Бай бастас, батыр қандас, би құлақтас.
***
Бай болмаған бай болса,
Жайламаған сай қоймас.
Би болмаған би болса,
Сөйлемеген сөз қалмас.
***
Бай болмаған бай болса,
Қонбаған сай қалмайды.
Би болмаған би болса,
Ақылы оның толмайды.
***
Байға жарамсақтанып,
Жарлының тоқты қойлық ақысы шығыпты.
***
Байдан би шықса,
Кедейден дана шығады.
***
Байдың сөзі адал,
Биі әділ.
***
Байыпты болсаң,
Айыпты болмайсың.
***
Бақыт қонса басыңа,
Білмесең де, данасың.
Бақыт ұшса басыңнан,
Ақ та болсаң, қарасың.
***
Бала биден де күшті,
Бірақ бітірмес істі.
***
Балам бол, басқа бол – бәріңе заң біреу-ақ.
***
Бай – тамырлас,
Би – құлақтас.
***
Баланың тентек болғаны үйінен,
Жігіттің тентек болғаны биінен.
***
Бардың баласы би болар,
Жоқтың баласы қамшы астында ит болар.
***
Барма ханға, өзі келер малға,
Барма биге, өзі келер дауға.
***
Барымталап алған мал емес,
Қуып алған құн емес.
***
Бас-басыңа би болсаң,
Бір қазанға симайсың.
***
Бас-басыңа би болсаң,
Манар тауға симассың.
***
Бас-басыңа би болсаң,
Мына тауға симайсың.
Бір данаға жол берсең,
Жанған отқа күймейсің.
***
Бас кеспек болса да,
Тіл кеспек жоқ.
***
Басқа түссе баспақшыл.
***
Басқаның тісі ащы жеп қамалады,
Қазының тісі тәтті жеп қамалады.
***
Басыңа дау келсе, билігің зая,
Үй артына жау келсе, ерлігің зая.
***
Басыңа дау келсе,
Билігің кетер.
***
Басыңа пәле келсе,
Жақсыға ісің түседі.
Басыңа кесел келсе,
Бақсыға ісің түседі.
***
Басыңа түссе,
Басмақшы боларсың.
***
Басыңа іс түскенде жақсы көмек етер,
Жаман күліп өтер.
***
Басыңа іс түссе, билігің зая,
Үстіңнен жау түссе, ерлігің зая.
***
Батыр деген – бір-ақ ат,
Би деген – ақ шариғат.
***
Батыр – жау барда сыйлы,
Би – дау барда сыйлы.
***
Батыр кісі әр қатыннан туады,
Әділ би бір қатыннан туады.
***
Бәсең болсаң, бәйгеге қосыларсың,
Аса берсең, аспаға асыларсың.
***
Бедеу аттың жорғалағаны айып,
Тазы иттің үргені айып.
***
Бекзаттан би қойсаң, ойлар тамағын.
Бейзаттан би қойсаң, білмес бабағын,
Жақсыдан би қойсаң, ашпас қабағын.
***
Берген биге жағар,
Бермеген неге жағар.
***
Бетің қисық болса, айнаға өкпелеме.
Ісің қисық болса, жазаға өкпелеме.
***
Би айтқанды құл айтады,
Құл аузының дауасы жоқ.
***
Би әділ болса, дауды тындырады,
Залым болса, сөнген дауды жандырады.
***
Би бекерге тумайды.
***
Би болатын жігіттің
Етек-жеңі мол болар.
Қошқар болар қозының
Маңдайы жуан, дөң болар.
***
Би болма, би түсетін үй бол.
***
Би болмақ ініден,
Белге шықпақ баладан.
***
Би болмақ ініден,
Билікке шықпақ баладан.
***
Би болмасаң, би болма,
Би түсетін үй бол.
***
Би болудан билік айту қиын.
***
Би білгенді құл да біледі,
Сөйлейтін ауыз болса.
***
Би екеу болса, дау төртеу.
***
Би екеу болса, дау төртеу болады.
***
Би жоқта құл жүреді жораға,
Ит жоқта шошқа үреді қораға.
***
Би қылма, би түсетін үй қыл.
***
Биді Құдай ұрмайды,
Алымға сөзін бұрса да.
***
Бидің айтқан сөзінің бәрі кеңес,
Кісі ақылы кісіге ақыл емес.
Түнде ұры халықтың малын жесе,
Ертең жиын-тойға тіпті кірмес.
***
Бидің әділ сөзі – тентектердің тезі.
***
Бидің жолы – ақ, судың жолы – сара.
***
Бидің пара алғаны – боқ жегені,
Арамдығы бар, адалдығы жоқ дегені.
***
Бидің түзулігі мылтықтай,
Өткірлігі қылыштай болсын.
***
Билік айту оңай, біліп айту қиын.
***
Бисіз ел – белдеусіз үй.
***
Бөтен елде би болғанша,
Өз еліңде шопан бол.
***
Бұл жалғанда жазығы жоқ жан бар ма?
***
Білмес наданнан би қойсаң,
Жұртыңды дауға алдырар.
***
Білім болса, бектер биік заңғар-ды,
Жақсы атанып, ашар ізгі заңдарды.
***
Білім іздеген өсер,
Бүлік іздеген өшер.
***
Бір дауда екі күмән жоқ,
Бір істе екі жаға жоқ.
***
Бір нақақты күйдіргеннен,
Он қылмыстыны ағартқан артық.
***
Біреуге етсең зорлық,
Өзіңе келер қорлық.
***
Біреудікі – күші,
Біреудікі – соты.
***
Бірінші би – халық,
Екінші би – тарих.
maqal-matel.kz