Жан кеудеңе қонақ.
Жоқ болсаң, жаныңды қина,
Жан кеудеңе азық.
***
Барар жерің бар болса,
Барсаң, айран ішерсің.
Барар жерің жоқ болса,
Кімге барып түсерсің?
***
Барлық ауру бір жолмен келеді –
Қомағайлық арқылы.
***
Барлық әрне дегізер,
Жоқтық арам жегізер.
***
Барлық не дегізбейді,
Жоқтық не жегізбейді.
***
Барша бекке ас қатер.
***
Барын жемей бай өледі.
***
Барын жемей бай өледі,
Бірін жемей жарлы өледі.
***
Барын жемей бай өледі,
Жоғын жемей жарлы өледі.
***
Барында батып іш,
Жоғында сатып іш.
***
Барыңда батып іш,
Жоғыңда сатып іш.
***
Бас бергенге ас бер.
***
Басқаның палауынан,
Өзіңнің көмешің артық.
***
Басқаның тісі ащы жеп қамалады,
Қазының тісі тәтті жеп қамалады.
***
Бастас қатын – астас.
***
Басты берген Құдай ас та береді.
***
Басты берген Құдай асты да береді.
***
Басты көрсе, сақалын айтар,
Тамаққа тойса, мақалын айтар.
***
Бастығы бар әскердің астығы бар.
***
Басыңда дес тұрғанда,
Уысыңда тас сынады.
Басыңнан дес кеткенде,
Сарымайға тіс сынады.
***
Баталы сөз – балаға азық.
***
Бауыр шырын, бас тәтті,
Ағайынмен ішкен ас тәтті.
***
Без жесең де, кезден жеме.
***
Бейнесіз алтын қоламен тең,
Тамақсыз үй моламен тең.
***
Бейнетің қатты болса,
Татқаның тәтті болар.
***
Бекзаттан би қойсаң, ойлар тамағын.
Бейзаттан би қойсаң, білмес бабағын,
Жақсыдан би қойсаң, ашпас қабағын.
***
Бектің асы қанша дәмді болса да,
Жоқ-жітіктің қатқан наны жақсырақ.
***
Бекіре балық – бел кеспе,
Берсе, жемес бұл басым,
Қолаңса иісі сасыған,
Қой етіне қор болды.
***
Берген аста береке бар, береке – Құдай аты,
Бермеген аста біте бар, Біте – шайтанның аты.
***
Берекелі ауылдың белгісін
Абысынның ас бергенінен байқа.
***
Берер Тәңір талап қылсаң,
Не табарсың қарап тұрсаң.
Мұратқа тез жетерсің,
Оқығанды сабақ қылсаң.
Күніне бес ойлағанды тамақ қылсаң.
***
Бермесе де, бай жақсы,
Жемесе де, май жақсы.
***
Бермесе де, бар жақсы,
Жемесе де, май жақсы.
***
Берместің асы піспейді,
Қазаны оттан түспейді.
***
Берместің асы піспес,
Қазаны оттан түспес.
***
Берместің үйінде бесті қымыз тұрады.
***
Бес биенің сүтіне саба толмас,
Тоғыз қой тұқым болмас.
***
Би болмаған би болса,
Билемеген ел қоймас.
Тобыршықтан би қойсаң,
Бақайшықта май қоймас.
***
Бие мінсең, құлын жоқ,
Саумал ішсең, қымыз жоқ.
***
Биіктеп кетсең, құлау бар,
Қуанып кетсең, жылау бар,
У ішсең, тәтті ұнау бар.
***
Болшағы бар сүйгенін жейді,
Болшағы жоқ тигенін жейді.
***
Борышты тағам ас болмас,
Болар бала жас болмас.
***
Ботқа жеймін деген асым ба еді,
Тоқсан келемін деген жасым ба еді.
***
Ботқаға қазан толмас,
Пұттаған сөзді қолдаған ұл,
Мұхамметке үммет болмас.
***
Бөрі азығы мен ер азығы жолында.
***
Бөспе атаққа қызығады,
Бөрі тамаққа қызығады.
***
Бураның басы пысқанша,
Ботаның басы арса-арса болады.
***
Бұ дүние байлығы – шашылған жем.
***
Бұ қу тамақ талай елге апат боп,
Жер қойнына кірген олар опат боп.
***
Бұзауы өлген сиырдың сүті болмайды.
***
Бұйырған ас тіс сындырып кіреді.
***
Бұйырған асқа тіс тиер,
Жаз тимесе, қыс тиер.
***
Бұйырмаған ас ауыздан түседі.
***
Бұл дүние уақытша әуре, далбаса,
Бір тоймайды айдаһардай жалмаса.
***
Бұл сексен көрейін деген жасым ба еді,
Быламық ішейін деген асым ба еді.
***
Бұл тіршілік тек қана ішіп-жеу үшін берілмеген.
***
Бүгін анасы ішкенді ертең баласы ішеді.
***
Біз де қатын болармыз,
Қапқа тары салармыз.
***
Біліксіз адам майы жоқ жілік сияқты бос қуыс болады.
***
Біліксіз бас майсыз жілік сияқты көдек келеді.
***
Білімдінің білім – киім, асы да,
Білімсіздің ісі – бәле басына.
***
Бір аяқ қымыздың екі ауыз сөздік желігі бар.
***
Бір аяқ қымыздың
Екі аяқ желі бар.
***
Бір аяқ қымыздың
Екі аяқ желігі бар.
***
Бір аяқтағы астың жартысы адал,
Жартысы арам болады.
***
Бір биенің екі емшегі,
Бірі кетсе, сүті жоқ.
Бір түйенің екі өркеші,
Бірі кетсе, күші жоқ.
***
Бір білімдар айтқан екен солайша:
«Дәмі кетер ас-ауқатың молайса».
***
Бір жеп тояр ас үшін
Бар күшіңді сарып етпе.
***
Бір жылы сөз бір күнгі азық.
***
Бір күндік жолға шықсаң,
Үш күндік жолазық ал.
***
Бір кісінің ішіне бір аяқ ас сияды.
***
Бір қарын майды бір құмалақ шірітеді,
Бір бөлек елді бір жаман ірітеді.
***
Бір қарын майды бір құмалақ шірітер.
***
Бір қойдың қатығы іркіт болмас,
Өзі біліп, сөйлеген адамды іркіп болмас.
***
Бір құмалақ бір қарын майды шірітер,
Бір жаман мың қойды ірітер.
***
Бір құмалақ бір қарын майды шірітер,
Бір жаман мың қолды ірітер.
***
Бір құрт тапсаң, бөліп же.
***
Бір құртты бөле же,
Жарты құртты жара же.
***
Бір мінсең де, жорға мін,
Бүлкілдесін бүйрегің.
Бір ұрттасаң да, май ұртта,
Кілкілдесін жүрегің.
***
Бір іс қылса, ақысын бер тіленбей:
Ішкіз, жегіз, үлестіріп шүлендей.
Ел ішінде сәл нәрседен пышырап,
Атың жүрер жаман сөзге ұшырап.
***
Бірдің айы – бір ішек,
Көкек айы – көк ішек,
Мамыр айы – майлы ішек.
***
Бірдің айында малға көлденең шөп ас болады.
***
Біреу сенің сындырар қазаныңды,
Сен сындырсаң біреудің тағарасын.
«Шырмайынан сақтап бер» деген мақал,
Жеген болсаң біреудің зағырасын.
***
Біреуге баспана керек,
Біреуге асхана керек.
***
Біреудің асын жесең, ұшаңды сайла.
***
Біреудің қазын жесең,
Үйрегіңді жұлып қой.
***
Біреудің төсін жесең,
Үйіңе келіп ұшаңды сайла.
***
Бірігіп жеу – адамның ісі,
Бермей жеу – иттің ісі.
***
Біткен іске сыншы көп,
Піскен асқа жеуші көп.

maqal-matel.kz