Бақыт күлкілі үйге кірер.
***
Бала күлкіге тоймас,
Жаман ұйқыға тоймас.
***
Басыңа іс түскенде жақсы көмек етер,
Жаман күліп өтер.
***
Басыңа іс түссе:
Жақсы көмек етеді,
Жаман күліп өтеді.
***
Болымсыздан өнер шықпас,
Көңілсізден күлкі шықпас.
***
Бөрі қартайса, итке күлкі болар.
***
Бұра сөйлеген күлкіге жақсы,
Бұра қашқан түлкіге жақсы.
***
Бұра сөйлеген күлуге жақсы.
***
Бұралқы мал мінуге жақсы,
бұралқы сөз күлуге жақсы.
***
Бұралқы сөз күлуге жақсы,
Бұралқы ат мінуге жақсы.
***
Бұрма сөз күлуге жақсы.
***
Бүгін күлерсің, ертең жыларсың.
***
Білімді сылық сөйлейді,
Жайдары күліп сөйлейді.
Шамкөс бір отырып,
Бір тұрып сөйлейді.
***
Бір күлкі денсаулыққа жақсы.
***
Бір күн күлер, сорасы ағып жылаған,
Қасіреттің құрдымына құлаған.
***
Біреу күле қараса, жылы жүзбен таста көз,
Сақта тілді жаманнан, жақсы тілеп баста сөз.
***
Біреу күлсе, бетіне күл шашпағын,
Жылы жүзбен күле қара, саспағын.
***
Біреудің білмегенін біреу білер,
Біреу жылағанға біреу күлер.
maqal-matel.kz