А

Абдыраған анасының қойнын ашыпты.
***
Абылайдың асында жорғаламағанда,
Атаңның басында жорғалаймысың!
***
Аға бірігіп, ата болмас,
Жеңге бірігіп, ана болмас.
***
Ағадан – ақыл,
Атадан – нақыл.
***
Ағайын – алтау,
Ана – біреу.
***
Ағайынның алтын сарайынан,
ананың жыртық лашығы артық.
***
Ағайынның қадірін,
Жалалы болсаң, білерсің,
Ата-ананың қадірін,
Балалы болсаң, білерсің.
***
Ағайынның қадірін
Қаралы боп байқадым.
Ата-ананың қадірін
Балалы боп байқадым.
***
Адал биде ата жоқ,
Тура биде туған жоқ,
Туғанына бұрған биде иман жоқ.
***
Адам болар ұлының
Арқа-басы кең келер.
Ана болар қызыңның
Ақыл-есі тең келер.
***
Адамды алдау –
Арыңның алдында қылмыс.
Ағаңды алдау –
Анаңның алдында қылмыс.
***
Ажалды ана жеңеді,
Ана жеңбесе, бала жеңеді.
***
Аздың атасы бір,
Көп көмек тілемейді.
***
Аздың атасы бір,
Көптің батасы бір.
***
Аздың атасы бірге.
***
Азын-шоғын ағалық,
Аз оқыған молдалық,
Ата ұлына керек-ті.
***
Айдаболдың асында шаппағанда,
Әкеңнің басында шабасың ба?
***
Айдаһар асқынса, айға ұмтылар,
Ақымақ асқынса, анасына ұмтылар.
***
Ақ жаулығы ананың –
Ақ көрпесі баланың.
***
Ақ қалпақты көрінсе,
Ата екем менің демейім бе.
Ақ жаулықты көрінсе,
Енекем менің демейім бе.
***
Ақ шашты ана:
«Жастығым – балам» дейді.
Ақылды бала:
«Ай-күнім – анам» дейді.
***
Ақыл толғанбай тумайды,
Ана толғатпай тумайды.
***
Ақылсыз атқа мінсе,
Атасын басып кете жаздайды.
***
Ақылсыз атасын танымайды,
Ақымақ қатесін танымайды.
***
Ақымақ атқа мінсе,
Атасын танымас.
***
Ақымақ атқа мінсе,
Атасын басып кете жаздайды.
***
Ақымақ әкесін өлтіргенменен дос болады.
***
Ақымақ жігіт атанын тілдеп,
Атын мақтайды.
Атасын тілдеп,
Қатынын мақтайды.
***
Ақымақ қыз анасын билейді,
Анасына билік тимейді.
***
Алдыңа келсе, атаңның құнын кеш.
***
Алдырған айыпты,
Атасының қойнын ашады.
***
Алдырған анасының қойнын ашыпты.
***
Алпыстан асқан атаңнан ақыл сұрама.
***
Алты аға бірігіп, әке болмас,
Жеті жеңге бірігіп, ана болмас.
***
Алты күн аш болсаң,
Анаңнан безерсің.
***
Алты күн аш болсаң, атаңнан безерсің.
***
Алты күн аш болсаң да,
Атаңның атын сатпа.
***
Алты ұл тапқан әйелді «ханым» десең болмас па,
Ата деген жігітті «жаным» десең болмас па.
***
Алты ұл туған ананы
Ханым десе болады.
Кезек сыйласқан ағайынды
Жаным десе болады.
***
Алтыдағы бала атқа мінсе,
Алпыстағы ата алдынан шығады.
***
Алтын тон кисең, атаңды ұмытпа,
Тоғайға барсаң, балтаңды ұмытпа.
***
Алып анадан, ат биеден туады.
***
Алып – анадан туады,
Тұлпар – биеден туады.
***
Алыс та, атаңды жық,
Аясаң, тұрғызып жібер.
***
Алыссаң, атаң да болса жық,
Аясаң, көтеріп жібер.
***
Ана алақанының аясы –
Ақ шынардың саясы.
***
Ана алдында – құрмет,
Ата алдында – қызмет.
***
Ана – дала, бала – гүл,
ананың анасы қара жер.
***
Ана жақсылығын,
Ауырсаң білерсің.
Қайын жақсылығын,
Қыдырсаң білерсің.
***
Ана жақсылығын ауырсаң білесің,
Қайын жақсылығын қыдырсаң білесің.
***
Ана жүрегі өмір тілегі.
***
Ана қарғысы – боқ,
Ата қарғысы – оқ.
***
Ана есімі ардақты,
Ана мінезі салмақты.
***
Ана қадірі – тірлік қадірі.
***
Ана – көктемдегі таңға да көркемдік алып береді.
***
Ана көңілі ауырса, апат болады.
***
Ана көрегендігінің теңдесі жоқ.
***
Ана – күн, оның шүлен шұғыласы ешқашан тусылмайды.
***
Ана мейірі – аспаннан да шексіз.
***
Ана мейірі ішіңді жылытады,
Күн мейірі сыртыңды жылытады.
***
Ана сүті бой өсіреді,
Ана тілі ой өсіреді.
***
Ана сүтімен көрмесе,
пана сүтімен көрмес.
***
Ана сүтіменен көрмесе,
Тана сүтіменен көрмес.
***
Ана сүтін ақтамағанды
ешкім мақтамайды.
***
Ана – тастан берік, гүлден нәзік.
***
Анаға баланың алалығы жоқ.
***
Анаға тартып қыз туа бермес,
Атаға тартып ұл туа бермес.
***
Анаға ішінен шыққан соң,
Ұлан да бала, жылан да бала.
***
Анадан алтау туғанша,
Жалғыз туса нетеді,
Елге тұлға болғалы;
Қарағайға қарсы бұтақ біткенше,
Еменге айыр бұтақ бітсе, нетеді,
Құсқа тұғыр болғалы.
***
Анадан артық дос бар ма?
Ашудан жаман қас бар ма?
Жиырма бестен жақсы жас бар ма?
Қымыздан тәтті ас бар ма?
***
Анадан өнеге көрмеген қыз жаман.
***
Аналы баланың өзі тоқ,
анасыз баланың көзі тоқ.
***
Анам берген туған тілім,
Атам берген құрал тілім.
***
Анамда болғанша,
Алғанымда болсын.
***
Анамды жақсы көргендіктен
Келісін түйдім.
Ауылымды жақсы көргендіктен
Желісін сүйдім.
***
Ананың алды – ақ жайлау.
***
Ананың әдеті – қызы үшін үлгі.
***
Ананың бір қолы бесікті,
бір қолы дүниені тербетеді.
***
Ананың көңілі балада,
Баланың көңілі далада.
***
Ананың ойы ұяда,
Баланың ойы қияда.
***
Ананың сүті – бал,
Баланың тілі – бал.
***
Ананың сүйген жері,
Отқа күймейді,
Оқ та тимейді.
***
Ананың төсегі ақ мамық.
***
Ананың тілін алмаған азапқа қалады.
***
Ананың хақы – Құдайдың хақы.
***
Ананың ізін қыз басар,
Атаның ізін ұл басар.
***
Анаң бір қолымен ұрар,
Бір қолымен сылар.
***
Анаң үшін аянба, ант ұрады.
***
Анаңа ауыр сөз айтпа!
Атыңа ауыр жүк артпа!
***
Анаңды қадірлесең, әйеліңді қадірле.
***
Анаңды Меккеге үш арқалап барсаң да,
Қарызынан құтыла алмайсың.
***
Анаңнан асар аяулың жоқ.
***
Анаңнан асар аяулың жоқ,
Әкеңнен асар қамқоршың жоқ.
***
Анасы басқа аттан түс,
Атасы бір атқа мін.
***
Анасы пысық – жұқпаны жұқа жасар,
Баласы мешкей – қат-қаттап қосып асар.
***
Анасыз адам батасыз,
Білімсіз адам санасыз.
***
Анасыз өмір –
Сөнген көмір.
***
Анасын ембеген бала оңбайды,
Енесін ембеген мал оңбайды.
***
Анасын көріп, қызын ал,
Аяғын көріп, қымызын іш.
***
Анасын көріп қызын ал,
қарысын көріп бөзін ал.
***
Анасын сүйгеннің
Баласын сүй.
***
Анасының тілін алмаған азапқа қалады.
***
Анаға баланың алалығы жоқ.
***
Аналы баланың өзі артық,
Анасыз баланың көзі артық.
***
Ананың алақаны – балаға аялы қоныс.
***
Ананың көңілі балада,
Баланың көңілі далада.
***
Ананың махаббаты ажалды да жеңеді.
***
Ананың ізін қыз басар,
Атаның ізін ұл басар.
***
Анасы тепкен құлынның еті ауырмас.
***
Анасына қарап, қызын ал.
***
Анасын көріп қызын ал,
Аяғын көріп асын іш.
***
Анасын сыйламаған адам
Басқаны сыйлап жарытпас.
***
Анасын сүйгеннің баласын сүй.
***
Анасының киген тонын баласы да киеді.
***
Арамзалық ата ұлына пайда емес.
***
Арғымақтығыңды білгің келсе,
Ат баптаған ауылға бар.
«Құлыныңды көрмедік» деп,
Сипамай қоймас жалыңды.
Ақылдылығыңды білгің келсе,
Азамат өсірген ауылға бар,
«Атаңмен астас болмадық» деп,
Сындыра қоймас сағыңды.
***
Арзымасқа алдырма,
Аяғыңнан шалдырма.
Арзымасқа алдырып,
Аяғыңнан шалдырып,
Атаңды ұятқа қалдырма.
***
Арқауын көріп бөзін ал,
Анасын көріп қызын ал.
***
Арысқа түссең, атаң болса да, аяма.
***
Арыстан асқынса, айға шабар,
Ақымақ асқынса, анасын сабар.
***
Арыстандай атаны ұл қайырды,
Ақмаралдай шешені қыз қайырды.
***
Ас атасын – нан дейді,
Сөз атасын – «шал» дейді.
***
Ac таңдасаң, аяғына қара,
Қыз таңдасаң, шешесіне қара.
***
Аспан астында анадан ұлы жан жоқ.
***
Асты келін – аналы келін.
***
Асығу – баланың ісі,
Аттандыру – ананың ісі.
***
Асығын ата алмаған,
Сақасынан көреді.
Сөзін сөйлей алмаған,
Атасынан көреді.
***
Ат – биеден, алып – анадан.
***
Ат жемейтін ащы шөптің біткенінен бітпегені игі,
Адам ішпес ащы судың аққанынан ақпағаны игі,
Атасының атын шығармаған жігерсіз ұлдың
Туғанынан тумағаны игі,
Жалған сөздің болғанынан болмағаны игі.
***
Ата-анадан мал тәтті,
Алтынды үйден жан тәтті.
***
Ата-анадан жар жақын,
Туысқаннан мал жақын.
***
Ата-анам бар болсын,
Аузы-мұрны жоқ болсын.
***
Ата-ананың ақылы
Сайрап жатқан жолмен тең.
Ақылдының ақылы
Сарқылмайтын көлмен тең.
***
Ата-ананың балаға парызы – әдеп-иба.
***
Ата-ананың қадірін балалы болғанда білерсің,
Ағайынның қадірін жалалы болғанда білерсің.
***
Ата-ананың сөзі –
Айдын жолдың өзі.
Ақылдының сөзі –
Ақ дарияның өзі.
***
Ата-анаң отырған үйдің төбесіне шықпа.
***
Ата-анаңды құрметтесең,
Сен де сондай игілік көресің.
***
Ата-анаңды сыйласаң, көп жасарсың,
Сыйламасаң, жан қинарсың.
***
Ата – асқар тау,
Ана – бауырындағы бұлақ,
Бала – жағасындағы құрақ.
***
Ата-бабаңда қиқу жоқ,
Қиқу сенің не теңің.
***
Ата – баланың қорғаны.
***
Ата балаға сыншы.
***
Ата баласы
Азарында асық ойнайды.
***
Ата баласының ат маңдайындай белгісі болсын.
***
Ата баласының
Ат меңіндей белгісі болады.
***
Ата баласының ат төбеліндей белгісі бар.
***
Ата деген баланы
Жаным десе, жарасар.
Алты ұл тапқан ананы
Ханым десе, жарасар.
***
«Ата» деген жігітті,
«жаным» десе болмас па!
***
Ата – жезде,
Ана – кеме.
***
Ата жолын қумаса,
Тумағаны көп игі.
***
Ата кәсібі – бала нәсібі.
***
Ата көрген жол біледі,
Ана көрген тон пішеді.
***
Ата көрген оқ жонады,
Ене көрген тон пішеді.
***
Ата көрген оқ жонар,
Ана көрген тон пішер.
***
Ата көрген оқ жонар,
Ене көрген тон пішер.
***
Ата көрген оқ жонар,
Шеше көрген тон пішер.
***
Ата мекен — анаң екен,
Қысылғанда панаң екен.
***
Ата менен ана –
Гүл менен лала.
***
Ата өлсе, бала аман.
***
Ата өлсе де, атаны көрген өлмесін.
***
Ата өнері – балаға мұра.
***
Ата-анаға алара қараған көз азар көрсетеді.
***
Ата-анадан мал тәтті,
Алтын үйден жан тәтті.
***
Ата-ананың қадірін
Балалы болғанда білерсің.
Анық достың қадірін
Жалалы болғанда білерсің.
***
Ата-ананың қадірін – балалы болғанда білерсің,
ағайынның қадірін – қаралы болғанда білерсің,
жанашырдың қадірін – жалалы болғанда білерсің.
***
Ата-ананың сөзін жерге тастама,
Байып алсаң, менмендікке бастама.
***
Ата-анаң бар болсын,
Бала кезде жар болсын.
***
Ата-анаңды сыйласаң, көп жасарсың,
сыйламасаң жан қинарсың.
***
Ата байлығыңды айтпа,
Қазіргі байлығыңды айт.
***
Ата – балаға сыншы.
***
Ата – баланың қорғаны.
***
Ата баласы азарында асық ойнайды.
***
Ата баласының ат меңіндей белгісі болады.
***
Ата баулыған бала епті,
Ана баулыған бала есті.
***
Ата – бәйтерек,
Бала – жапырақ.
***
Ата жолы – бала жолы.
***
Ата көрсеткен жолымыз бір,
Ана тіккен тонымыз бір.
***
Ата даңқымен қыз өтер,
Мата даңқымен бөз өтер.
***
Ата көрген оқ жонар,
Ана көрген тон пішер.
***
Ата өліп, бала қалса,
Мұратына жеткені.
Бала өліп, ата қалса,
Арманы іште кеткені.
***
Ата өнері – балаға мұра.
***
Ата сөзі – алтын.
***
Ата сыйласаң алдыңа келер.
***
Ата тұрып бала қалса, мұратына жеткені,
бала өліп ата қалса, арманы іште өлгені.
***
Ата тұрып, бала сөйлесе – шіркіндігі,
Аға тұрып, іні сөйлесе – еркіндігі.
***
Ата тұрып сөйлеген баладан без,
Ана тұрып сөйлеген қыздан без.
***
Ата тұрып, ұл сөйлегеннен без,
Ана тұрып, қыз сөйлегеннен без.
***
Ата тілін алмаған,
аман болып көп жүрмес.
***
Ата тілін алмаған ұлдан без,
Ана тілін алмаған қыздан без.
***
Ата тілін алмаған баладан без,
бала басу білмеген анадан без.
***
Ата тілін алмаған антұрғанның
Ат үстінен аяғын ит қабады.
***
Ата үйі – алтын бесік,
Кірсем-шықсам сипалар.
***
Ата ұлы аталықтың сөзін айтар,
Асылсыз жолдас болса, кері қайтар.
Қасыңа жолдас болып ере қалса,
Дұспанға құпиялап сырыңды айтар.
***
Атаға бала жеттім десе де,
Батпан ширек төмен болады.
***
Атаға баланың алалығы жоқ.
***
Атаға тартып ұл тумас,
Анаға тартып қыз тумас.
***
Атадан аздай, адасқан қаздай.
***
Атадан алтау туса да,
Басыңа бір жалғыздық түсер.
***
Атадан алтау тусаң да,
Басыңа түсер жалғыздық.
***
Атадан алтау туғансын,
Шырағыңды бір-ақ балаң жандырар.
***
Атадан бала батпан артық тудым десе,
Ширек кем туады.
***
Атадан бала туар,
Ата жолын қуар.
***
Атадан бала тумас па,
Ата жолын қумас па.
***
Атадан бала ширек кем туады.
***
Атадан бала ширек төмен туады.
***
Атадан бата алмай үй болмас,
Ордадан үлгі алмай би болмас.
***
Атадан жақсы туған ұл
Атаның есіктегі басын төрге апарар.
Атадан жаман туған ұл
Атаның төрдегі басын есікке апарар.
***
Атадан жақсы ұл туған-ды,
Ата жолын қуған-ды.
***
Атадан жақсы ұл туса,
Елінің қамын жейді.
Атадан жаман ұл туса,
Елінің малын жейді.
***
Атадан жақсы ұл туса,
Есіктегі басын төрге сүйрер.
Атадан жаман ұл туса,
Төрдегі басын жерге сүйрер.
***
Атадан жақсы ұл туса,
Есіктегі басын төрге апарар.
Атадан жаман ұл туса,
Төрдегі басын есікке апарар.
***
Атадан жақсы ұл туса,
Қар үстінде от жанар.
***
Атадан жақсы ұл туса, қар үстінде от жанар,
Атадан жаман ұл туса, ат үстінен ит қабар.
***
Атадан жақсы ұл туса,
Мұз үстінен от жанар.
Атадан жаман ұл туса,
Түйе үстінен ит қабар.
***
Атадан жақсы ұл туса,
Төрдегі басы есікке бармайды.
Жаман ұл туса,
Басы есіктен қалмайды.
***
Атадан жалғап болған би
Шариғатпен жұртын жер.
Кенеттен болған би
Сақалы менен мұртын жер.
***
Атадан жалғыз болсаң да,
Рудан жалғыз болма.
***
Атадан мұра қын қалады,
Шеберден, сірә, мін қалады.
***
Атадан – өсиет,
Анадан – қасиет.
***
Атадан пұл қалғанша, ұл қалсын.
***
Атадан туған алтау едік,
Өле-өле жетеу болдық.
***
Атадан туған алты болса да,
Абаданы бір-дүр.
***
Атадан ұл туса еді,
Ата жолын қуса еді.
***
Атадан ұл туса игі,
Ата жолын қуса игі,
Беліне садақ буса игі.
Бетіне келер ұятын
Өзі біліп жуса игі.
Өзі біліп жумаса,
Бәрінен де жоғы игі.
***
Атадан ұл туса игі,
Ата жолын қуса игі.
Атадан ұл тумаса,
Ата жолын қумаса,
Тумағаны көп игі.
***
Атадан ұл туса игі,
Ата жолын қуса игі.
***
Атадан ұл туса игі,
Ата жолын қуса игі.
Ата жолын қумаса,
Барынан да жоғы игі.
***
Аталар сөзі – ақылдың арқауы.
***
Аталар сөзі – ақылдың көзі
***
Аталы айғыр үйірін
Жауға алдырмас.
Ата көрген жігіт
Ауылын дауға алдырмас.
***
Аталы бала атқа мінер,
Шешелі бала шекпен киер.
***
Аталы баланың аузы ойнайды,
Атасыз баланың көзі ойнайды.
***
Аталы баланың өзі тойған,
Жетім баланың көзі ғана тойған.
***
Аталы жетім – арсыз жетім,
атасыз жетім – ерке жетім.
***
Аталы сөз – ақылға көз.
***
Аталы сөзді арсыз қайырады.
***
Аталы құл – қожалы құл.
***
Аталы құл тозбайды,
Ынтымақты ел азбайды.
***
Аталы ұл – қожалы құл.
***
Аталы ұлдың кісесі басқа,
Енелі ұлдың боқшасы басқа.
***
Атамда болғанша,
Алақанымда болсын.
***
Аталыдан би болса,
Аузы кетпес турадан.
Бас қосылған әр істе
Сөзі кетпес жорадан.
Атасыздан би болса,
Аузы кетпес парадан.
Қайда болса шіркіннің
Арты кетпес жаладан.
***
Атаменен ойнағанша,
Атаңның басымен ойна.
***
Атан өлсе, тайлақ бар,
Жүгі жерде қалмасқа.
Атаң өлсе, бала бар,
Орны қараң қалмасқа.
***
Атаның ақ батасы балалардың ойларын біркітеді,
Шешенің қарғысы балалардың зейінін жоқ етеді.
***
Атаның аты мен орны балаға қалады.
***
Атаның атын асқа сатпа.
***
Атаның алғысы – алтын.
***
Атаның баласы болма,
адамның баласы бол.
***
Атаның баласының ат төбеліндей ой белгісі болсын.
***
Атаның жақсысы жездедей-ақ.
***
Атаның жаман ұлы малға ортақ,
Әзірейіл жанға ортақ.
***
Атаның жаманы малға ортақ,
әзірейілдің жаманы жанға ортақ.
***
Атаның көңілі балада,
Баланың көңілі далада.
***
Атаның малын жау шапса, бірге шап.
***
Атаның орнын ұл басар.
***
Атаның өспес ұлы
Өнбес дауды даулайды.
***
Атаның тоны балаға жараса,
Ол атасын іздемейді.
***
Атаң алпысқа кірсе, малай іздеме.
***
Атаң алты мың қой айдаса да,
Өзіңде біреу жоқ болса, жарлысың.
***
Атаң бермегенді базар берер.
***
Атаң да болса, бір жолдас.
***
Атаң өлсе де, атаңды көрген өлмесін.
***
Атаң өлсе, өлсін,
Атаңды көрген өлмесін.
***
Атаңа не қылсаң, алдыңа сол келер.
***
Атаңа не келтірсең,
Алдыңа сол келер.
***
Атаңа не келтірсең, алдыңа сол келер,
атаңа не қылсаң, балаң да соны қылар.
***
Атаңда жоқ арғымақ, анаңда жоқ арғымақ,
Саған қайдан бітті қарғымақ.
***
Атаңда жоқ арғымақ,
Анаңда жоқ арғымақ
Саған не керек?!
***
Атаңды Алатауда бір жықтым демен.
***
Атаңды жау шапса, бірге шап.
***
Атаңнан қалған сөз жоқ па?
Анаңнан қалған сөз жоқ па?
***
Атаңның құлы айтса да,
Әділдікке басыңды и.
***
Атаңның қылғанын қыл.
***
Атаңның сақалына қарама,
Айтқан мақалына қара.
***
Аталы жетім – арсыз жетім,
Аналы жетім – ерке жетім.
***
Аталы ұл – қожалы ұл.
***
Атамды атсаң да, ботамды атпа.
***
Атам шоты шапқан сайын өрлейді.
***
Атамның салған жолы бар,
Анамның тіккен тоны бар.
***
Атамыз – Алаш,
Керегеміз – ағаш.
***
Атан өлсе, сойылар,
Атаң өлсе, қойылар,
Қансонар қайдан табылар.
***
Атаның баласы болма,
Адамның баласы бол.
***
Атаңда жоқ арғымақ,
Анаңда жоқ арғымақ,
Саған не керек,
Шал қорадан қарғымақ.
***
Атаңнан қалған сөз жоқ па,
Анаңнан қалған бөз жоқ па?
***
Атаңнан қалса теберік,
Сақта оны тым берік.
***
Атаңның айыбын айтудан қашпа.
***
Атаңның құлы айтса да,
Әділетке басыңды и.
***
Атаның бергені көрімдік,
Еріңнің бергені өмірлік.
***
Атаның жаман ұлы малға ортақ,
Әрі үйлі жанға ортақ.
***
Атаның құны, ананың сүті.
***
Атаның өспес ұлы
Өнбес дауды даулайды.
***
Атаның салған жолы бар,
Ананың тіккен тоны бар.
***
Атаңа не қылсаң,
Алдыңа сол келер.
***
Атаңда болғанша,
Алақаныңда болсын.
***
Атаңда болса бір жолдас.
***
Атаңды ер деп танысаң,
Ерліктің жолын қу.
***
Атаңды Қаратауда бір жығып ем.
***
Атаңнан мал қалғанша
Тал қалсын.
***
Атасы ащы алма жесе, ұлының тісін қамар,
Атасы мен анасы ащы алма жесе,
Ұлы мен қызының тісін қамар.
***
Атасы басқа аттан түс,
Аталасым, атқа мін.
***
Атасы басқамен аң аулама,
Атар да жанына байланар.
***
Атасы басқамен аң ауласаң,
Атар да, жанына байлар.
***
Атасы басқамен жолдас болсаң,
Атар да, жанына байланар.
***
Атасы басқаменен қоян аулама,
Алар да, қойнына салар.
***
Атасы басқаменен қоян аулама,
Атар да, жанына байлар.
***
Атасы басқаны Құдай қосады,
Үйірі басқаны ноқта қосады.
***
Атасы басқаның бәрі атшы.
***
Атасы бек болғанның баласы тек болмайды.
***
Атасы бұлан атпаған,
Баласы құлан атпас.
***
Атасы доңыз атпағанның
Баласы қоңыз атпайды.
***
Атасы жақсы, көргенін айтады,
атасы жаман, бергенін айтады.
***
Атасы жаман алғанын жамандайды,
Туысы жаман туғанын жамандайды.
***
Атасы жер жырта білмеген,
Баласы тұқым себе білмес.
***
Атасы жуастан би шықпас,
Сүрегі арықтан семіз шықпас.
***
Атасы жоқ – мас жетім,
Анасы жоқ – қас жетім.
***
Атасы жоқтың баласы жоқ.
***
Атасы затсыз болса, баласы ауға шықса,
Қазы алатын құсын қарғаға салады дейді.
***
Атасы мылтық атқан оқ жонады.
***
Атасы мылтық атқанның баласы оқ жонар.
***
Атасы өлген жөн жетім,
анасы өлген шын жетім.
***
Атасы татудың – баласы тату.
***
Атасы тұрып, ұлы сөйлегеннен без,
Анасы тұрып, қызы сөйлегеннен без.
***
Атасыз ұл ақылға жарымас,
Анасыз қыз жасауға жарымас.
***
Атасыз ұлдың аузы үлкен.
***
Атасыз үй – батасыз,
Анасыз үй – панасыз.
***
Атасыз үй болса да,
ассыз үй болмайды.
***
Атасыздан би қойсаң,
Дәметпестен дәметер.
***
Атасыздың аты шықса,
Асу сайын із салар.
***
Атасын құрметтеп тұрған баланың
Тілеген тілегі қабыл болады.
***
Атасын сыйлаған абыройға бөленер.
***
Атасын сыйлағанның баласын сүй,
Иесін сыйлағанның итіне сүйек сал.
***
Атасын сыйласаң, баласын сүй,
Иесін сыйласаң, итіне сүйек сал.
***
Атасында көрмегенді,
Батасында көрді.
***
Ат аттан артық болса да,
Атадан артық емес.
***
Атқа мінген атасын танымайды.
***
Аттан тай озады,
Атадан бала озады.
***
Аттанған жау атасын танымайды.
***
Атсыздың атасының құны кетеді.
***
Атсыздың атасының құны кетеді,
Жалғыз-жарым ырысы кетеді.
***
Атыңа ауыр жүк артпа,
Анаңа ауыр сөз айтпа.
***
Аузынан ана сүті кеппеген,
Белінен бесік табы кетпеген.
***
Ауылыңдағыны атадан сұра,
Үйдегіні баладан сұра.
***
Аш атасын тыңдамас.
***
Аш итке ас берсең,
Анаңа тартқаның.
Жаяуға ат берсең
Атаңа тартқаның.
***
Ашулының алдында тұрма,
Ашулы атасына қарамайды.
***
Ашықсаң, атаң боғын жерсің.
***
Ашылмаған ұра жоқ,
Атадан қалған мұра жоқ.
***
Аяғын кебіс қыспаған,
енесі ернін қыспаған.
***
Аяғын көр де, асын іш,
Анасын көр де, қызын ал.
***
Аяғын көріп, асын іш,
Шешесін көріп, қызын ал.
***
Аяқтың жаза басқаны үшін бастан сұрайды,
Баланың қатесі үшін әкеден сұрайды,
Жай халықтың қатесі үшін ханнан сұрайды.

maqal-matel.kz