Бақсы көрінсе, дерт қозады,
Ұста көрінсе, таға тозады.
***
Бақсыны көрсе, аурудың дерті қозады,
Ұстаны көрсе, айылбас тозады.
***
Бала – ханнан үлкен,
Ашамай – нардан үлкен.
***
Бардың баласы би болар,
Жоқтың баласы қамшы астында ит болар.
***
Бәйбіше боғым сасиды,
Тоқал тоқым жасиды.
***
Бәйгеге қосар атыңның ерін алмай, терін ал.
***
Бәйгеге қосар атыңның
Ерін алма, терін ал.
Күреске түсер батырдың
Көңілін жайла, шерін ал.
***
Беземе тілді бекер, болар қамшы,
Дәрісі оның у ғой бір-ақ тамшы.
***
Бек өсер жай халықтың арқасында,
Тізгінді үзеңгімен тартсаң да!
***
Болар бала бесігінде бұлқынар,
Болар құлын желісінде жұлқынар.
***
Боларыңда болып өт,
Бозторғайдай желіп өт.
Болмас күнге келгенде,
Боз шолақты тағала,
Жақсыларды жағала.
***
Бурыл атта бұғау бар,
Ойынға кесер екеу бар.
***
Бұрынғы жалақ болған жерге ер батқыш.
***
Бүлінген елден бүлдірге алма.
***
Бүлінген жерден
Бүлдірге алма.
***
Біз де кісі боламыз,
Атқа кісен саламыз.
***
Бір ағашта қанша бұтақ,
Біреуі-ақ қамшыға сап.
***
Бір атқа екі жүген кезікпес.
***
Біреу арқан тоздырар,
Екеу ұлтан тоздырар.
maqal-matel.kz