Байлық басыңнан кетсе,
Өзіңді сабанханада көр.
***
Байсыз әйел үйде тұрмас,
Баусыз оймақ қолда тұрмас.
***
Бақыт күлкілі үйге кірер.
***
Балалы үй – базар,
Баласыз үй – мазар.
***
Балалы үй – гүлстан,
Баласыз үй – көрстан.
***
Балалы үй – жұмақ.
***
Балалы үйдің сыры жатпайды.
***
Балалы үйдің ұрлығы жатпас.
***
Баланың тентек болғаны үйінен,
Жігіттің тентек болғаны биінен.
***
Баласы атқа шапса,
Шешесі үйде отырып, тақымын қысады.
***
Баласыз үйде бақыт болмайды.
***
Балықшының үйіне барсаң, қарма жерсің,
Егіншінің үйіне барсаң, жарма жерсің.
***
Бар боп тұрса бұрынғы әдет өрнегі,
Білімдіге тиер орын төрдегі.
***
Барма ханға,
Өзі келер малға.
Барма биге,
Өзі келер үйге.
***
Бассыз үйдің иті осырақ.
***
Басыңа дау келсе, билігің зая,
Үй артына жау келсе, ерлігің зая.
***
Батыр емей немене атқан жігіт,
Қатын емей немене қашқан жігіт.
Мың жылқылы байыңды елер ме екен
Оразасын үйінен ашқан жігіт.
***
Батыр майданда мықты,
Жаман үйде мықты.
***
Батыр ортақ, бай ортақ,
Төресі әділ хан ортақ.
Қараңғы үйдің ішінде
Шалқымай жанған шам ортақ.
***
Баусыз оймақ қолда тұрмайды,
Байсыз қатын үйде тұрмайды.
***
Бейнесіз алтын қоламен тең,
Тамақсыз үй моламен тең.
***
Берген берік есікті ашар.
***
Берместің үйінде бесті қымыз тұрады.
***
Би болма, би түсетін үй бол.
***
Би болмасаң, би болма,
Би түсетін үй бол.
***
Би қылма, би түсетін үй қыл.
***
Биік таудың төбесін көріп, түбіне барма,
Жақсының атын естіп, үйіне барма.
***
Бойжеткеннің ұяты – босағадан аттанғанша.
***
Босағада туып па еді, төрге отыр.
***
Босағаң алтын болса да,
Туған жеріңе жетпейді.
***
Бөденеде үй болмайды,
Шын жүйрікте күй болмайды.
***
Бөдененің үйі көп,
Қайда барса, бытпылдық.
***
Бұта түбі үй болар,
Малы көп кісі би болар.
***
Білімді жігіт еліне – ашылып есік, иіліп бесік болар.
***
Білімді кісі отырса,
Босаға да төр болады.
***
Білімдінің атағына,
Білімсіздің жатағына жиналады.
***
Бір ауылда бір үй аш болса,
Бар үй аш болады.
***
Бір есіктен кіріп,
Бір тесіктен шығып.
***
Бір есікті жасау үшін
Мың есіктің үлгісін көр.
***
Бір күн ұрысқан үйде
Қырық күн береке болмайды.
***
Бір кірпіштен үй салмас.
***
Бір үй толған жансың,
Бір-біріңе меймансың.
***
Бір үй толы жан,
Бір-біріне мейман.
***
Бір үйде нешеусің,
Бір-біріңе қонақсың.
***
Біреу қырық жеті беріп қатын айттырады,
Біреу үйде жатып менікі дейді.
***
Біреуге баспана керек,
Біреуге асхана керек.
***
Біреудің төсін жесең,
Үйіңе келіп ұшаңды сайла.
maqal-matel.kz