Бағың асқан шағыңда,
Құзғын салсаң, қаз ілер.
Бағың тайған шағыңда,
Тұйғын салсаң, аз ілер.
***
Бай аз, кедей көп.
***
Бай бай емес, бірлік бай,
Көп көп емес, бірлік көп.
***
Бай кісіде ақша көп болғанмен,
Ізгі ниет жоқ болады.
***
Байларда ақымақ көп болар,
Байлығымен білінбес.
***
Баймын деп мақтанба, жарлылық бар.
Көппін деп сұқтанба, жалғыздық бар.
***
Бақ тіліңді, ойлағаның саз болар,
Көп сөйлеген сөздің мәні аз болар.
***
Бақылдың бағы көгермейді,
Көгерсе де, көбеймейді.
***
Бақытсыз күн де өтер,
Молшылық та жетер.
***
Бақытың артқан шағыңда,
Жапалақ салсаң, қу ілер.
Бақытың тайған шағыңда,
Сұңқар салсаң, аз ілер.
***
Балаңа байқап сөйлесең, ақылыңа көнер,
Байқамай көп сөйлеген, жұрт ішінде өлер.
***
Баласы көп болса,
Ұрыс бастайды.
Жылқысы көп болса,
Қоныс бастайды.
***
Балықты көлде балдыр көп,
Балдырды құртсаң, балық жоқ.
***
Барында көл-көсір,
Жоғында – шөл.
***
Басы қараның байы көп,
Басына пайдасы жоқ.
***
Батыр тапса, барша жер,
Бақыл тапса, басып жер.
***
Бедеу мінсең, бел асасың,
Алғыс алсаң, көп жасайсың.
***
Бейпіл сөзден түскен пайда көрмедім,
Көп те болса, ешбір түсім термедім.
***
Бергенге бес те көп,
Алғанға алты да аз.
***
Бермегенге бесеу де көп,
Алғанға он болса да аз.
***
Берместің сылтауы көп.
***
Би болатын жігіттің
Етек-жеңі мол болар.
Қошқар болар қозының
Маңдайы жуан, дөң болар.
***
Бойыңның ұзынын қайтейін,
Ақылың аз болса.
***
Борай-борай қар жауса,
Бұ боран атты өлтірер.
Аз кісіні көп кісі
Жаман да болса, біреуіне келтірер.
***
Бөдененің үйі көп,
Қайда барса, бытпылдық.
***
Бұл өмірді беріпті ғой азапқа,
Қызық қуып, бос өткізіп азайтпа.
***
Бұлт бірігіп жерге жаңбыр құяды,
Көп бірігіп көлді шөлге құяды.
***
Бұрын жүрген із салар,
Көп іздеген бір табар.
***
Бұта түбі үй болар,
Малы көп кісі би болар.
***
Бұтағы көп ағашқа құс қонады,
Атағы жақсы адамға сөз ереді.
Ағаш басына жел үйір,
Жақсы адамға сөз үйір.
***
Бұтағы көп ағашқа құс қонады,
Көрікті әйелге сөз ереді.
***
Бұтамасаң, миуа аз,
Бұтасаң, жейсің қысы-жаз.
***
Білегі жуан бір кісіні,
Білімі көп мың кісіні жығады.
***
Білім көпке жеткізер,
Өнер көкке жеткізер.
***
Білімдіде ашу жоқ,
Пілдің жүгін көтереді.
Білімсізде ашу көп,
Жынның жүгін көтереді.
***
Білімсіз туған көп ұлдан,
Білімді туған қыз артық.
Білімсіз көп наданнан,
Білімді бір ер жүз артық.
***
Бір ауыздан сөз шықса, ағайынның бірлігі,
Бір төсектен бас шықса, адамның аз күн тірлігі.
***
Бір білімдар айтқан екен солайша:
«Дәмі кетер ас-ауқатың молайса».
***
Бір сөзді көп сөйлесе, сөз жасиды.
***
Бір сөзі көп сөйлесе, сөз жасады.
***
Бір теңге бие болмайды,
Екі теңге түйе болмайды.
Өзінікін азсынған,
Кісінікін көпсінген
Өз малына ие болмайды.
***
Бірді біреу береді,
Көпті еңбек береді.
***
Біреуді жалғыз деме,
Жалғыз Құдай барлық жанның иесі.
Жалғыз деп біреуді азсынсаң,
Түбінде барып өзіңе тиер киесі.
maqal-matel.kz