Байғұстың аузы асқа тисе,
Мұрны қанайды.
***
Бастан қан шыққан соң, аянатын не бар.
***
Бауыр болмай, тәуір болмас,
Ұру болмай, бұру болмас,
Сәуір болмай, жауын болмас,
Екі даугер ауыл болмас,
Ит баласы сауын болмас.
***
Бөрі де жолдасына қас қылмайды.
***
Бөріден бөлтірік қанша асырасаң да, бір күні қанға бояйды.
***
Бөрінің аузы жесе де қан,
Жемесе де қан.
***
Бұл өмірді беріпті ғой азапқа,
Қызық қуып, бос өткізіп азайтпа.
***
Бұлтты күні күң таяқ жейді.
***
Біліммен жақын болсаң, қолың жетер,
Залыммен жақын болсаң, басың кетер.
***
Біреуді ұрып-ұрып саймен жүргенше,
Біреуге ұрдырып-ұрдырып қырмен жүр.
***
Бітеу жара (кек) білінбей тұрмайды.
maqal-matel.kz