Бай қасына көшіп бар да,
Байымасаң, маған кел.
Қу қасына көшіп бар да,
Қурамасаң, маған кел.
***
Бай таңдаған ерсіз қалады,
Көше берген жерсіз қалады.
***
Барлық жүкті көтерген түйе,
Бақырды да көтеруге күші жетеді.
***
Бас түйенің жетегін әлдеқалай ұстай қалған тышқан
Бүкіл керуенді бастайды.
***
Бозбала бастаған көш оңбайды,
Құралай бастаған киік оңбайды.
***
Боларыңды біліп өт,
Бозжорғадай желіп өт.
Боларыңды білмесең,
Болмасыңды білген соң,
Болған ердің қосын жек.
maqal-matel.kz