Байлық үшін отқа түспе, таспағын,
Құмарлықтың мойнын жұлып тастағын.
***
Бақан жаққан баста бар.
***
Бақытты адамның маңайы
Мұз үстінен қар жанар.
Жақсы туған баланың
Атасы төрде сөз табар.
Жаман туса баласы,
Түйе үстінен ит қабар.
***
Балаға атаның қарғысы – атқан оқ,
Ананікі – сөнген шоқ.
***
Баламен ойнама, шаршайсың,
Шаламен ойнама, күйерсің.
***
Балаң болса, шоқ болсын,
Шоқ болмаса, жоқ болсын.
***
Бар бақытты сақта, өсектен жұтатар,
Ол кіріссе, жоқтан отты тұтатар.
***
Бас-басыңа би болсаң,
Мына тауға симайсың.
Бір данаға жол берсең,
Жанған отқа күймейсің.
***
Бау-бақшаның қараусыз қалғаны –
Көк ағаштың отын болғаны.
***
Бәлеқор екі араға от жағады,
Біреуі өртенсе, өзі де жанады.
***
Бек деген – от,
Жақын жүрме, күйесің.
***
Белгілі қосшың болмаса,
Белің буып атқа бар!
Тоқалыңыз болмаса,
Бәйбішесімей отқа бар.
***
Берместің асы піспейді,
Қазаны оттан түспейді.
***
Берместің асы піспес,
Қазаны оттан түспес.
***
Битке өкпелеймін деп, тоныңды отқа жақпа.
***
Битке өкпелеп, тоныңды отқа жақпа.
***
Битке өкпелеп,
Тоныңды отқа салма.
***
Бықсыған отта шала бар,
Тымырсықта пәле бар.
***
Былтыр күйіп еді,
Биыл исі шықты.
***
Бір ауыз сөзден қырғын соғыс басталады,
Бір сіріңкеден үлкен өрт те басталады.
***
Бітуі жаман қамысты
Су ішінде өрт алар.
Жаман туған жігітті
Түйе үстінен ит қабар.
***
Бір ауыз өсек ел өртейді,
Бір шағым қу жер өртейді.
***
Бір жақсаң, үйіп жағасың,
Бір жақсаң, құртып жағасың.
***
Біреуге кепіл тұрғанша,
Уысыңмен шоқ ұста.
***
Біреуге от жақпа, өзің күйерсің.
***
Біреудің ажалы оттан,
Біреудің ажалы судан.
***
Біреудің қолымен от көсеме.
***
Бітуі жаман қамысты
Су ішінде өрт алар.
Жүрісі жаман адамды
Ел ішінде жау алар.
***
Бітуі жаман қамысты су ішінде өрт шалар.
***
Бітісі жаман қамысты су ішінде өрт алады,
Жетесі жаман жігітті ажалдан бұрын дерт алады.
***
Бітісі жаман қамысты
Су ішінде өрт алады.
Туысы жаман жігітті
Түйе үстінен ит қабады.
maqal-matel.kz