Ағаш бесікке түскен
Жер бесікке де түседі.
***
Ағаш бесіктен жер бесікке дейін үйрен.
***
Ақ жаулығы ананың –
Ақ көрпесі баланың.
***
Ақылды ердің ішінде
Алтын ерлі ат жатар.
Ақылды әйел ішінде
Алтын бесікті ұл жатар.
***
Ақылы жоқ шалдан
Бесіктегі бала артық.
Қайырымы жоқ ұлыңнан,
Астыңа мінген ат артық.
***
Алтын бесікке ашқан есік –
Елдің ері емес пе.
***
Ананың бір қолы бесікті,
бір қолы дүниені тербетеді.
***
Ата үйі – алтын бесік,
Кірсем-шықсам сипалар.
***
Аузынан ана сүті кеппеген,
Белінен бесік табы кетпеген.
***
Ауылым – алтын бесігім.
maqal-matel.kz