Бабаның тал қондырғаны –
Өзіне ат қалдырғаны.
***
Бабаңнан жүз жас үлкен бол,
Балаңнан жүз жас кіші бол.
***
Байға бар, қырға бар,
Әкең салған жолға бар.
***
Байлықтың атасы – еңбек,
Анасы – жер.
***
Бақытты адамның маңайы
Мұз үстінен қар жанар.
Жақсы туған баланың
Атасы төрде сөз табар.
Жаман туса баласы,
Түйе үстінен ит қабар.
***
Бала ақылды болса,
Ата-ананы оздырады.
Желбуаз, жетесіз болса,
Жерге қаратып, тоздырады.
***
Бала ана болғанша – ана мола болар.
***
Бала – ананың бауыр еті.
***
Бала анасына қарайды,
Аң панасына қарайды.
***
Бала ата-анасына тартпай, заманына тартады.
***
Бала атадан батпан артық туады.
***
Бала атадан туады,
Ақыл өзінен туады.
***
Бала әкеге бес жыл жұмбақ,
Әке балаға өмір бойы жұмбақ.
***
Бала болу парыз емес,
Әке болу – парыз.
***
Бала – жүрек ортасы,
Бала – ананың қолқасы.
***
Бала қырық күнде шешесін танып емеді.
***
Балаға атаның қарғысы – атқан оқ,
Ананікі – сөнген шоқ.
***
Баламның баласы,
Ала күшік анасы.
***
Баламның баласы,
Балдан тәтті анасы.
***
Баланы барлық ана таба да, баға да біледі,
Ананы кімдер баптап баға біледі.
***
Баланы зардан,
Әкені бардан.
***
Баланы зордан,
Ананы бордан.
***
Баланы кім асыраса, сол – ана.
***
Баланың баласы бар әкеден асқан,
Баланың пәлесі бар албасты басқан.
***
Баланың ең жақын ұстазы – ата-анасы.
***
Баланың шешесі өгей болса,
Әкесі де өгей болып кетер.
***
Баласы атқа шапса,
Шешесі үйде отырып, тақымын қысады.
***
Баласы әкесін үйретпес.
***
Баласы жақсының әкесін ат үстінен көтеріп алады,
Баласы жаманның әкесін ат үстінен ит қабады.
***
Баласы жыламай,
Шешесі емшек бермес.
***
Баласы тәуше жесе,
Анасының тісі қамасады.
***
Балта ұстап әкең қалғанша,
Ұршық ұстап шешең қалсын.
***
Балықтың батасы жоқ,
Иттің атасы жоқ.
***
Бауырындағыны алдырған анасын алдырар.
***
Болар бала атадан өте туады,
Болмас бала кейін қарай кете туады.
***
Ботасыз інген боздаса,
Баласы өлген ананың
Қайғы шерін қозғайды.
***
Бүгін анасы ішкенді ертең баласы ішеді.
***
Біздің де әкеміз күйеу,
Шешеміз қалыңдық болған.
***
Білген жолыңды атаңа берме.
***
Бір анадан бала да туады, пәле де туады.
***
Бір бала бар, атаға жете туады,
Бір бала бар, атадан кете туады,
Бір бала бар, көтінен кейін қарай кете туады.
***
Бір бала бар әкеден өте туады,
Бір бала бар әкеге жете туады,
Бір бала бар әкеден кейін кете туады.
maqal-matel.kz