Базарда пұлы бардың көңілі тоқ,
Қатындардың, қарасаң, опасы жоқ.
***
Бай әйел алған өмір бойы құл болып өтеді.
***
Бай бақал болса,
Бәйбішесі тоқал болады.
***
Бай бергеннен, жан берген оңай.
***
Бай күндіз бәйбішені жақсы көреді,
Түнде тоқалды жақсы көреді.
***
Бай қайырлы болмаса,
Бар малынан айрылар.
Мал бетіне қараған
Жарынан айрылар.
***
Бай таңдаған ерсіз қалады,
Көше берген жерсіз қалады.
***
Байдан бұзылған қатынның қабағы ашылмайды,
Жақсының сыры шашылмайды.
***
Байдың атын қатын шығарады.
***
Байдың атын қатын шығарады,
Қатынның атын жетім шығарады.
***
Байдың әйелі өлсе, төсегі жаңғырар.
Кедейдің әйелі өлсе, басы қаңғырар.
***
Байдың күйігі етекте,
Бала күйігі өзекте.
***
Байдың қатыны өлсе, төсегі жаңғырады,
Кедейдің қатыны өлсе, басы қаңғырады.
***
Байдың қатыны өлсе, төсек жаңғырар,
Жарлының қатыны өлсе, басы қаңғырар.
***
Байсыз қатын – баусыз оймақ.
***
Байсыз әйел үйде тұрмас,
Баусыз оймақ қолда тұрмас.
***
Байтал жүйрік – пайда жоқ,
Қатын шешен – парқы жоқ.
***
Байтал – жүйрік, парқы жоқ,
Қатын – шешен, нарқы жоқ.
***
Байы жоқ, бала қайдан туады.
***
Бақ та – қатын,
Сор да – қатын.
***
Бақа жарығы суменен,
Қатын жарығы ерменен.
***
Бақа сисе, көлге сеп,
Жақсы қатын малға сеп.
***
Бақпасаң, мал кетеді,
Күтпесең, қатын кетеді.
***
Бақпасаң мал кетеді,
Қарамасаң әйел кетеді.
***
Бақпасаң, мал кетер,
Қарамасаң, қатын кетер.
***
Бала – жаман қатынның екі қолын байлайды,
Жақсы қатынның бір қолын байлайды.
***
Бала таппайтын әйелдің тұрары жоғын айт,
Мал таппайтын еркектің құрары жоғын айт.
***
Балаға жуыссаң, пәлесі жұғады,
Қатынға жуыссаң, қарасы жұғады.
***
Балаға тиме, бәлесі жұғар.
Қатынға тиме, қарасы жұғар.
***
Баланы жастан, әйелді бастан.
***
Баланы жастан, қатынды бастан.
***
Баланы жастан үйрет,
Қатынды бастан үйрет.
***
Баланың сөзі батпандай,
Қатынның сөзі кетпендей.
***
Балаң қайқы сері болса,
Жалғыз атқа жал бітпес.
Қатының қайқы сері болса,
Маңдайыңа мал бітпес.
***
Баласын мақтар бас жаман,
Қатынын мақтар қас жаман.
***
Бар бәле әйелден (әйел туралы даудан).
***
Бар болып байы өлгенге не жетсін.
***
Барақ жүнді батырды
Екі қатынның бірі табады.
Ел билейтін асылды
Мың қатынның бірі табады.
***
Бас тентек баласын мақтар,
Қас тентек қатынын мақтар.
***
Бастас қатын – астас.
***
Басы бостың байы – Құдай.
***
Басы қараның байы көп,
Басына пайдасы жоқ.
***
Басы қараның бары игі,
Ұлсыздан да қызды игі.
***
Батыр деген Барақ ит болар,
Екі қатынның бірі табатұғын.
Би деген ақсары ат болар,
Айында біреу табатұғын.
***
Батыр емей немене атқан жігіт,
Қатын емей немене қашқан жігіт.
Мың жылқылы байыңды елер ме екен
Оразасын үйінен ашқан жігіт.
***
Батыр кісі әр қатыннан туады,
Әділ би бір қатыннан туады.
***
Батыр кісі әр қатыннан туады,
Әділ кісі бір қатыннан туады.
***
Батыр – өктем, балуан – алып,
Әйел – дария, ер – балық.
***
Батырды жеңуге болады,
Қатынды жеңуге болмайды.
***
Батырдың ажалы атынан,
Ақынның ажалы қатыннан.
***
Батырдың күші майданда көрінер,
Келіншектің себі жайғанда көрінер.
***
Баусыз оймақ қолда тұрмайды,
Байсыз қатын үйде тұрмайды.
***
Бәйбіше боғым сасиды,
Тоқал тоқым жасиды.
***
Бәйбіше – Құдай бұйрығы,
Тоқал – иттің құйрығы.
***
Бәйбіше Құдайдың бұйрығы,
Тоқал – ешкінің құйрығы.
***
Бәйбішеге малын берер,
Тоқалға жанын берер.
***
Бәйбішенің жайы байға мәлім,
Бай келгенде шылыбдар тоқал залым.
***
Бәйбішенің көркі – саба,
Келіншектің көркі – бала.
***
Белгілі қосшың болмаса,
Белің буып атқа бар!
Тоқалыңыз болмаса,
Бәйбішесімей отқа бар.
***
Бес күндігін ойламаған әйелден без,
Бес жылдығын ойламаған еркектен без.
***
Бойдақ жігіт жұрт күйеуі.
***
Болатын елдің баласы,
Бірін-бірі «батыр» дейді.
Болмайтын елдің баласы,
Бірін-бірі «қатын» дейді.
***
Болдыратын да, толтыратын да қатын.
***
Бұлт шығып, жаңбыр жаумай елді алдайды,
Әйелдің ғайлакері ерді алдайды.
***
Бұлттан шыққан күн ащы,
Жаман әйелдің тілі ащы.
***
Бұтағы көп ағашқа құс қонады,
Көрікті әйелге сөз ереді.
***
Бүркіт алсаң, көрінген қызылды алмайтынын ал,
Қатын алсаң, көрінген шақырса бармайтынын ал.
***
Бүркіт алсаң, сұрын ал,
Талпынса керегең сиырылсын.
Қатын алсаң, сұлу ал,
Өлгенде ағайының талассын.
***
Біз де қатын болармыз,
Қапқа тары салармыз.
***
Біздің де әкеміз күйеу,
Шешеміз қалыңдық болған.
***
Білімді әйел басыңа қарайды,
Білімсіз әйел жасыңа қарайды.
***
Бір әйелдің айласы
Қырық есекке жүк болды.
***
Бір күнде болса серік боп,
Өзімен бірге қайғы жеп,
Тоқал ашар түндікті.
***
Бір қатынның айласы
Қырық есекке жүк болған.
***
Бір қатынның ері өлсе,
Қырық қатын күндес болады.
***
Бір қатынның кесірі
Қырық есекке жүк болды.
***
Бір қатынның мекері қырық есекке жүк болар.
***
Бір қыздың күйеуі келсе,
Қырық қыз қайық береді.
***
Бір ұрғашының айласы қырық есек,
Бір қашарға жүк болар.
***
Бірінші байлық – денсаулық,
Екінші байлық – ақ жаулық,
Үшінші байлық – он саулық.
maqal-matel.kz