Б

Бабаңнан жүз жас үлкен бол,
Балаңнан жүз жас кіші бол.
***
Базарда мың кісі,
Көңілді бір кісі.
***
Базарда мың кісі бар,
Әр кісі сүйгеніне сәлем берер.
***
Базарда мың кісі бар,
Қай сүйгеніңе сәлем берерсің.
***
Базардан қалған бір күн қалар,
Егістен қалған бір жыл қалар.
***
Бай бір борандық,
Батыр бір оқтық.
***
Бай бір жұттық,
Батыр бір оқтық.
***
Бай мақтанса, бір жұттық.
***
Бай мінеді бір ат,
Жарлы мінеді бір ат.
Жазғытұры болғанда,
Бай мінеді құр ат.
***
Байдың бір жоқтығы бар,
Аштың бір тоқтығы бар.
***
Байдың малы төрт тісімен оттайды,
Жарлының малы екі тісімен оттайды.
***
Байдың мың қойының ішінде
Жарлының жалғыз қара тоқтысын көреді.
***
Байқасаң, бақыт бір жерде тұрмайды.
***
Байлық – бір айлық.
***
Бақтағы гүлдер бір ашылып, бір жабылады.
***
Бақытта көз болмайды,
Шын жақсы сыйымсыз сөз болмайды.
Дүниеде бас-аяқ тегіс емес,
Екі жақсы бір жерде кез болмайды.
***
Бала әкеге бес жыл жұмбақ,
Әке балаға өмір бойы жұмбақ.
***
Бала – жаман қатынның екі қолын байлайды,
Жақсы қатынның бір қолын байлайды.
***
Бала қырық күнде шешесін танып емеді.
***
Балаға пышақ бермесең, бір жылар,
Пышақ берсең, екі жылар.
***
Балам бол, басқа бол – бәріңе заң біреу-ақ.
***
Баланың бір көзі жоқ,
Малайдың екі көзі жоқ.
***
Баланың сегізінде тісі түседі,
Сексенінде ердің елге ісі түседі.
***
Балықтың да сегіз қанаты бар.
***
Балықшы айтпайды расын,
Сонда да алады бір асым.
***
Бар болса, сойғанның жөні бар,
Бір қойдан он кісінің құны бар.
***
Бар болса, сойғаныңның жөні бар,
Бір қойда он кісінің құны бар.
***
Барақ жүнді батырды
Екі қатынның бірі табады.
Ел билейтін асылды
Мың қатынның бірі табады.
***
Барлық адамның тағдыры бір жерде түйіседі,
Құл да өледі, қожайын да өледі.
***
Барлық ауру бір жолмен келеді –
Қомағайлық арқылы.
***
Бас-басыңа би болсаң,
Бір қазанға симайсың.
***
Бас-басыңа би болсаң,
Мына тауға симайсың.
Бір данаға жол берсең,
Жанған отқа күймейсің.
***
Бас екеу болмай,
Мал екеу болмас.
***
Басқыштың төменінен бір-бірлеп басып қана жоғары шығуға болады.
***
Баста ми жоқ болса,
Екі аяққа зор түсер.
***
Баста ми жоқ болса,
Екі аяққа күш келер.
***
Басында ми жоқ болса, екі аяққа күш келер.
***
Батыр бір оқтық, бай бір жұттық.
***
Батыр деген Барақ ит болар,
Екі қатынның бірі табатұғын.
Би деген ақсары ат болар,
Айында біреу табатұғын.
***
Батыр жайшылықта бір адам,
Жауға кірсе, мың адам.
***
Батыр кісі әр қатыннан туады,
Әділ би бір қатыннан туады.
***
Батыр кісі әр қатыннан туады,
Әділ кісі бір қатыннан туады.
***
Батыр мақтанса, бір оқтық,
Бай мақтанса, бір жұрттық.
***
Батыр мың қол бастайды,
Шешен тар жерде сөз бастайды.
***
Батырдың басы екеу болмайды.
***
Батырдың бір ісі тентек,
Қорқақтың екі ісі тентек.
***
Батырдың сөзі мың теңгелік.
***
Башқұрт басында бар бес құрт,
Арқасында бар алты құрт,
Желкесінде бар жеті құрт.
***
Бәлеқор екі араға от жағады,
Біреуі өртенсе, өзі де жанады.
***
Бәленің сенде несі бар, қаша жүрсең,
Бәленің сенен басқа несі бар,
Бір шетінен баса жүрсең.
***
Бәрің тойшы болғанша,
Бірің қойшы бол.
***
Бегің соқыр болса,
Бір көзіңді қысып отыр.
***
Безбетке қасық берсең,
Бір кезекте бес асар.
***
Беземе тілді бекер, болар қамшы,
Дәрісі оның у ғой бір-ақ тамшы.
***
Бек алдында иіліп, көкірегін басқан қолдан,
Темір илеген білек мың есе артық.
***
Бергенге бес те көп,
Алғанға алты да аз.
***
Бердім бір ай,
Келдім сұрай.
***
Береке бір тиыннан.
***
Берекелі елдің баласы –
Бірі қанат, бірі құйрық,
Берекесіз елдің баласы –
Бірі аманат, бірі күйік.
***
Берер Тәңір талап қылсаң,
Не табарсың қарап тұрсаң.
Мұратқа тез жетерсің,
Оқығанды сабақ қылсаң.
Күніне бес ойлағанды тамақ қылсаң.
***
Беретін кісім келгенде,
Бес қайнайды қазаным.
***
Беретіннен де бір сұра,
Бермейтіннен де бір сұра.
***
Бермегенге бесеу де көп,
Алғанға он болса да аз.
***
Бес бармақ жиналса, жұдырық болар.
***
Бес бармақтың біреуін тістесең де,
Бәрі бірдей ауырады.
***
Бес бармақтың бірін шапсаң, бәрі аурады.
***
Бес бәлекке бес қарақшы,
Сегіз ешкіге сексен теке.
***
Бес биенің сүтіне саба толмас,
Тоғыз қой тұқым болмас.
***
Бес жұлдыз туса,
Бер де құтыл.
***
Бес күндігін ойламаған әйелден без,
Бес жылдығын ойламаған еркектен без.
***
Бес намазға бес дәрет,
Бәракалла таратың.
Бес намазға бір тарат.
Бәракалла адатың.
***
Бес саусақ білекке,
Білек жүрекке бағынышты.
***
Бес саусақ бірдей емес.
***
Бес тиын беріп айтқыза алмасаң,
Он тиын беріп қойдыра алмассың.
***
Бес тиындық қоян – он тиындық зиян.
***
Бестің басы болғанша,
Алтының аяғы бол.
***
Бесік баласы бес түлейді.
***
Би екеу болса, дау төртеу.
***
Би екеу болса, дау төртеу болады.
***
Биліктен білік бір жасы үлкен.
***
Боз көйлектің қырық күндік мастығы бар.
***
Бозторғай бес бала тапса,
Біреуі бұлбұл болады.
Көк қарға бес бала тапса,
Біреуі құзғын болады.
***
Бойдақ жігітке елу құлаш бөзден де ыстан шықпайды.
***
Бойдақ қыздың екі күн есі бар да, бір күн есі жоқ.
***
Бойдақтың ақылы – екі көз.
***
Болар адам он бесінде бас болар,
Болмас адам қырығында жас болар.
***
Болар адам он бесінде бас болар,
Болмас адам қырыққа кірсе де, жас болар.
***
Болымдының баласы
Он бесінде баспын дейді.
Болымсыз елдің баласы
Отызында жаспын дейді.
***
Ботқа жеймін деген асым ба еді,
Тоқсан келемін деген жасым ба еді.
***
Бөрі қартайса да, бір қойға күші жетеді.
***
Бөрі қартайса да бір қулық болады.
***
Бөріден бөлтірік қанша асырасаң да, бір күні қанға бояйды.
***
Бөрінің қартайса да,
Бір қойлық әлі бар.
***
Бурыл атта бұғау бар,
Ойынға кесер екеу бар.
***
Бұқаны құтыртқан екі ені.
***
Бұл дүние уақытша әуре, далбаса,
Бір тоймайды айдаһардай жалмаса.
***
Бұл сексен көрейін деген жасым ба еді,
Быламық ішейін деген асым ба еді.
***
Бұрауы күмістен болса да бір шіркін.
***
Бұрын жеті ағайынды едік,
Өле-өле үшеу қалдық.
***
Бұрын жүрген із салар,
Көп іздеген бір табар.
***
Білгенің – бір тоғыз,
Білмегенің – мың тоғыз.
***
Білгенің бір тоғыз,
Білмегенің тоқсан тоғыз.
***
Білегі жуан бірді жығады,
Білігі жуан мыңды жығады.
***
Білегі жуан бірді жығады,
Білімі жуан мыңды жығады.
***
Білегі күшті бірді,
Білімі күшті мыңды жығады.
***
Білегі күшті бірді жығар,
Білімі күшті мыңды жығар.
***
Білегі толық бірді жығар,
Білімі толық мыңды жығар.
***
Білемін – мың сөз,
Білмеймін – бір сөз.
***
Білмеген мың бәледен құтылар.
***
Білмеген мың пәлеге тұтылар,
Білген мың пәледен құтылар.
***
Білмегеніңді бес жасар баладан сұра.
***
Білімді мың жасайды,
Білімсіз құр жасайды.
***
Білімді мыңды жығады,
Білегі жуан бірді жығады.
***
Білімді сылық сөйлейді,
Жайдары күліп сөйлейді.
Шамкөс бір отырып,
Бір тұрып сөйлейді.
***
Білімсіз туған көп ұлдан,
Білімді туған қыз артық.
Білімсіз көп наданнан,
Білімді бір ер жүз артық.
***
Білімсізден де бір іс өтер,
Білімдіден де бір іс өтер.
«Білік» деген бір қазық,
Барлығы соған оралар.
***
Білікті білім біліп, зерделі ұғар,
Жүзеге осы екеуі алып шығар.
***
Білікті бір де шығар,
Білімсіз мың да шығар.
***
Білікті кісі – баға жетпес алтын,
Біліксіз кісі – бес тиын бақыр.
***
Білімдар нәпсі, тілді түзетеді,
Екеуін еркі жетіп күзетеді.
***
Білімді бір кісі білімсіз мың кісімен тең.
***
Бір ағашта қанша бұтақ,
Біреуі-ақ қамшыға сап.
***
Бір адам қырық адамға олжа салады.
***
Бір адам машақатпен мал жияды,
Біреу оны олжалап, шалжияды.
***
Бір адамда екі жүрек болмас,
Бір көңілде екі тілек болмас.
***
Бір адамның бір адамнан парқы бар,
Ол айырма білімменен жарқырар.
***
Бір ақылды кісі айтыпты: «бір ақша жүз елу батпан қара күштен әлдеқайда пайдалы».
***
Бір анадан бала да туады, пәле де туады.
***
Бір асқанға, бір тасқанға кез келеді.
***
Бір асуға – бір тасу.
***
Бір атқа екі жүген кезікпес.
***
Бір атым бар орында,
Не қамым бар боранда.
***
Бір ауыз сөзден қырғын соғыс басталады,
Бір сіріңкеден үлкен өрт те басталады.
***
Бір ауыздан сөз шығар,
Бір жағадан бас шығар.
***
Бір ауыздан сөз шықса, ағайынның бірлігі,
Бір төсектен бас шықса, адамның аз күн тірлігі.
***
Бір ауруға дәрі керек,
Бір ауруға сабыр керек.
***
Бір ауыз киелі сөз
Мың кісінің көңілін жадыратады.
***
Бір ауылда бір үй аш болса,
Бар үй аш болады.
***
Бір ауылдың иті бір ауылға үрмейді.
***
Бір ауылдың малын бақпасаң,
Мың ауылдың малын бағарсың.
***
Бір аштықтың бір тоқтығы бар.
***
Бір аштың бір тоқтығы бар.
***
Бір аштың бір тоқтығы болады,
Бір тоқтың бір жоқтығы болады.
***
Бір аяғы жерде, бір аяғы көрде.
***
Бір аяғым жерде,
Бір аяғым көкте.
***
Бір аяқ қымыздың екі ауыз сөздік желігі бар.
***
Бір аяқ қымыздың
Екі аяқ желі бар.
***
Бір аяқ қымыздың
Екі аяқ желігі бар.
***
Бір аяқтағы астың жартысы адал,
Жартысы арам болады.
***
Бір әйелдің айласы
Қырық есекке жүк болды.
***
Бір байдың жұртына екі тышқан таласады.
***
Бір бала бар әкеден өте туады,
Бір бала бар әкеге жете туады,
Бір бала бар әкеден кейін кете туады.
***
Бір баласы бардың
Шығар-шықпас жаны бар.
Екі баласы бардың
Жүрегінде жалы бар.
***
Бір басқа – бір көз.
***
Бір басқа екі бас қосылды.
***
Бір батырға мың қорқақ шақ келмейді.
***
Бір бидай көз көрім жерге жеткізеді.
***
Бір биеден ала да туады,
Құла да туады.
***
Бір биенің екі емшегі,
Бірі кетсе, сүті жоқ.
Бір түйенің екі өркеші,
Бірі кетсе, күші жоқ.
***
Бір бөрінің баласы алты болар, бес болар,
Абзалы оның бір болар.
Абзалынан айрылса,
Әрқайсысы әр далада
Әрбір итке жем болар.
***
Бір гүл толып ашылады,
Бір гүл солып ашылады.
***
Бір дауда екі күмән жоқ,
Бір істе екі жаға жоқ.
***
Бір де болса, бірегей болсын.
***
Бір ел өңкей жақсы болмас,
Жыны жоқ адам бақсы болмас.
***
Бір елі ауызға екі елі қақпақ.
***
Бір ені ішінде, бір ені сыртында.
***
Бір ердің дәулетіне қырық адам мас болады.
***
Бір есіктен кіріп,
Бір тесіктен шығып.
***
Бір есікті жасау үшін
Мың есіктің үлгісін көр.
***
Бір етікке екі аяқ симас.
***
Бір жақсаң, үйіп жағасың,
Бір жақсаң, құртып жағасың.
***
Бір жақсы бір жаманмен қас болмас,
Есебін тауып дос болмас.
***
Бір жақсы қыз екі жаман ұлға татиды.
***
Бір жақсы менен бір жақсы мұрат қылады.
***
Бір жақсы мың қолды ерітер.
***
Бір жақсы халыққа тұлға,
Мың жаман тұрмайды пұлға.
***
Бір жақсының шарапаты мыңға тиеді,
Бір жаманның кесапаты мыңға тиеді.
***
Бір жаманның кесапатынан аққан дария құриды.
***
Бір жаманның кесірі мыңға тиеді.
***
Бір жапырақ нан тапсаң, қанағат ет.
***
Бір жас – бірдей құрдас.
***
Бір жас жігіт айтыпты:
«Ұзын бойлы ақымақтан,
Қысқа бойлы ақылды артық».
***
Бір жас малдан құрдас,
Екі жас зордан құрдас.
***
Бір жас үлкеннен ақыл сұра.
***
Бір жеңнен қол шығару,
Бір жағадан бас шығару.
***
Бір жеп тояр ас үшін
Бар күшіңді сарып етпе.
***
Бір жоқты бір жоқ табар.
***
Бір жол бар – алыс, алыс та болса – жақын.
***
Бір жол бар алыс,
Алыс та болса, жақын.
Бір жол бар жақын,
Жақын да болса, алыс.
***
Бір жұтқан сусын таза да дәмді көрінеді.
***
Бір жұтым суды да бөлісіп іш,
Жалғыз отырып жеген жалғыз өледі.
***
Бір жүз елу тараудан тұратын ақыл оқып берсең де, ақымаққа ойыншық көрінеді.
***
Бір жыл тұт еккен кісі,
Мың жыл гауһар тереді.
***
Бір жылға қоян терісі де шыдайды.
***
Бір жылы сөз бір күнгі азық.
***
Бір жітікке бір саяқ қосылады.
***
Бір заманда бөрі едік,
Тайды басып жер едік.
***
Бір кеменің басын ұстаған мұратына жетеді,
Екі кеменің басын ұстаған суға кетеді.
***
Бір көзін аша қарап,
Бір көзін баса қарап.
***
Бір көлдің тынышын бір бақа бұзады.
***
Бір көрген біліс,
Екі көрген таныс.
***
Бір күлкі денсаулыққа жақсы.
***
Бір күн абдырағаннан қырық күн ақыл сұрама.
***
Бір күн ашыққаннан
Қырық күн ақыл сұрама.
***
Бір күн дәм татқанға,
Қырық күн сәлем бер.
***
Бір күн қарны ашқаннан қырық күн ақыл сұрама.
***
Бір күн қонса – құт,
Екі күн қонса – жұт.
***
Бір күн тусаң, бір күн өлерсің.
***
Бір күн туылыппын,
Бір күн өліппін.
***
Бір күн тұз-дәм татқанға қырық күн сәлем бер.
***
Бір күн ұрыс болса,
Қырық күн береке кетеді.
***
Бір күн ұрысқан үйде
Қырық күн береке болмайды.
***
Бір күн ұрысқанның
Қырық күн нәсібі төгіледі.
***
Бір күнгі ұрыстың
Қырық күндік қырсығы бар.
***
Бір күндік жолға шықсаң,
Үш күндік жол азық ал.
***
Бір күндік жолдасқа
Қырық мәрте сәлем.
***
Бір күндік өмірің қалса да,
Жортақ мінбе, жорға мін.
***
Бір күндік ұрыстың
Қырық күндік кесірі бар.
***
Бір кірпіштен үй салмас.
***
Бір кісі арық қазады,
Мың кісі су ішеді.
***
Бір кісі мың кісіге олжа салады.
***
Бір кісінің ішіне бір аяқ ас сияды.
***
Бір қазанға екі бидай қуырылмас.
***
Бір қарғамен қыс келмес.
***
Бір қарын майды бір құмалақ шірітер.
***
Бір қатынның айласы
Қырық есекке жүк болған.
***
Бір қатынның ері өлсе,
Қырық қатын күндес болады.
***
Бір қатынның кесірі
Қырық есекке жүк болды.
***
Бір қатынның мекері қырық есекке жүк болар.
***
Бір қой қоздаса,
Бір түп шөп артық шығады.
***
Бір қойдың қатығы іркіт болмас,
Өзі біліп, сөйлеген адамды іркіп болмас.
***
Бір қолың бір қолыңды жуады.
***
Бір қолыңның ашуы келсе,
Бір қолыңмен арашала.
***
Бір қора қасқырды бір қойға бақтырса,
Бәрі қой болып кетеді.
Бір қора қойды бір қасқырға бақтырса,
Бәрі қасқыр болып кетеді.
***
Бір Құдай жетелеп,
Екі ажал айдап келеді.
***
Бір құмалақ бір қарын майды шірітеді.
***
Бір құмалақ бір қарын майды шірітер,
Бір жаман мың қойды ірітер.
***
Бір құмалақ бір қарын майды шірітер,
Бір жаман мың қолды ірітер.
***
Бір құрт тапсаң, бөліп же.
***
Бір құртты бөле же,
Жарты құртты жара же.
***
Бір қыз күйеуге шықса,
Қырық қыз түс көреді.
***
Бір қыздың күйеуі келсе,
Қырық қыз қайық береді.
***
Бір қызымнан бір қызым сорақы.
***
Бір қылғанды екі қылады,
Екі қылғанды әдет қылады.
***
Бір қылық хан қызында да болады.
***
Бір лақ екі адамды талтаңдатады.
***
Бір мөкей бір мөкейге «мө» депті.
***
Бір мылтықтың аузына мың кісі сияды.
***
Бір нақақты күйдіргеннен,
Он қылмыстыны ағартқан артық.
***
Бір оқты бұлан көтереді,
Бір оқты құлан көтереді.
***
Бір оқты құлан көтереді,
Екі оқты бұлан көтереді.
***
Бір оқты бұлан көтереді,
Бір оқты ұлан көтереді.
***
Бір осалдық болады екен әр ерде,
Бірер айып болады екен өнерде.
Басын алса соның үшін адамның,
Ешкім тірі қалмас еді о жерде.
***
Бір пайда – пайда,
Екі пайда қайда?
***
Бір пайдадан кешіккен,
Мың кісіге дос болады.
***
Бір саудаң иіп кетеді,
Бір саудаң киіп кетеді.
***
Бір сиыр тоғай боқтамас,
Тоғай оны жоқтамас.
***
Бір сомың бие болмас,
Бес сомың түйе болмас.
***
Бір сөз бір сөздің көтін шұқып алады.
***
Бір сөз – бір сөздің қуғыншысы.
***
Бір сөзді көп сөйлесе, сөз жасиды.
***
Бір сөзі көп сөйлесе, сөз жасады.
***
Бір сөзі өтіріктің бар сөзі өтірік.
***
Бір сіз-бізден,
Бір ғыз-мыз артық.
***
Бір тай бие болмайды,
Екі тай түйе болмайды.
***
Бір таппаң,
Бір тапқан соң к…т жаппаң.
***
Бір тау бір киікті ашықтырмайды.
***
Бір тау бір тауға қосылды десе, сен,
Жаманнан жаман әдеті қалды десе, сенбе.
***
Бір тауды жайлаған бір киік аш болмайды.
***
Бір тәуекел болады,
Мың қайғыңнан қаласың.
Бір жақсы сөз бітірер
Мың көңілдің жарасын.
***
Бір тентек бір ақылды таласса,
Атысқан жаудай болар.
Екі тентек дауласса, сап-саудай болар.
***
Бір теңге беріп, айттырып,
Мың теңге беріп, қойдыра алмайды.
***
Бір теңге беріп жырлатып,
Мың теңге беріп қойдыра алмадық.
***
Бір теңге беріп жырлатып,
Мың теңге беріп қойдыра алмассың.
***
Бір теңге бие болмайды,
Екі теңге түйе болмайды.
***
Бір теңге бие болмайды,
Екі теңге түйе болмайды.
Өзінікін азсынған,
Кісінікін көпсінген
Өз малына ие болмайды.
***
Бір теңге бие болмас,
Екі теңге түйе болмас.
Біреу малын қызғанған
Өз малына ие болмас.
***
Бір тиынға қарамаған,
Бір тиынға арзымайды.
***
Бір тойған аштықты ұмытады.
***
Бір тойған екі күн тоқ жүреді.
***
Бір тойынның басы ауырды екен деп,
Барлық тойынның басы ауырмайды.
***
Бір түйенің екі өркеші,
Бірі кетсе, күші жоқ.
***
Бір түйір дәнде бір тамшы тер бар.
***
Бір түлкі жеті бөріні алдайды.
***
Бір түлкінің терісін екі рет соймайды.
***
Бір түлікке бай болғанша,
Әр түлікке сай бол.
***
Бір түп шеңгелді мың жыл қоралағанмен бау болмас.
***
Бір тілегім орындалса, тағы бар,
Бірі бітсе, тағы бірі табылар.
***
Бір ұрғашының айласы қырық есек,
Бір қашарға жүк болар.
***
Бір үй аш болса, ауыл аш,
Ауыл аш болса, аймақ аш.
***
Бір үй толған жансың,
Бір-біріңе меймансың.
***
Бір үй толы жан,
Бір-біріне мейман.
***
Бір үйде нешеусің,
Бір-біріңе қонақсың.
***
Бір үйде нешеусің,
Бір-біріңе меймансың.
***
Бір шыж-мыждан,
Мың шыж-мыж.
***
Бір істі екі адамға тапсырма.
***
Бір-бірлеп мың болады,
Тама-тама көл болады.
***
Бірді берсең маған,
Мыңды беремін саған.
***
Бірді біреу береді,
Көпті еңбек береді.
***
Бірді еңбек еткен, екі етеді,
Екі еткен әдет етеді.
***
Бірді көріп пікір,
Екіні көріп шүкір.
***
Бірді өзіңе жамандай келген,
Мыңға өзіңді жамандай барады.
***
Бірді сепсең, жерге,
Мыңды берер, елге.
***
Бірдің айы – бір ішек,
Көкек айы – көк ішек,
Мамыр айы – майлы ішек.
***
Бірдің кесапаты мыңға, мыңдікі түменге.
***
Бірдің кесапаты мыңға тиеді.
***
Бірдің кесірі мыңға тиеді.
***
Бірдің сүйегі – мыңның сүйегі.
***
Біреу арқан тоздырар,
Екеу ұлтан тоздырар.
***
Біреу бетінен жазады,
Біреу ниетінен жазады.
***
Біреу болса – құда,
Екеу болса – ұя.
***
Біреу қырық жеті беріп қатын айттырады,
Біреу үйде жатып менікі дейді.
***
Біреу тойып секірер,
Біреу тоңып секірер.
***
Біреу түзер, біреу бұзар.
***
Біреу шынымды айтам деп,
Өзінің мінін айтады.
***
Біреуге баспана керек,
Біреуге асхана керек.
***
Біреуге бес күн алдын келсе,
Біреуге бес күн кейін келеді.
***
Біреуге деп ор қазсаң, өзің түсерсің.
***
Біреуге елден береді,
Біреуге жерден береді.
***
Біреуге ор қазба,
Ор қазсаң да, зор қазба!
***
Біреуге ор қазсаң,
Өзіңе көр қазылар.
***
Біреуге пайдасы тимегесін,
Біреуден пайда көре алмайды.
***
Біреуден жиса, мың болар.
***
Біреуді жалғыз деме,
Жалғыз Құдай барлық жанның иесі.
Жалғыз деп біреуді азсынсаң,
Түбінде барып өзіңе тиер киесі.
***
Біреуді ұрып-ұрып саймен жүргенше,
Біреуге ұрдырып-ұрдырып қырмен жүр.
***
Біреудің ажалы оттан,
Біреудің ажалы судан.
***
Бірмен сырлас,
Мыңмен кеңес.
***
Біртіндеп келсе қуаныш,
Ондап келер реніш.
***
Бірі ашулы болса,
Екіншісі басулы болады.
***
Бірі кем дүние осы екен.
***
Бірін жасырып алған,
Бірін басынып алған.
***
Бірін жемей кедей өледі,
Мыңын жемей бай өледі.
***
Бірін қырықсаң, он қондыр.
***
Бірінші байлық – денсаулық,
Екінші байлық – ақ жаулық,
Үшінші байлық – он саулық.
***
Бірінші би – халық,
Екінші би – тарих.

maqal-matel.kz